森美19歲兒子曦樂回流讀港大醫科 父子拍檔做司儀！

父子拍檔做司儀

前晚港大醫學院舉行周年晚宴，TVB高層蕭世和上載當晚的照片，透露其中一個環節係由森美主持，拍檔係森美大仔梁曦樂！從當晚照片所見，而梁曦樂已經有老竇咁高，而且父子一齊著西裝打煲呔上陣，十分醒目。看來他除了遺傳了爸爸的聰明腦袋，更遺傳了好口才！森美傍實阿仔做司儀，亦露出滿意笑容。

森美是名校喇沙出身，梁曦樂當然跟老竇一樣成為「喇沙仔」，後來到英國升學，參加英國GCSE會考取得11科A*佳績，憑此佳績入讀名校Concord College，後來在A-Level亦考獲4A*，足以報考牛津、劍橋等名校，但Lancelot選擇返港入讀港大醫科。

森美300萬利誘兒子留港讀書

乖仔返港讀書，相信最開心應是森美，因為有報道指他曾經反對Lancelot去英國讀書，更試過與兒子「講數」，話出國要300萬，如果阿仔肯留港，森美願意即時給300萬現金「利誘」Lancelot。但Lancelot更加心水清，話將來可以賺到多過300萬，森美就知道個仔好想出國，於是「放人」。