楊千嬅為巡唱奉旨增肥 引發網民激烈留言盡嘲 另一天后確診後增磅反被讚
廣告
楊千嬅早前在北京宣布將會展開50多站巡迴演唱會,內地首兩站將於廣州及廈門舉行,正為巡唱綵排練舞,楊千嬅拍片分享稱造型師怕她撐不起舞衣,下旨要她增肥,所以她「攞正牌」零食放題,大批網民睇完片反應好激烈,留言狂嘲楊千嬅又老又殘,反觀同樣為個唱努力的Sammi鄭秀文,竟因確診增磅,不過Sammi反被讚「脹咗仲靚咗」!
楊千嬅28年第一次騷前收指令增肥
楊千嬅「MY TREE OF LIVE世界巡回演唱會」廣州站將於5月27日舉行,近月綵排得如火如荼的楊千嬅,竟然唔使修身,仲奉旨增肥,日前她在排舞室拍片,對住鏡頭講:「嗰日我去試衫,真係28年第一次,造型師同我講『楊小姐你不如肥番少少,我驚你撐唔落件衫…』咁我緊係增肥啦!」楊千嬅愈講愈興奮,仲身體力行示範如何增肥。

排舞室零食放題
女歌手開個唱前要增肥真係聞所未聞,仲要係向來一啲都唔瘦的楊千嬅,楊千嬅坦言從未試過演唱會前可以食朱古力同薯條,只見她從膠袋拎出一包包零食,興奮地逐樣試,食相都幾猴擒。

網民不留情面狂嘲楊千嬅
對於楊千嬅公言嗌增肥,網民反應好大,在「多功能阿婆楊千嬋」FB專頁紛紛留言,大肆批評「對眼唔係凸係巢呀!!」、「又老又醜又假又粗魯」、「雙下巴仲增肥,造型師玩X佢咋」,更有人重提上次楊千嬅個唱要以黑布遮吉位,今次要「白布蓋面」,真係踩得好盡!

撰文:東方新地圖片來源:Facebook@正向文化娛樂、IG@sammi_chengsauman