44歲江芷妮秘密生第二胎 自爆當年退出娛圈原因

44歲江芷妮秘密生第二胎 自爆當年退出娛圈原因

娛樂

闊別娛樂圈多年,轉型做美容的江芷妮(Cherie),原來今年7月再榮升做媽咪,細女現時5個月大,與2歲半的大仔湊成「好」字,產後迅速修身的她,為開電視新節目《有種老闆娘》擔任嘉賓,提及當年離開無綫的原因,仲自爆緊貼潮流,有睇無綫的《聲夢傳奇》同ViuTV的《造星4》。

撰文:東方新地 圖片:[email protected][email protected]_hk、[email protected]_koei、東方新地圖片庫

44歲江芷妮 再做高齡產婦

江芷妮現身尖沙咀出席香港開電視全新節目《有種老闆娘》錄影,自07年離開無綫後,她一直低調轉型從商,創辦她的美容王國,這次再出現,已變成一子一女之母,原來今年7月,已44歲的她再誕下細女,而早前與一大班好姊妹聚餐影大合照時,黃𨥈瑩手抱住的B仔,一度被誤認是黃𨥈瑩的兒子,其實是江芷妮2歲半的大仔。

江芷妮日前去百貨公司為初生的囡囡掃貨。(圖片來源:IG@10mois_hk)
江芷妮日前去百貨公司為初生的囡囡掃貨。(圖片來源:[email protected]_hk)
44歲的江芷妮生完5個月依然咁靚。(圖片來源:IG@10mois_hk)
44歲的江芷妮生完5個月依然咁靚。(圖片來源:[email protected]_hk)

爆黃𨥈瑩好鍾意小朋友

對於好姊妹黃𨥈瑩抱其兒子引起關注,江芷妮笑言搞到黃𨥈瑩真係唔好意思,不過亦明白到好多人關心佢,而且黃𨥈瑩都好鍾意小朋友,所以一得閒就會帶自己的小朋友出去陪佢玩,亦會催佢生B。當在場傳媒問江芷妮知唔知黃𨥈瑩的感情狀況,她就非常口密話自己唔清楚。

今年10月中,江芷妮約了一大班昔日好姊妹聚餐,當日2歲半的大仔由黃𨥈瑩抱住,引發一場誤會。(圖片來源:IG@koei_koei)
今年10月中,江芷妮約了一大班昔日好姊妹聚餐,當日2歲半的大仔由黃𨥈瑩抱住,引發一場誤會。(圖片來源:[email protected]_koei)
把合照公開的梁雪湄亦有澄清小朋友唔係黃𨥈瑩個仔。(圖片來源:IG@koei_koei)
把合照公開的梁雪湄亦有澄清小朋友唔係黃𨥈瑩個仔。(圖片來源:[email protected]_koei)

當年在無綫感覺「好唔踏實」

江芷妮近年甚少參與幕前演出,今次為開電視做嘉賓都有少少緊張,坦言可以考慮復出拍一些親子節目,講吓媽媽經、生B經、湊仔經!至於當年為何退出娛樂圈?江芷妮話自己危機感好重,做藝人忙起上來冇得瞓,得閒的時候又好得閒,感覺好唔踏實,經常處於好被動的狀態,所以當時她選擇出去增值自己,讓自己有兩手準備。雖然退出了娛樂圈,但江芷妮依然有留意電視台的新發展,最近都有睇《聲夢》同《全民造星4》,認為百花齊放係好事。

江芷妮花了12年打造她的「美容王國」,笑言自己都好貪靚,冇興趣做好難守業,目前她有兩間美容院,基本上所有Facial、Body療程,甚至整睫毛她都識做,不過身為老闆娘已經好少親自落手幫客人整,但會落舖頭巡視業務。(圖片來源:IG@skinprohk)
江芷妮花了12年打造她的「美容王國」,笑言自己都好貪靚,冇興趣做好難守業,目前她有兩間美容院,基本上所有Facial、Body療程,甚至整睫毛她都識做,不過身為老闆娘已經好少親自落手幫客人整,但會落舖頭巡視業務。(圖片來源:[email protected]
懷孕時期的江芷妮,更做埋廣告生招牌。(圖片來源:IG@skinprohk)
懷孕時期的江芷妮,更做埋廣告生招牌。(圖片來源:[email protected]

江芷妮 曾與馬國明做一對

現年44歲的江芷妮自2001加入TVB,曾演出《隔世追兇》、《同撈同煲》及《愛情全保》等劇,直到2007年離巢無綫後,她開始轉戰商界,有指曾豪擲7位數開美容公司,實行做老闆娘兼生招牌,為了生意更報讀了工商管理碩士學位,2019年升呢為「香港美髮美容商會」副會長及會董組成員之一,並在2012年嫁給建築師男友Derrick,日前她就帶著囝囝出席同好姊妹的聚會。

江芷妮在無綫演出的最後一部劇集是2006年《愛情全保》,劇中她和馬國明飾演一對。(圖片來源:新傳媒圖片庫)
江芷妮在無綫演出的最後一部劇集是2006年《愛情全保》,劇中她和馬國明飾演一對。(圖片來源:新傳媒圖片庫)
2005年無綫劇《同撈同煲》中,江芷妮同馬國明、郭晉安、胡杏兒一齊做主角。(圖片來源:TVB)
2005年無綫劇《同撈同煲》中,江芷妮同馬國明、郭晉安、胡杏兒一齊做主角。(圖片來源:TVB)
江芷妮曾直言決心轉行,只因做藝人工作太唔穩定,令佢好無安全感。(圖片來源:新傳媒圖片庫)
江芷妮曾直言決心轉行,只因做藝人工作太唔穩定,令佢好無安全感。(圖片來源:新傳媒圖片庫)

你又點睇?

更多精選內容