無綫奧運|林奕匡太太李靄璣J2主持直播評述頻頻「劖亂歌柄」唔撐港隊 網民鬧爆:唔專業、不知所謂

無綫奧運|林奕匡太太李靄璣J2主持直播評述頻頻「劖亂歌柄」唔撐港隊 網民鬧爆:唔專業、不知所謂

今屆東京奧運會正式開鑼,無綫為吸引觀眾收看派大量主持出擊,不過就唔係個個主持都係專業評述員。日前J2台播放混雙乒乓球賽事期間,港隊面對法國隊爭入四強爭奪獎牌,大家都特別著緊港隊表現!惟主持之一的李靄璣(歌手林奕匡太太),竟然在港隊面對逆境時,大滅香港隊威風公然話欣賞法國隊,頻頻「劖亂歌柄」。事後網民在社交網狂數她完全唔專業,鬧爆她簡直不知所謂!

撰文:東方新地| 圖片:無綫影片截圖、李靄璣IG、陳貝兒IG、朱智賢IG

無綫奧運缺專業評述員

今次東京奧運由三家香港電視台ViuTV、無綫和香港開電視都獲得播映權,大家都各施各法吸引觀眾收看,其中ViuTV以賞獎禮物吸引觀眾捧場;無綫則勝在人多,香港不少的專業旁述和教練均獲邀講解賽事,但主持人方面除鍾志光有多年經驗外,其他的幾乎都是新丁。

無綫奧運
無綫連月為宣傳東京奧運搞了不少大龍鳳,更由Do姐帶領眾主持造勢。(圖片來源:陳貝兒IG)

直播混雙乒乓球出事

日前無綫J2播放混雙乒乓球賽事期間,港隊面對法國隊爭入四強爭奪獎牌,當日負責的主持有李靄璣(歌手林奕匡太太)、鄭衍峰、吳卓衡和「後生仔」黃紫恩擔任主持,現場雖然有教練兼旁述鄧國基,但最終都出事。

無綫奧運
日前李靄璣(歌手林奕匡太太)、鄭衍峰、吳卓衡和「後生仔」黃紫恩擔任無綫J2台奧運主持。(圖片來源:無綫影片截圖)

李靄璣狂讚法國隊

有香港隊出賽的賽事,觀眾都會特別著緊,眾主持都為港隊打氣的同時,過去有不少主持體育節目經驗的李靄璣竟然頻頻「劖亂歌柄」,睇比賽期間,她總會突然講球例或者個人感受,在場的旁述們都接不上她的說話。最離譜是港隊打緊逆境波時,李靄璣竟於港隊接連失球時說:「法國隊心理質素好好,打逆境波都打出幾好質量。我都幾欣賞法國隊嗰邊,鍾意體育嘅人係兩邊都支持嘅,最緊要打出一場好波。」

無綫奧運
李靄璣的表現受到劣評。(圖片來源:無綫影片截圖)
無綫奧運
雖然前香港乒乓球代表鄧國基在場,但都幫唔到幾多。(圖片來源:無綫影片截圖)

手指拗出唔拗入

李靄璣手指拗出唔拗入,身旁的鄭衍峰當然感受到,他亦忍不住出聲:「唔准,唔可以欣賞法國隊。我哋唔要精彩賽事,我哋要贏!」李靄璣愈講愈亂,其他旁述都不禁說:「好難唔Bias(偏愛),要支持香港隊!」最終港隊黃鎮廷、杜凱琹在乒乓球混雙,不敵法國組合列比臣(Lebesson Emmanuel)及袁嘉楠,力戰七局後遭淘汰,八強止步。李靄璣仲未知衰,總結賽事時,竟然講多句:「我哋法國隊就勝出咗啦……」

李靄璣完全唔知自己講多錯多。(圖片來源:無綫影片截圖)
李靄璣完全唔知自己講多錯多。(圖片來源:無綫影片截圖)
無綫奧運
香港隊最終八強止步。(圖片來源:無綫影片截圖)

網民狠批唔專業

李靄璣是歌手林奕匡的太太,她在加拿大溫哥華讀書成長,08年來港後參加無綫「08奧運主持專業進修課程」招募而順利獲得追訪奧運火炬傳遞的機會;後來更主持《體育世界》及《創富坊》,甚至成為無綫第一位NBA總決賽直播賽事的女評述員。有主持經驗的李靄璣今次老貓燒鬚,除了狂讚法國隊,亦講錯唔少嘢,網民反應極大,狂轟她唔專業。

李靄璣與林奕匡結婚4年。(圖片來源:李靄璣IG)
李靄璣與林奕匡結婚4年。(圖片來源:李靄璣IG)
無綫奧運|是是但但女主持 林奕匡太太李靄璣唔幫香港隊 網民群起鬧爆:唔專業、不知所謂!
(圖片來源:網上留言)
無綫奧運|是是但但女主持 林奕匡太太李靄璣唔幫香港隊 網民群起鬧爆:唔專業、不知所謂!
(圖片來源:網上留言)

網民:勁想叫佢收聲﹗

無綫奧運|是是但但女主持 林奕匡太太李靄璣唔幫香港隊 網民群起鬧爆:唔專業、不知所謂!
(圖片來源:網上留言)

網民鬧爆:竟然有荷蘭叻第二

無綫奧運|是是但但女主持 林奕匡太太李靄璣唔幫香港隊 網民群起鬧爆:唔專業、不知所謂!
(圖片來源:網上留言)

網民:唔撐香港都唔好出聲﹗

無綫奧運|是是但但女主持 林奕匡太太李靄璣唔幫香港隊 網民群起鬧爆:唔專業、不知所謂!
(圖片來源:網上留言)

 

陳貝兒 朱智賢都甩碌

除了李靄璣,無綫奧運主持中的陳貝兒及朱智賢都被指甩晒碌,陳貝兒在開幕禮上講錯話係「閉幕」,一時口快快,而朱智賢就識少少扮代表,被指「九唔搭八」。

無綫奧運
經驗老到的陳貝兒都講錯嘢,被指低級錯誤。(圖片來源:陳貝兒IG)
無綫奧運|是是但但女主持 林奕匡太太李靄璣唔幫香港隊 網民群起鬧爆:唔專業、不知所謂!
(圖片來源:網上留言)
朱智賢被安排做直播評述,唔識扮識仲大件事。(圖片來源:朱智賢IG)
朱智賢被安排做直播評述,被網民指唔識扮識仲大件事。(圖片來源:朱智賢IG)
無綫奧運|是是但但女主持 林奕匡太太李靄璣唔幫香港隊 網民群起鬧爆:唔專業、不知所謂!
(圖片來源:網上留言)
無綫奧運|是是但但女主持 林奕匡太太李靄璣唔幫香港隊 網民群起鬧爆:唔專業、不知所謂!
(圖片來源:網上留言)

你又點睇?

更多精選內容