狀王之王｜王浩信惡搞經典廣告歌 張達明解析新舊版最大差別
《狀王之王》＝《狀王宋世傑》前傳
《狀王之王》是無綫 1997 年首播的經典劇集《狀王宋世傑》前傳，當年叫好又叫座的《狀王宋世傑》由張達明飾演「宋世傑」及郭藹明飾演「白玲瓏」。時隔 27 年，新版《狀王之王》的宋世傑及玲瓏角色換上王浩信及姚子羚，張達明則升呢演宋世傑「養父」宋安、對宋世傑有著重要影響之餘，更是劇集監製。
張達明分享回歸宋世傑角色感受
談到相隔多年再度參演以宋世傑為主劇集，並多了監製身份，張達明坦言感覺相當不同：「今次角色最唔同係好多特別嘅造型同化妝，係超乎想像嘅。以前演宋世傑時話晒自己第一次做劇集主角，所以要顧掂自己啲台辭同演法先，冇乜點理其他嘢。今次做監製最大分別就係要顧好多嘢，由拍攝方法、搵演員、演員配搭等都要處理，希望可以創造出新嘅經典組合。」
王浩信「玩扇」進入角色
談到新任宋世傑王浩信，達明讚不絕口：「佢好稱職，演技好、夠投入同想像力好豐富，我同佢都去過外國上演技深造班架。佢好多動作都比我強，因為夠高大。呢套劇我主要教佢點玩把扇，其實以前我都唔係專登為咗宋世傑個角色去學玩扇，而係咁啱喺演藝學院學咗一啲京劇嘅技能，就將學咗嘅嘢融入個角色度。而我教完浩信後，佢即刻諗到點用自己嘅方法去玩，仲要好『估你唔到』嘅。」
新版與舊版「宋世傑」有何分別？
談到新版與舊版最大分別，達明笑言是王浩信：「佢比我高大靚仔同威猛好多咯！」並保證新版保留不少舊版可觀元素：「第一姚子羚同郭藹明一樣咁靚同咁打得！宋世傑同玲瓏都係會攜手查案同有好多奇遇，佢哋會全力以赴打破困局、搵出佢哋想知嘅真相。」
「宋世傑」六人組合硬銷廣告歌
在近日接連推出的官方宣傳片中，其中一條宋世傑在玲瓏（姚子羚飾）、宋九（金剛飾）、小鳳（王子涵飾）及劇中「龍虎豹」三人組周百恩、蔡尚晉及宋懿芳共六名演員陪襯下，以鄭少秋的經典廣告歌為襯底，大跳娘味甚濃的「宋世傑硬銷舞」。眾人除了要忍笑在鏡頭前載歌載舞、更連番做出「拱照」宋世傑的動作，而全程企 C 位的王浩信，則拋開身份唔啱音地唱出：
「宋世傑，冇得頂，好似太陽咁溫暖，畀人老屈不要驚，世傑出馬，好似雪人融化了！」
五個單元奇案故事好戲之人及綠葉演員參演
與舊版一樣以破案為主的《狀王之王》，除了主線故事發展吸引，五個單元故事個案同樣具追看性，分別為「蜘蛛精殺人案」、「幽靈新娘案」、「滅門縱火案」、「至尊計狀元才」及「使節姦殺案」。單元主角更是齊集好戲之人及綠葉演員，包括古明華、陳浩民、海俊傑、彭迪安（前名彭懷安）、袁潔儀、文凱玲、李嘉、鄧伊婷及莫家淦等。五大單元個案由宋世傑、玲瓏、宋九及小鳳組成的「查案鐵四角」負責調查，四人為了破案奇招盡出。想一睹王浩信與姚子羚如何拋開偶包在農曆年間放笑彈，密切留意《狀王之王》。
單元故事一主角 ：文凱玲、李嘉
單元故事二主角 ：莫家淦 、鄧伊婷、王俊棠、袁潔儀
單元故事三主角：海俊傑 、莊鍶敏
單元故事四主角： 古明華、彭迪安、 何浩文
單元故事五主角 ：陳浩民
