盤點圈中好「皮」氣女星﹗ 湯怡短皮褲露腿 岑麗香皮裙滲少女味

文：東方新地

01湯怡熱皮褲騷長腿

湯怡無懼寒冷照騷腿，斑馬紋毛毛上身，下襯條超短皮褲，原來平時乖乖女又甜美嘅湯怡都可以有型格一面。

02「波波」黑白皮褲晒線條

22歲嘅《後生仔傾吓偈》主持波波黃凱儀上圍豐滿，台慶著上晚裝晒迫爆上圍，撼贏不少小花，今次唔騷事業線，貼身皮褸襯短裙下，晒玲瓏浮凸線條。

03岑麗香開釵皮裙騷索腿

人妻岑麗香升呢人母仍keep到浸少女味，呢個post香香叫人多穿衣服，但自己就無懼寒冬，照露長腿，好吸睛﹗難怪網民留言指見到香香已經溫度提升，大讚hot mom﹗

04星二代Hilary皮Bra吸睛

曾被稱為最索星二代的上山詩鈉愛女Hillary自細鬼聲鬼氣又識打扮，呢一身皮bra皮外套皮褲高跟皮鞋，由頭皮到落腳難得又性感又夠young，現年23歲的Hilary長有一副娃娃臉，似十零歲𡃁妹。

05戴祖儀全皮騷腿

高妹戴祖儀有1.7米，素有長腿姐姐稱號，呢日一身皮氣，笑言為影呢張模仿模特兒甫士的相，影到腰酸腳痺。

06陳曉華激凸襯皮短裙

冠軍人馬陳曉華除咗靚樣仲有高䠷身材，白色貼身上衣襯上皮製短裙，青春無敵。

07黃智雯側身有驚喜

愈來愈有輕熟女韻味，黃智雯穿上呢套美國女裝品牌StJohnknits皮裙完全駕馭得到，正面看似密實，輕輕一個側身便有乾坤，原來皮恤衫好deep V，條皮裙都好高釵，睇得人一步一驚心。

08馬詩慧天生最長武器

曾是當紅模特兒，雖然兩女一子已經好大個，不過馬詩慧不但身形keep得好，連氣場都保持到，一日模特兒，永遠都保持最好狀態。皮褲人人都可以著上身，不過要穿搭出天橋級時尚同型格，就只得一個馬詩慧。

09王敏奕人妻好皮氣

在《香港愛情故事》表現突出的王敏奕，近來加入星夢做埋歌手，升呢曾太人妻無阻繼續少女look，用黑色皮裙襯上長boots，一點師奶味都冇。

10胡蓓蔚傻豹人妻

皮具都唔係只得黑色同啡色揀，豹嫂胡蓓蔚一身粉紅系裝束，最畫龍點睛就係條玫紅色皮裙。

11麥美恩

大笑姑婆麥美恩，優雅時尚斯文好似完全與佢無關，皮褸仲有一樣好，即使如麥美恩一樣平時搞笑慣，著上身都可以突然變正經兼變有型。

12鄧卓殷

18年港姐亞軍鄧卓殷一向身形的骰可愛，是電視城哈比一族的一份子，今季都入手皮褲著出個人新風格，穿上長皮褲突然收增高之效。

13唐詩詠

今季各大品牌不約而同都有出全身皮裙，唐詩詠都食正熱潮穿上身，既型格亦拉長身高線條。