神耆小子｜吳子冲半裸爬窗逃命場面爆笑 網民熱議其爆肌表現
由王偉仁監製、林麗媚擔任編審的《神耆小子》，逢周一至五晚九點半翡翠台播映。昨晚（23 日）一集，鄭則士（Kent 哥）和曹永廉兩父子的關係愈趨緊張！劇情講到錢萬世集團推出的特別版牛肉乾大受歡迎，但原來是繼來（曹永廉飾）在醉酒下意外改了配方所致，懦弱的他不敢向爸爸大海（Kent 哥飾）坦白；後來繼來鼓起勇氣下跪向大海認錯，豈料此時竟傳出有KOL 吃了特別版牛肉乾後敏感發作，鬧得滿城風雨！專橫的大海怒火中燒教訓繼來，不欲再做「廢太子」的繼來爆 Seed 反擊，兩父子爆發激烈罵戰，繼來明言願意承擔一切後果：「咪等我去死囉！」平時刻意收起父愛的大海，聽到兒子此番說話，即含着淚對繼來說：「係呀，你應該唔怕死，因為你仲後生，跌低咗可以從頭嚟過，所以你瀟灑，你望吓錢大海吖，佢老喇，你唔幫佢，佢撐唔起錢萬世㗎！呢個招牌係佢同老婆一生心血，佢唔想衰收尾，第日見到老婆佢抬唔起頭，可憐吓佢，幫吓佢！」
曹永廉演技獲讚
Kent 哥在這場戲大晒影帝級演技，含淚教仔一幕，盡顯對兒子愛之深責之切的感覺，亦流露出老無所依的無助感，演出觸動人心。至於飾演繼來的曹永廉亦吸獲不少好獲，網友留言：「阿爸太強勢又唔信自己，鬱鬱不得志又無奈，佢做到這種感覺」、「我有啲同情佢，曹永廉個樣無辜辜咁都幾啱佢演」、「其實曹永廉做戲幾自然，演忠奸都似。」另邊廂，風暴「溏心」來襲，子勇（蕭正楠飾）和有方（傅嘉莉飾）在裴正堂做防風準備期間，兩人終解開心結表達愛意，最終舊情復熾上演「溏心之吻」，浪漫滿瀉。
走佬戲拍足 4 日
昨晚另一焦點，非飾演 Jack 的吳子冲莫屬。劇情講到小鮮肉 Jack 在打風期間上玫瑰（樊亦敏飾）屋企陪她，此時大海突然回家，嚇到 Jack 爬窗落荒而逃。半裸上陣拍攝這場走佬戲的子冲，除了爆肌身材吸睛，狼狽走佬的樣子同樣過癮！講到擒窗走佬戲，子冲受訪時透露前前後後拍足四天，他說：「拍嘅時候係夏天，拍外景淋雨戲冇問題，但拍廠嘅時候就好凍，一邊淋水再加冷氣， 雖然同事準備咗大量毛巾保暖，但我唔想拍每個 shot 都要抹身又要淋番濕個身咁多步驟麻煩到同事，所以情願 Cut 機後原地跳做運動保暖。」子冲續指場口動作戲不算太難，只是基本攀爬動作，又謂難忘幕後同事的「特別」照顧：「拍外景嘅時候，
幕後同事玩水玩得好開心，為咗想我演繹出難堪嘅感覺，所以佢哋 keep 住射我塊面，佢哋見我愈難堪，佢哋就愈開心，因為中咗！」
最大難度係 Keep 爆肌身材
身為劇中「除衫擔當」的子冲， 笑言角色最大難度就是 Keep 住身形：「因為除咗要除衫，個角色喺設定上都係一個高大有肌肉嘅陽光男孩，但因為冇乜時間做準備，所以我咩招都攞晒出嚟，揀咗『168 斷食』再加高蛋白質 Diet，再日日做Gym！」提到與樊亦敏有不少對手戲，子冲笑言：「好似多咗個家姐咁，佢好照顧我，除咗成日請食消夜之外，仲會成日同我研究劇本。雖然今次係第一次同佢合作，但覺得佢係一個溫文爾雅、好識得照顧人嘅好前輩！」
想知道更多相關精彩資訊，敬請留意 www.tvb.com 。
