公開10位藝人「變性」後嘅樣

撰文：Kammy｜圖片來源：新傳媒圖片庫，鍾嘉欣Instagram，張繼聰Instagram

10位藝人「變性」後嘅樣

1.張繼聰

張繼聰係第一個牽起玩呢類影相特效嘅藝人，佢當然唔執輸要玩埋個「變性」效果，佢仲搵嚟太太謝安琪幫佢配音：「我好怕做gym㗎，做兩下就鬼咁大隻，yeah～」雖然係太太把聲，但張繼聰個樣都依然係個男人嚟，網民隨後粉粉留意：「好想打鍋你」、「呢條女我溝啊」等。

2.謝安琪

謝安琪身為張繼聰嘅太太當然要玩埋一份啦！謝安琪一「變性」就即時變Man，謝安琪一邊將手放喺個頭度，身旁嘅張繼聰就幫佢配音：「呢排好煩呀？！好……頭痕呀？洗頭先！」配完之後仲聽到張繼聰忍唔住笑。

3.鍾嘉欣

鍾嘉欣基本上係所有人嘅女神，點知佢變成個男人係完全認唔到！鍾嘉欣仲講笑話，已經搵到自己失散多年嘅哥哥。

4. 古巨基

古巨基：「當大家玩bb filter嘅同時，我已經試埋個變男變女嘅filter喇～～ 各位係咪睇到硬晒呢⋯個拳頭？希望大家唔好睇到打爛自己部手機📱🤛🏼～ 最後一張係男版古太，靚仔到成個荷李活明星咁🤡」

「變性」後嘅古巨基真係好有女人味！

古巨基十分沈迷呢個玩意…

古巨基太太Lorraine都有份玩，仲話佢好似荷李活明星添！

5.張頴康

出賣老公系列，麥雅緻上載咗老公張頴康「變性」嘅相，仲留言話：「出賣老公系列⋯ 有人話鍾嘉欣，有人話蔡少芬⋯ 佢自己話係滕。麗。名！ 🤣🤣 我都話佢扮女人好靚㗎啦⋯」

6. 林二汶

林二汶一直都以短髮示人，玩完呢個影相特效之後，變成「真正嘅男人」，就咁睇就好似呂良偉！佢再玩埋個女性化特效，見到另一面嘅二汶，女人味出晒嚟！

7. 肥媽

肥媽就畀陸浩明整蠱，整晒佢唔男、女、童顏樣，有網民就指肥媽變男人後好似歌手張偉文。

8.湯盈盈、梁靖琪、鍾麗淇、周家蔚、文頌嫻、姚樂怡

個個都變到咁Man，你哋認唔認到邊個打邊個呀？

9. 江若琳

江若琳老公蕭潤邦留言笑：「原來我同喬寶寶同一張床咁耐都唔知」

10.梁洛施

哇真係好Chok呀！梁洛施原來變成男人後係咁Man！