羅嘉良秘密返港 現身癌症醫療中心

羅嘉良秘密返港 現身癌症醫療中心

57歲羅嘉良近年長駐內地工作,加上與內地女星蘇岩結婚後長居內地,所以甚少返港。內地早前曾傳出羅嘉良患上肝癌的消息,雖然後來證實純屬炒作,但近日再有傳媒指羅嘉良已秘密返港,並拍得他多次出入港島區一間癌症醫療中心,身形明顯比以往消瘦,情況令人關注!

文:東方新地 | 圖:羅嘉良微博、新傳媒圖庫

羅嘉良秘密返港 現身癌症醫療中心
羅嘉良早前現身內地節目,身形明顯消瘦不少。

羅嘉良數度出入癌症醫療中心

57歲羅嘉良貴為無綫三屆視帝,近年主要在內地發展,加上妻女長居內地,所以甚少返港。但近日有報導指羅嘉良日前秘密由內地返港,經14天隔離期後,被拍到出入港島區一間癌症醫療中心,足足逗留約3個小時才離開,見他身形明顯消瘦,神情落寞。其實早前羅嘉良在內地工作時,已因身體突然消瘦,而傳出他患肝癌的消息,後來證實純屬炒作。及後羅嘉良接受訪問時否認患癌,稱到醫療中心只是找朋友,順道接受核酸檢測及見醫生,叫大家放心,並稱:我人冇事!

羅嘉良秘密返港 現身癌症醫療中心
羅嘉良近年長駐內地甚少返港,近日撇低妻女秘密返港求診,現身癌症醫療中心。
羅嘉良秘密返港 現身癌症醫療中心
羅嘉良多年來煙不離手。

羅嘉良內地騎呢look帶貨

57歲羅嘉良貴為無綫三屆視帝,最近為搵銀不惜聯同內地網紅,喺網上直播促銷賣貨,為開闢新財路,虎紋長褸加短打造型行catwalk、塞拳頭入口等騎呢事做勻,有網民嘆「淪落到扮小丑」,不過最慘係咁博命都係得兩萬人睇,人仔都唔係咁易賺﹗

羅嘉良三月時在抖音開設帳戶,為谷人氣,撈家表演將拳頭塞入口,不過關注人數有88萬,跟內地網紅還有好大段距離。
羅嘉良三月時在抖音開設帳戶,為谷人氣,撈家表演將拳頭塞入口,不過關注人數有88萬,跟內地網紅還有好大段距離。
撈家大玩騎呢出位,虎紋大褸配背心短褲,孭住紅白藍加佬味腰包,真係超級騎呢﹗
撈家大玩騎呢出位,虎紋大褸配背心短褲,孭住紅白藍加佬味腰包,真係超級騎呢﹗
近日加入網上直播賣貨的撈家,要孖住內地網紅「廣東夫婦」去谷人氣。
近日加入網上直播賣貨的撈家,要孖住內地網紅「廣東夫婦」去谷人氣。

一哥降呢借網紅谷人氣

撈家羅家良喺電視史演過不少經典角色,創下三奪視帝紀錄,17年回巢拍無綫劇《與謀同謀》仍然叫好叫座,話晒係無綫一哥,最近卻在內地降呢做網紅,從來唔活躍於社交網的撈家,最近順應內地趨勢在抖音開設帳戶,近日更變身網紅首開直播銷售商品,降呢網紅已被指自貶身價,撈家仲唔可以「獨當一面」主持大局,要孖住內地網紅「廣東夫婦」拍了數條宣傳片去谷人氣,宣傳片上,撈家扮鬼扮馬重現過去經典劇造型,又披上虎紋毛毛長褸加短打孭個紅白藍袋行catwalk,睇開撈家在戲內戲外都盡是一哥氣勢,如今卻變得如此騎呢,被網民狠批浮誇又娘。

羅嘉良重現《難兄難弟》的經典角色,全為促鎖賣貨,真係用心良苦。
羅嘉良重現《難兄難弟》的經典角色,全為促鎖賣貨,真係用心良苦。
殘爆的羅嘉良,為開闢一條新財路乜都肯制。
殘爆的羅嘉良,為開闢一條新財路乜都肯制。
被網民狠批娘味濃又浮誇。
被網民狠批娘味濃又浮誇。
羅嘉良拍住「廣東夫婦」又唱又跳。
羅嘉良拍住「廣東夫婦」又唱又跳。

賣貨變點唱交易成績差

直播開始時,羅嘉良亦用上美肌濾鏡令面色泛紅又變白,但卻遮唔住浮腫的大眼袋同黑眼圈,真係慘不忍睹,直播時撈家說話唔多,而且表現有點生硬,不時露出尷尬神情,不過相當順得人,被人即時點唱,撈家二話不說唱出〈歲月的童話〉等多首歌,令直播賣貨變成音樂會,為搵人仔乜都做齊,又被人批自眨身價去扮小丑,現場只有二萬人收看,以內地下下上億的數字,「業績」強差人意。唔知下次撈家又要扮乜去賣嘢呢﹗

直播上,羅嘉良黑眼圈同眼袋勁嚇人,殘爆現身。
直播上,羅嘉良黑眼圈同眼袋勁嚇人,殘爆現身。
雖然撈家喺直播時表現生硬,但好順得人,網民點唱完全無托踭。
雖然撈家喺直播時表現生硬,但好順得人,網民點唱完全無托踭。
唱完一首又一首,賣貨變賣唱,可惜都係得兩萬人收睇。
唱完一首又一首,賣貨變賣唱,可惜都係得兩萬人收睇。

演奸角攞男配獎

57歲羅嘉良絕對係一哥中嘅一哥,曾先後憑《難兄難弟》、《天地豪情》、《流金歲月》奪得視帝,2003年撈家離巢無綫外闖主攻內地市場,更因而邂逅第二任太太蘇岩,二人於09年結婚,三年後誕下女兒Sela,長居北京生活,主力拍劇,2014年憑《精忠岳飛》飾演秦檜一角奪得華鼎獎最佳男配角獎,喺內地甚有江湖地位。

57歲羅嘉良曾先後憑《難兄難弟》、《天地豪情》、《流金歲月》三奪視帝。
57歲羅嘉良曾先後憑《難兄難弟》、《天地豪情》、《流金歲月》三奪視帝。
《天地豪情》
《天地豪情》
《流金歲月》
《流金歲月》
羅嘉良同前妻方敏儀拍拖16年,於1998年正式結婚,並育有一子羅裕珹(1999年出生),但在2007年分居,翌年離婚。2009年1月30日與內地演員蘇岩在北京訂婚,並已與蘇岩在2009年9月9日登記結婚。
羅嘉良同前妻方敏儀拍拖16年,於1998年正式結婚,並育有一子羅裕珹(1999年出生),但在2007年分居,翌年離婚。2009年1月30日與內地演員蘇岩在北京訂婚,並已與蘇岩在2009年9月9日登記結婚。
撈家再婚後遷往北京居住,全力進軍內地,2013年4月太太蘇岩剖腹產生下一女。BB重7磅多,英文名Sela,中文名為羅詠婷。
撈家再婚後遷往北京居住,全力進軍內地,2013年4月太太蘇岩剖腹產生下一女。BB重7磅多,英文名Sela,中文名為羅詠婷。
撈家和老婆蘇岩不時在微博放閃。
撈家和老婆蘇岩不時在微博放閃。
結婚十一年,恩愛如昔。
結婚十一年,恩愛如昔。
羅嘉良騎呢造型直播sell貨 三屆視帝淪落得兩萬人睇
16年羅嘉良為恩師盧國沾在紅館舉行兩場作品演唱會擔任嘉賓,太太及女兒在後台探班。

關鍵詞
羅嘉良

更多精選內容