Ian陳卓賢vs周吉佩顏志恆現身馬場待遇大不同署長甜笑冧爆全程跟住大合唱

Oct 15 2023

MIRROR成員陳卓賢Ian與《中年好聲音》優勝者周吉佩、顏志恆同日現身馬會，同樣係選秀節目出道，三位男歌手獲邀《時尚煲呔賽馬日》並擔任表演嘉賓，不過安排待遇大不同⋯⋯

陳卓賢（Ian ）係《時尚煲呔賽馬日》開幕嘉賓，這天著名Ian粉絲房署署長羅淑佩亦有現身支持，仲全程春風滿面，甜笑冧爆全程跟住唱，Ian都表示非常感激署長支持，並且希望大家「畀多啲空間」署長。

羅淑佩房屋局陳卓賢 Ian陳卓賢今日15日）在馬場擔任《時尚煲呔賽馬日》開幕表演嘉賓。 — Ian陳卓賢今日（15日）在馬場擔任《時尚煲呔賽馬日》開幕表演嘉賓。（圖片來源：東方新地）

Ian陳卓賢今日首次出席馬場活動，獲大批Hellosss撐場，其中房屋署署長羅淑佩再度現身追星，連主持宋熙年對住Ian講講吓嘢都突然「起痰」，可見Ian魅力非凡！ Ian獻唱三首歌曲包括《正式開始》、《抱抱無尾熊》同《留一天與你喘息》，雖然耳機偶有失靈，但Ian仍能保持水準！表演完後，Ian連環派飛吻畀Hellosss，仲落台繞場一周，同Fans近距離接觸，揮手嗰陣笑到四萬咁口！

Ian在馬會youtube上的精華片段中有多個鏡頭。（圖片來源：HKJC@Youtube）

之前亦有MIRROR成員、陳慧琳、炎明熹等於這個舞台表演。（圖片來源：HKJC@Youtube）

《中年好聲音》周吉佩顏志恆同時現身表演娛賓！

其實同場仲有《中年好聲音》人氣歌手周吉佩和顏志恒，他們亦以煲呔造型帥無登場。周吉佩於公眾席投注大堂為現場馬迷及觀眾獻唱，現場都有觀眾歡呼喝采。二人演唱了《不再猶豫》、《你是我唯一的》、《跳舞街》等作品，不過大會未有安排記者採訪二人的表演，當周吉佩於公眾席投注大堂為現場馬迷獻唱時，公關已將採訪證收起，待遇明顯大不同。

羅淑佩房屋局 Ian在馬會youtube上的精華重溫片段中有多個鏡頭，演唱片段亦可以於YouTube直播區完整重溫，相反《中年好聲音》的代表由於不是開幕喜賓，得到主辦方提及的篇幅較少。 — Ian在馬會youtube上的精華重溫片段中有多個鏡頭，演唱片段亦可以於YouTube直播區完整重溫，相反《中年好聲音》的代表由於不是開幕喜賓，得到主辦方提及的篇幅較少。（圖片來源：HKJC@Youtube）

羅淑佩房屋局其實同場仲有《中年好聲音》人氣歌手周吉佩和顏志恒，他們亦以煲呔造型帥無登場。 — 其實同場仲有《中年好聲音》人氣歌手周吉佩和顏志恒，他們亦以煲呔造型登場，更獲安排傳媒採訪，但演出環節就未有太多媒體關注，官方YouTube亦無影片重溫。（圖片來源：東方新地）

羅淑佩房屋局周吉佩於公眾席投注大堂為現場馬迷及觀眾獻唱，現場都有觀眾歡呼喝采。 — 周吉佩於公眾席投注大堂為現場馬迷及觀眾獻唱，現場都有觀眾歡呼喝采，有粉絲將演出影片上載，與眾同樂。（圖片來源：網上圖片）

羅淑佩房屋局陳卓賢房署署長羅淑佩都有到場支持。 — 說回開幕嘉賓陳卓賢的表演，房署署長羅淑佩都有到場支持。（圖片來源：東方新地）

房署署長羅淑佩現身馬場捧Ian場

西裝骨骨的Ian今天戴住煲呔登場，一登場就唱出三首個人作品《正式開始》、《抱抱無尾熊》及《留一天與你喘息》，全場Ian粉絲都非常興奮，每位都跟住Ian一齊大合唱，就連首席Hellosss房署署長羅淑佩都冧爆全程跟住一齊唱，非常投入！

羅淑佩房屋局 Ian陳卓賢今日首次出席馬場活動，緊張又興奮，仲自認係「西裝控」，試過著西裝去打邊爐！ — Ian陳卓賢今日首次出席馬場活動，緊張又興奮，仲自認係「西裝控」，試過著西裝去打邊爐！（圖片來源：東方新地）

得入馬場會唔會小賭怡情呢？佢就話反而心思思想學騎馬，又「公開爭取」公司開古裝劇，成集睇佢騎馬就爽喇！笑Cry呀！Ian又公開感謝房屋署羅淑佩署長喜愛，仲爆媽咪因此激罕讚自己叻仔添！

羅淑佩房屋局陳卓賢署長羅淑佩全程跟住唱。 — 署長羅淑佩全程跟住唱。（圖片來源：東方新地）

Ian感激署長支持：聽到署長讚我叻仔

活動結束後，Ian在接受訪問時感激署長的支持，表示很開心能夠再次在活動上遇到對方：

「之前都有特別感謝佢，佢有一次做訪問有提到我嗰名、有讚我，我好開心。我媽咪之後有好Proud咁同我講返呢件事，話聽電台聽到署長讚我叻仔，話我叻仔，我阿媽都好少讚！」

陳卓賢羅淑佩房屋局羅淑佩於今年7月仍是運輸署署長時接受電台訪問，自爆是Ian的粉絲「Hellosss」。 — 羅淑佩於今年7月仍是運輸署署長時接受電台訪問，自爆是Ian的粉絲「Hellosss」。（圖片來源：YouTube@香港電台公共事務組RTHK）

陳卓賢羅淑佩房屋局羅淑佩曾經大讚Ian乖仔，聽媽媽的話。 — Ian媽媽都話聽到署長讚Ian。（圖片來源：IG@iancychan）

尊重署長閒時追星望給予對方「多啲空間」

Ian亦希望大家能夠給予署長多點空間：「希望大家可以畀啲空間佢，因為佢都係工餘時間做一啲令自己放鬆同享受嘅事，我覺得係好尊重，亦都好多謝佢！」當得悉署長全程跟住大合唱，Ian笑指：「好開心！好鐘意同大家一齊大合唱嘅Moment，又可以突擊檢查吓大家係唔係真係有用心聽。」

陳卓賢羅淑佩房屋局 — 署長曾經追星追到入機場。（圖片來源：IG@Ian__koalabb）

口多多自爆新戲開鏡

當被問到明天有什麼工作安排時，Ian就自爆將會拍攝新戲：「聽日都有自己嘅工作，唔知講唔講得，但都照講啦！我嚟緊有一套電影，嚟緊就開鏡，所以就專心籌備。」Ian表示近期都非常大壓力，要為多個新工作而積極籌備自己。

羅淑佩房屋局陳卓賢 Ian自爆將有新戲開。 — Ian自爆將有新戲開。（圖片來源：東方新地）

Ian回應花姐IG放負一事

久未有在社交平台上水的花姐，昨晚在IG突然上傳黑底限時動態，並加上「Get into the bin」的貼紙，突然放負。Ian就表示近期都沒有與花姐見面，對於花姐放負一事回應道：「每個人都有自己嘅日常煩惱要面對，我相信大家都識自己調適，咁如果佢有煩惱我都祝佢可以盡快解決。」但就未免加重花姐的重擔，所以不會主動向花姐了解其煩惱。