聲夢傳奇2 趙小婷

聲夢傳奇2|大熱趙小婷被JW狠批「太端莊 」唱張敬軒《靈魂相認》表現受關注

娛樂

廣告

《聲夢傳奇2》學員中本來係大熱門趙小婷再次遇上挫折!導師JW狠批其舊式唱腔!經過三輪淘汰賽後,接下來將進行首輪團戰,紅隊及藍隊連續3集進行多回合 PK 賽,最終累計燈數較的少一隊需淘汰一名學員;假若兩隊累計燈數最終超過五十盞,輸的一方需再額外淘汰一名學員,賽制愈來愈殘酷。

JW變虎媽狠批趙小婷:你衰在太端莊

大熱人選趙小婷(Pamela)綵排並不順利, 遭「虎媽型」導師 JW狠批舊式唱腔係陷阱:

「你把聲好聽,但你就係衰在太端莊, 有啲危險會令你個人真實啲。」

聲夢傳奇2 趙小婷 星夢傳奇2 JW變虎媽,教到表情扭曲。
JW變虎媽,教到表情扭曲。(圖片來源:TVB提供)
聲夢傳奇2 趙小婷 星夢傳奇2 熱門之一趙小婷被JW狠批衰在太端莊。
熱門之一趙小婷被JW狠批衰在太端莊。(圖片來源:TVB提供)

趙小婷翻唱《勁浪漫超溫馨》獲湯令山派心 同MC張天斌互相追蹤IG

趙小婷來頭一啲都唔簡單,好有演出經驗。自小受爸爸音樂薰陶嘅佢,十幾歲已經喺街頭Busking,15歲嗰年因為翻唱Dear Jane《愛情三部曲》爆紅,更不時喺IG貼出自彈自唱片段,就連MC張天賦、[email protected]、馮允謙、梁釗峰@C AllStar以及師姐菊梓喬都有追蹤佢。其中翻唱《勁浪漫超溫馨》,原唱人湯令山留言表示鍾意。趙小婷亦曾簽約星夢做歌手,可想而知唱功有返咁上下。

聲夢傳奇2 趙小婷 趙小婷 聲夢傳奇2 翻唱《勁浪漫超溫馨》獲原唱湯令山派心
翻唱《勁浪漫超溫馨》獲原唱湯令山派心(圖片來源:[email protected]
聲夢傳奇2 趙小婷 趙小婷 聲夢傳奇2 IG有唔少星級followers
IG有唔少星級followers,當然趙小婷都有互相follow(圖片來源:[email protected]

趙小婷就讀港大醫科 從許廷鏗獲啟發參賽

佢多年前接受傳媒訪問時講過,父母從來冇逼佢讀書,一切出於自覺。例如考試前一星期會拍定多啲翻唱短片備用,考試期間就刪除IG以免分心,仲認為唱歌係舒壓良方。趙小婷透露自己喺許廷鏗身上獲得重大啟發,佢現正就讀港大醫科,而許廷鏗就同時兼顧牙醫及歌手事業,趙小婷覺得自己都可以有同樣嘅雙重身份,加上屋企人嘅鼓勵,令佢決定報名參加《聲夢傳奇2》。

趙小婷今年「唔讀醫」

趙小婷唱得之餘,亦係一名學霸,佢嘅YouTube Channel除咗有唱歌片,仲有返學上堂Vlog,俾fans更了解及認識佢,又有分享考DSE嘅血淚史,同留言觀眾有問有答,有考生話聽完佢講解之後清晰咗好多。不得不提,趙小婷顏值都相當高分,配以清新甜美嘅外表,未正式出道就有逾3.7萬人Follow!早前佢曾經喺個人Vlog上透露過自己今年「唔讀醫」,而原因係佢正修讀的學系(MBBS)Year 3 學生正進行「Enrichment Year」,所有學生都會各散東西去做自己鍾意嘅事情,而趙小婷除咗選擇參賽之外,亦都正修讀一個與運動相關的學科,認真係「時間管理大師」!

聲夢傳奇2 趙小婷 聲夢傳奇2 呢張福利圖好難得,趙小婷少有喺IG騷長腿,
呢張福利圖好難得,趙小婷少有喺IG騷長腿,(圖片來源:[email protected]
聲夢傳奇2 趙小婷 趙小婷 聲夢傳奇2 自彈自唱跌膊Look,又有另一番風味
自彈自唱跌膊Look,又有另一番風味(圖片來源:[email protected]

聲夢傳奇2 趙小婷 趙小婷 聲夢傳奇2 拍片分享DSE秘訣,仲會解答留言觀眾問題,好盡量嘅「老師」
拍片分享DSE秘訣,仲會解答留言觀眾問題,好盡量嘅「老師」(圖片來源:Pam [email protected]

《聲夢傳奇 2》第6集比賽歌單

第6集-第8集(淘汰1-2人)|林奕匡(Phil)、Gin Lee(李幸倪)及泳兒(Vincy)加入郭偉亮(Eric Kwok)的紅隊;JW(王灝兒)、布志綸(Alan)及林二汶(Eman)則加入陳奐仁的藍隊。節目進行首輪團戰。每個回合中,每隊各自派出旗下導師的學員單位應戰,再由25位專業評審投票選出每一回合較好一方,最後累計總票數較高之隊伍為勝方勝出一隊將會決定下一回合的出場次序。最終累計燈數較少的一隊需淘汰一名學員;假若兩隊累計燈數最終相差超過五十盞,輸的一方需再額外淘汰一名學員

江廷慧(Vivian)《月牙灣》

趙小婷(Pamela)《靈魂相認》

任暟晴(Jasmine)《3AM》

劉詠彤(Angel)《就讓一切隨風》

侯雋熙(Duncan)《信自己》

《聲夢傳奇2》Eric Kwok 陳奐仁終於分家

紅隊及藍隊總監郭偉亮(Eric Kwok)及陳奐仁分別招攬了 Gin Lee (李幸倪)、泳兒(Vincy)、林奕匡(Phil)VS 布志綸(Alan)、林二汶(Eman)及 JW (王灝兒)作為紅隊及藍隊成員;兩邊負責打頭陣學員則分別為江廷慧(Vivian)《月牙 灣》VS 趙小婷(Pamela)《靈魂相認》。是集出戰的聲夢學員還有侯雋熙(Duncan)《信 自己》及劉詠彤(Angel)《就讓一切隨風》。

聲夢傳奇2 趙小婷 星夢傳奇2 紅隊陣容
紅隊陣容(圖片來源:TVB提供)
聲夢傳奇2 趙小婷 星夢傳奇2 藍隊陣容
藍隊陣容(圖片來源:TVB提供)

常見問題

《聲夢傳奇2》趙小婷為追夢放棄讀醫?

趙小婷早於上年已拍Vlog解釋自己參賽嘅原因⋯⋯詳情請看

《聲夢傳奇2》趙小婷早於網上爆紅?

趙小婷十幾歲已經喺街頭Busking,15歲嗰年因為翻唱Dear Jane⋯⋯詳情請看

撰文:東方新地圖片來源:TVB提供

你又點睇?