Janees黃洛妍成聲夢傳奇2亞軍、 獲封「明日之高手」

聲夢傳奇2 亞軍 Janees黃洛妍 總決賽唱張惠妹落敗

Janees黃洛妍在總決賽先演唱張惠妹的《聽海》獲高分晉級，其後跳唱《Bad Boy》不敵任暟晴少女跳唱林憶蓮的《瘋了》！經過第二回合激烈對戰，合計評審燈數及觀眾投票結果，「傳奇新星」任暟晴終於矚目誕生！《 聲夢傳奇2 》冠軍「傳奇新星」由任暟晴Jasmine奪得！黃洛妍Janees以優異表現榮獲《 聲夢傳奇2 》亞軍！

黃洛妍(Janees)15歲維也納留學

25歲黃洛妍自小便學習小提琴，曾連續八年在香港校際音樂節的小提琴各組別奪得冠軍。她在中學三年級時赴奧地利留學及進修音樂，以15歲之齡考入薩爾斯堡莫扎特音樂大學，後修畢小提琴演奏學士學位，再在維也納普萊納音樂學院修畢小提琴演奏學士學位，曾師從小提琴名家鄭石生及皮耶·阿莫亞。

黃洛妍15歲去維也納讀書近年回港，主修小提琴同時熱愛唱歌：「我會努力學咬字， 因為之前少講廣東話。」

泳兒親授黃洛妍Janees超越自己過程曝光 天生異稟特技嚇親導師

一向表現出色、25歲的黃洛妍（Janees）特別挑選了難度極高的《溝渠暢泳》，其超闊音域令現場多位評判感驚嘆，更讚在演出過程中展現了不同的音色和層次，JW都忍不住說：「我覺得你將這首歌變成你的版本，特別有原唱在你面前，其實是一個挑戰。低音再加上喊叫，是我聽過最好聽的表演。」原唱泳兒大讚Janees完全能夠駕馭這首歌，有自己的個人風格。

泳兒讚Janees唱得非常好天生異稟特技嚇親導師

泳兒擔任《聲夢傳奇 2》導師，親授Janees《溝渠暢泳》演唱心得，更一齊練歌，泳兒大讚Janees：「我覺得佢唱得非常好，完全唱到自己嘅風格，駕馭到呢隻歌。well done Janees！」泳兒問Janees為何揀《溝渠暢泳》參賽，Janees說：「such a nice song，因為我淨係聽過你唱，第一集你咪喺個screen裏面唱，我就係想唱something like dark, 可以玩少少rockish！」除了在唱功上令泳兒有驚喜之外，原來Janees仲有一樣「絕技」，令泳兒歎為觀止！Janees表示自己每日平均只需要睡4-6小時，睡多了反而會令身體感覺更疲倦，這個天生的「才能」令泳兒非常驚訝O晒嘴，回應一句：「I can sleep a lot（我可以睡很久）」，自愧不如！

即睇Janees《溝渠暢泳》有幾勁：

Janees投射真實痛愛經歷

泳兒問Janees：「呢隻歌你有冇少少story或者畫面？」Janees承認投射了自身真實痛愛經歷，曾痛愛渣男：「係我自己過去一段關係，我將呢個story搵個感覺去唱，其實係所有人都知佢唔好，因為我將自己擺喺好低嘅位置，我係將我自己拉低去襯托佢，我就一直處於呢個位置，但我喺嗰個位係好enjoy件事，雖然我會有唔開心，但我會將所有嘢去掩蓋唔好嘅嘢，去同自己講我係好開心嘅。」泳兒10月2日在九展開演唱會，未能出席《聲夢傳奇 2》決賽。

Janees周日決賽：人生大考驗

Janees昨日在IG表示：「終於去到決賽啦，好唔捨得每星期都會見面親密又如家人嘅學員朋友，一直對我們無私付出嘅導師們、兩位總監，仲有非常照顧我們又有型嘅森美大哥，及每位台前幕後嘅製作團隊、人員。這幾個月聲夢舞台令我長大好多，我感覺自己有做到 #我超越我#大家有見到Jan嘅不同嗎？這星期日晚，係我人生中一個大考驗，但我會盡力去做，希望盡自己最大嘅力氣在這個舞台上發光發亮。」

譚詠麟讚Janees聲線感情俱佳

Janees特別多謝泳兒：「你睇完我rehearsal之後，畀咗好多寶貴意見我，幫助我去改進我嘅演繹，亦畀咗信心同勇氣我，令到我好放心咁去飾演你嘅作品。」譚詠麟亦在微博出post大讚Janees的演出：「《聲夢2》的Janees無論聲線、技巧及感情的操控都駕馭得很好。聽她唱歌就好像坐着她駕駛的火箭車和她一起衝向太空！ ​​​」Janees亦立即在IG隔空感謝譚詠麟：「多謝譚校長鼓勵，Jan一定會繼續努力的！」

聲夢傳奇2｜第三輪團戰Janees黃洛妍與陳奐仁上演「情侶罵戰」

上集與Pamela（趙小婷）完美合唱《依然》，被稱「聲夢魔王」之一的Janees（黃洛妍）愈戰愈強！與總監Hanjin（陳奐仁）合唱《閉目入神》，除聲線與Hanjin完美融合，後段鬥飆高音部分更是聽到令人毛管戙！二人還挑戰帶點Trap風格的情歌Mash Up，雖然事前Janees大呻要Chill住清晰Rap出侵略性歌詞難度極高，但經過每日逐句歌詞反覆練習後，Janees最終成功與Hanjin上演Cool爆「情侶罵戰」，還展現Girl Power魅力，與Hanjin「拗」至面貼面，甚有火花。

陳奐仁大讚Janees黃洛妍「明日之高手」

唱片監製周錫漢大嗌好「正」，譚國政認為二人夾到「可以出歌」，作詞人黃敬佩則大讚 Janees 真正超越了自己：「我冇見過你咁嘅唱法，今次係啱啱喺中間恰到好處，唱得好好。」Hanjin亦盛讚 Janees：「我哋需要高手去救呢個行業（樂壇），呢個（指 Janees）好可能就係明日之高手。」

更多：聲夢傳奇2｜Sabrina趙紫諾首度挑戰廣東歌 與Gin Lee合唱《先哭為敬》

更多：聲夢傳奇2｜Maggie趙頌宜孖導師二汶邊扭腰邊唱《忘記他》

25歲Janees黃洛妍 最強魔王之一 擁超強音樂背景

Janees（黃洛妍）8歲開始學拉小提琴，師承已故中國知名小提琴家鄭石生，以及小提琴大師之稱的Pierre Amoyal等。Janees高中時在奧地利讀書及進修音樂，更以15歲之齡考入被列為全球50大之一的音樂大學，獲得兩個小提琴學士學位。除了演奏實力，Janees亦曾與香港年青樂隊「All For One」合作推出MV《裂痕》，在MV中扮演野性女Rapper．