聲生不息 糖妹

聲生不息|糖妹黃山怡34歲北上發展 與炎明熹、安崎合唱《我的驕傲》

娛樂

廣告

《聲生不息》第五次公演,第10集有糖妹(黃山怡)、譚詠麟客席參與現場表演,主題為「港樂與我共此時」,早在6月12日錄製、6月25日播出,今次採用「中港歌手合作舞台」形式,34歲糖妹與炎明熹、安崎合唱容祖兒的《我的驕傲》。

消費券轉會優惠比較

糖妹獲邀參加《聲生不息》被封「翻版陳慧嫻」

三人穿上全白色戰衣上陣,各有美態,加上現場刻意打造的燈光,令劉惜君亦忍不住驚嘆「恍如看到天使」。三 人一開始即晒冷鬥飆高音,聲線清脆之餘極具感染力,配合中段的三重唱,讓人聽出耳油。劉惜君事後續指糖妹是「Mini 陳慧嫻」,聲音與外貌均與對方有幾分相似。業界對糖妹的演出送上高度評價,與糖妹合作過《勁歌金曲》的郭偉亮轉發分享「等你出現好耐」,而資深音樂人許愿更讚賞表示:

糖妹可以退休。黄山怡出了!

糖妹北上三個月

糖妹早在今年3月已放下香港工作,集中於內地社交平台更新動態,上載不少獻唱廣東歌的片段,包括《分分鐘需要你》、《一生中最愛》等,不少更標記了「聲生不息」,明顯為擔任節目嘉賓宣傳,同時也有一個目的是探望分隔多時的上海婆婆。其中她獻唱《千千闕歌》直播版,被網友大讚跟陳慧嫻很相似,不枉糖妹初入行已被封為「翻版陳慧嫻」。

聲生不息 糖妹 張智霖 糖妹近年頻頻返內地,有指已獲邀參加《聲生不息》。
糖妹近年頻頻返內地,有指已獲邀參加《聲生不息》。(圖片來源:微博@糖妹KANDY)
聲生不息 糖妹 今年三月糖妹已去到上海發展,一直在不同城市穿梭獻唱。
今年三月糖妹已去到上海發展,一直在不同城市穿梭獻唱。(圖片來源:IG@kandybubu)
聲生不息 糖妹 150cm都冇只得149cm嘅糖妹黃山怡),的骰身形加埋甜美童顏,已經成為個人標記。
150cm都冇只得149cm嘅糖妹(黃山怡),的骰身形加埋甜美童顏,已經成為個人標記。(圖片來源:IG@kandybubu)
聲生不息 糖妹 糖妹北上,其中一個目的是探望分隔多時的上海婆婆。
糖妹北上,其中一個目的是探望分隔多時的上海婆婆。(圖片來源:IG@kandybubu)

糖妹孝順又顧家 呢個絕世好家姐每年28萬供胞弟去⋯

細細粒的黃山怡(糖妹)演出機會不絕,下周還有《童時愛上你》飾演網紅「馬來雅」個角色活潑可愛,而且敢愛敢恨,相當討觀眾歡心。現實中,糖妹是家中大女,性格獨立,喺爸爸退休、媽媽係家庭主婦嘅情況下,仲一個人孭起頭家,一年畀28萬供埋細佢11歲嘅胞弟去英國讀書,絕對係「絕世好家姐」呀!

糖妹在《流行經典50年》曾多次登場,作為唱得之人,每次都有好評,像是這個版本的《赤的疑惑》和《紅茶館》,網上也有破紀錄的點擊:

《童時愛上你》|糖妹與陳展鵬上演「最萌身高差」

「身高懸殊」的陳展鵬與糖妹在《童時愛上你》首度合演,並開展一段感情戲碼:糖妹是張振朗的「忠粉」,陳展鵬則仰慕高海寧,隨著高海寧與張振朗的關係愈來愈親密,兩顆受傷的心互相取暖而慢慢靠近。糖妹與陳展鵬有著「最萌身高差」,外形差距極有效果,配搭新鮮之餘亦喜感十足,非常有火花。

聲生不息 糖妹 劇集去年初開拍。
劇集去年初開拍,原本糖妹與張穎康是一對,後來換成了陳展鵬。(圖片來源:IG@kandybubu)
聲生不息 糖妹 150cm都冇只得149cm嘅糖妹黃山怡)
150cm都冇只得149cm嘅糖妹(黃山怡) (圖片來源:tvb.com)

08年組合出道奪多個新人獎

08年出道的糖兄妹初時由糖兄負責作曲,糖妹主力填詞,兩人當年在頒獎禮中更奪得多個新人獎,成績彪炳,而糖妹出道時一直被指酷似陳慧嫻,加上經常表演同埋翻唱慧嫻嘅歌,令不少人都記得佢 。而這個組合維持6年,兩人自14年推出EP《動起來》後,便開始減少一同公開露面,但糖妹話二人不是拆夥,而且私底下一直有合作和聯絡。

聲生不息 糖妹

糖妹多年來密密做,歌、影、視、廣告、登台、商演都見到佢,山大斬埋有柴,糖妹儲到好多錢,係圈中小富婆!

鄭秀文讚唱歌「勁好聽」

糖妹於TVB節目《流行經典50年》中唱過鄭秀文(Sammi)嘅〈如何掉眼淚〉,Sammi大讚糖妹唱得勁好聽,對於糖妹來說是一個肯定和鼓勵啊!

糖妹:家人是無價

糖妹辛苦工作的收入,係留畀家人用,而不是買名牌包包。糖妹有一個比佢年紀細11歲嘅弟弟,前年考DSE成績一般,心願係到外國修讀心理學,糖妹就喺財力上助佢圓夢:「我細個時都希望去外國留學,結果未能夠實現,既然細佬有清晰目標,就由佢嚟完成我嘅夢想,投資喺家人身上始終係無價嘅!」

一年開支要28萬 「個心穿咗個窿」

英國脫歐後,糖妹稱弟弟到當地升學唔算平 ,一年開支要28萬。佢話﹕「細佬去讀書由我負擔,開支票嗰一下,個心真係穿咗個窿,學費、保險仲有其他雜費,加起嚟都廿幾萬,所以我要努力工作啦!」佢笑言細佬靠晒佢,所以佢都要增值自己,學多啲語言去唔同地方交流,順便搵真銀。

生活貼地 慳家搭港鐵

糖妹日常生活相當貼地,家住深水埗,係父母早年買入嘅物業,出入都係以港鐵代步:「搭港鐵既環保又可以控制時間,工作講誠信,準時抵達令人留下好印象,人哋先會再搵你做嘢,咁樣先可以能賺得更多。以前我都會覺得搭港鐵有啲唔自在,但長大咗就冇呢回事,人哋可以搭,點解我唔得?只係大家職業唔同啫!」

聲生不息 糖妹 糖妹
糖妹經常慳家搭港鐵,但素顏嘅佢似乎唔多途人認得出!
聲生不息 糖妹 糖妹
糖妹為養家努力工作,試過專程飛到澳洲登台演出。(圖片來源:IG@kandybubu)

最希望請全家旅行

糖妹其實好叻女,一個女仔孭起頭家、自己使費、弟弟留學費,所剩無幾,佢最大嘅心願就係請全家人一齊去旅行,認為呢件事勢在必行!

帶阿媽去澳洲跳傘

雖然呢個心願暫時未做到,但上月糖妹趁去澳洲登台嘅機會,帶埋阿媽一齊去旅行,兩母女上山落海,玩得好盡興⋯⋯

聲生不息 糖妹 糖妹
糖媽好大膽,撩糖妹玩跳傘,同埋玩浮潛。(圖片來源:IG@kandybubu)
聲生不息 糖妹 糖妹
糖媽仲做攝影師,幫糖妹影出一對長腿!(圖片來源:IG@kandybubu)

佢仲爆糖媽勇字當頭撩佢去玩跳傘:「佢話唔想去睇嗰啲景點,話不如去玩跳傘,我好驚㗎!後尾我哋真係去咗跳傘,仲有浮潛,海陸空都玩晒!」不過糖妹見媽咪玩得好開心,充滿活力,連佢自己都開心埋!

聲生不息 糖妹
(圖片來源:IG@kandybubu)

吃貨糖妹 最大支出是飲食費

愛吃的糖妹話樣樣都會慳,但在飲食一定唔會慳,而這方面的支出也不少,之不過吃得開心又能減壓,也是為生活和工作帶來更多力量!糖妹說她習慣用一張信用卡,這樣可以控制支出,而且又能集中儲一張信用卡的積分,其實她在理財方面也很精明!

聲生不息 糖妹 愛吃的糖妹話樣樣都會慳,但在飲食一定唔會慳。
愛吃的糖妹話樣樣都會慳,但在飲食一定唔會慳。(圖片來源:IG@kandybubu)
聲生不息 糖妹 糖妹有個美食大胃口。
糖妹有個美食大胃口。(圖片來源:IG@kandybubu)

和「明哥」去做義工

雖然忙於工作,但糖妹也會為社會出力,她不時和歌迷會成員去做義工,而早年糖妹就同深水埗「明哥」拉隊去派飯,全程落手落腳做,真係好有善心!

聲生不息 糖妹 糖妹本身都係深水埗地膽。
糖妹本身都係深水埗地膽。(圖片來源:IG@kandybubu)
聲生不息 糖妹 糖妹與「明哥」拉隊去派飯
糖妹與「明哥」拉隊去派飯(圖片來源:IG@kandybubu)
聲生不息 糖妹 親力親為。
親力親為。(圖片來源:IG@kandybubu)

糖妹每年花28萬供胞弟做什麼事?

糖妹是家中大女,性格獨立,喺爸爸退休、媽媽係家庭主婦嘅情況下,仲一個人孭起頭家,一年畀28萬供埋細佢11歲嘅胞弟去…詳情請看

糖妹獲邀參加《聲生不息》被封什麼名稱?

糖妹一開始即晒冷鬥飆高音,聲線清脆之餘極具感染力,配合中段的三重唱。劉惜君事後續指糖妹是翻版…詳情請看

圖片來源:聲生不息 截圖資料或影片來源:原文刊於東方新地