【肌瘤阻產道】38歲董敏莉剖腹誕B女 與囡囡同月同日同磅數超有緣

【肌瘤阻產道】38歲董敏莉剖腹誕B女 與囡囡同月同日同磅數超有緣

董敏莉今年7月宣佈懷孕今日雙喜臨門!今日除咗係董敏莉38歲生日,亦是她剖腹誕下7.2磅囡囡的大日子!董敏莉第一次產檢發現有子宮肌瘤,肌瘤阻住產道嘅情況下只能剖腹產,於是董敏莉專登揀自己生日開刀,點知囡囡唔止同自己同月同日出世,連磅數都一樣!真係有緣!

撰文:K

38歲董敏莉剖腹誕B女

董敏莉趁著今日38歲生日,選擇係呢個大日子開刀生B。第一次產檢發現自己有子宮肌瘤,令生產過程面對好大風險:「因肌瘤頗大阻礙產道,增加手術風險,醫生都講明有危險性,驚失血過多,有二千分之一機會要切除子宮,最終醫生盡力幫我止血,大小平安。」而丈夫亦入產房陪產為她打氣。

https://www.instagram.com/p/BqoiOWzAIoL/
董敏莉剖腹誕7.2磅囡囡

與囡囡同月同日同磅數超有緣

董敏莉表示雖然面對好多風險,但見到囡囡出世,一切都值得。「我專登揀同自己生日開刀,以後方便一齊慶祝,點知囡囡同我同月同日同磅數出世,真係緣分!我哋一早已經幫囡囡改好名,中文名叫子子,英文叫Martha。」董敏莉表示會選擇餵人奶,希望畀到最好嘅營養BB。

下一頁:恭喜晒!吳日言順產誕6.6磅B女

更多精選內容