膠戰2|揭秘「6膠」選角各有原因   監製被爆鍾情女神Hillary

膠戰2|揭秘「6膠」選角各有原因 監製被爆鍾情女神Hillary

娛樂

ViuTV《膠戰S2》 正式推出,播放時間增長至一小時﹗幕後團隊親爆湊夠「6膠」的原因,揭鮮為人知內幕,大談《膠戰》在低成本製作下受歡迎,全靠公司肯放手,不會墨守成規﹗

文:東方新地|圖:ViuTV影片截圖

《膠戰S2》周日晚(10日)10點半播出,節目出街前製作了「今世做電視」系列,《膠戰》繼承者團隊登場,全片約長12分鐘,團隊靈魂人物分享如何拍出「膠味」,6膠的鮮為人知的事,重點提到節目受歡迎可以開拍第二輯,全因公司肯放手,在公司自由度高的氛圍下,才能孕育出低成本高創意的節目﹗網民留言問「係咪寸緊老TVB?」、「又塞錢畀大台?」、「講埋成功原因TVB都做唔到啦﹗」

6膠班底揭秘:Edan同岑珈其一開始就係主打!

編審文靜(林文靜)表示《膠戰》最初構思「因為大家困喺香港冇得出埠,希望做到啲嘢令香港人圍住睇,冇壓力又睇得開心,睇到留言話三歲小朋友同七十歲婆婆都睇得好開心,係我哋最想做到嘅事﹗」她又指揀角係經過精心安排:「一開頭人選係Edan同珈其,佢兩個一定係膽嚟,期間我哋覺得點都要有個肥仔喺度,肥腸加入堪稱喜感鐵三角﹗」

日前《膠戰S2》記者會上,6膠一起玩傳波波快問快答遊戲﹗(圖片來源:ViuTV)
日前《膠戰S2》記者會上,6膠一起玩傳波波快問快答遊戲﹗(圖片來源:ViuTV)
加埋肥腸成了搞笑鐵三角﹗(圖片來源:ViuTV影片截圖)
Edan、岑珈其加埋肥腸成了喜感鐵三角﹗(圖片來源:ViuTV影片截圖)

人夫監製自肥揀女神Hillary加入

編審文靜爆料指是監製要求有女主持,監製阿宏(李宏達)笑笑口:「如果六個都係仔,得佢(文靜)開心,都要其他觀眾都開心先得﹗」文靜搶答:「明明係佢自己想開心﹗Hillary係監製自己揀嘅﹗」阿宏轉移視線指有阿正的加入會令大家睇得好開心﹗

編審文靜大爆女神Hillary是監製阿宏點名要的﹗(圖片來源:ViuTV影片截圖)
編審文靜大爆加入女神Hillary是監製阿宏的意思﹗(圖片來源:ViuTV影片截圖)
膠戰2|揭Edan等6膠揀角原因 人夫監製點名女神Hillary
監製阿宏曾為Hillary安排生日驚喜,合照時卻被工作人員取笑他笑容僵硬﹗(圖片來源:ViuTV影片截圖)
模特兒出身的Hillary是熊黛琳師妹,12年首度在微電影《最好的一直都在》當女主角,被指似薛凱琪﹗IG有17萬followers,有不少宅男粉絲﹗(圖片來源:Hillary@IG)
模特兒出身的Hillary是熊黛林師妹,12年首度在微電影《最好的一直都在》當女主角,有翻版薛凱琪之稱﹗IG有17萬followers,有不少宅男粉絲﹗(圖片來源:[email protected]

Jeffrey靚仔但夠膠

其後談及Jeffery原來係最後加入,編審文靜話:「我哋覺得一定要個靚仔,但一定要夠膠嘅,如果唔係會唔好睇,試鏡時發覺Jeffrey真係好膠,同埋佢有種天然呆﹗佢試玩啲無聊遊戲嗰時都好認真,係好想贏好認真去玩,夠晒膠﹗」

模特兒出身的顏值擔當Jeffery被《膠戰》幕後團隊讚「夠膠」﹗(圖片來源:ViuTV影片截圖)
模特兒出身的顏值擔當Jeffery被《膠戰》幕後團隊讚「夠膠」,成功成為6膠之一﹗(圖片來源:ViuTV影片截圖)
Jeffrey玩遊戲時不時中二病上身,又經常自認是能力者,但卻不時「派膠」,反差大成功製造喜感﹗(圖片來源:ViuTV)
Jeffrey玩遊戲時不時中二病上身,又經常自認是能力者,但卻不時「派膠」,反差大,成功製造喜感﹗(圖片來源:ViuTV)

Edan諗計突出個性

團隊又大讚6膠為節目花了不少心機,又點名讚Edan,阿宏話:「鏡頭後,佢哋都會商量點去玩個game,又會好投入去玩,會好用心去度點樣將自己個性格突出啲,好似Edan成日對Hillary好變態,珈其好似爺爺咁,一嘢被辣㷫﹗」又讚因為6膠都認真對待製作組安排的無聊小遊戲,出來效果先咁好﹗

Edan是變態擔當,喺女神Hillary前現真本性,好有火花﹗(圖片來源:ViuTV影片截圖)
Edan是變態擔當,喺女神Hillary前現真本性,爆笑連場﹗(圖片來源:ViuTV影片截圖)
Hillary當然是女神擔當,原來是監製自肥之作﹗(圖片來源:ViuTV影片截圖)
Hillary當然是女神擔當,原來是監製阿宏自肥之作﹗(圖片來源:ViuTV影片截圖)
阿正(左三)擔當花癡角色,癡戀男神Jeffrey的地步可以唔介意自己輸,相當搞笑﹗(圖片來源:阿正IG)
阿正(左三)擔當花癡角色,癡戀男神Jeffrey的地步可以唔介意自己輸,相當搞笑﹗(圖片來源:阿正IG)

幕後試玩逾一百五十個遊戲

《膠戰》遊戲全部經過幕後團隊試玩才安排6膠去玩,為了達到理想效果,團隊共試玩超過一百五十個遊戲,最後只有四十五個遊戲能拍攝﹗編審指:「你唔試玩過,唔知遊戲好睇位喺邊,出嚟效果點﹗」監製阿宏承認都會失手,拍出來未如預期效果:「呢間公司好,肯畀你試畀你錯,之前衰過失敗過,先知點樣去微調去到個方向﹗」

為了節目,幕後團隊會先試玩每一個遊戲,節目出街約四十多個遊戲,但團隊試玩了超過一百五十個遊戲去篩選,一共試玩了兩、三個月才正式拍板拍攝﹗(圖片來源:ViuTV影片截圖)
為了節目,幕後團隊會先試玩每一個遊戲,節目出街約四十多個遊戲,但團隊試玩了超過一百五十個遊戲去篩選,一共試玩了兩、三個月才正式拍板拍攝,相當認真﹗(圖片來源:ViuTV影片截圖)
6膠拍攝前完全唔知會玩咩遊戲﹗大家的反應及效果夠真實﹗(圖片來源:ViuTV影片截圖)
6膠拍攝前完全唔知會玩咩遊戲﹗大家的反應及效果夠真實﹗(圖片來源:ViuTV影片截圖)
《膠戰》在呂爵安Edan、岑珈其、Jeffery(魏浚笙)、Hilary(劉沛蘅)、阿正(黃正宜)合稱6膠,每集分組玩遊戲,輸了接受懲罰,看似無聊的遊戲,每集都令人棒腹大笑﹗成功在疫情下贏口碑,反映熱烈,第二輯《膠戰S2》 即將推出﹗幕後團隊親爆湊夠6膠的原因,揭鮮為人知內幕,大談《膠戰》在低成本高創作綜藝節目如何成功,全靠公司肯放手,不墨守成規﹗(圖片來源:ViuTV)
《膠戰》Edan、岑珈其、Jeffrey、Hillary、阿正和肥腸合稱6膠﹗今輯更會邀請嘉賓加入玩遊戲,Edan笑言希望《膠戰》能成為長壽節目,長做長有,並指拍攝時當去玩﹗(圖片來源:ViuTV)

高層放手自由度大成就《膠戰》

編審文靜話:「魯暉(魯庭暉)叫我去試吖嘛,我sell畀佢時,佢問我『製作組夠唔夠膠?啲game來來去去都係嗰啲嚟,不過睇你哋點去處理,如果你信得過你班製作組,咁你就去做啦﹗』我之前冇做過綜藝,除咗公司支持,業仔(導演吳繼業)教我要放手畀團隊去試,咁先可以行出一條路出嚟﹗我同阿宏都係傳承業仔,一代一代咁傳落去,去建立香港嘅電視業﹗」

編審文靜指是老闆魯庭暉叫大家去試,給予信心支持讓大家實現想製作的節目﹗(圖片來源:ViuTv影片截圖)
編審文靜指是老闆魯庭暉叫大家去試,給予信心支持讓大家實現想製作的節目﹗(圖片來源:ViuTv影片截圖)

阿宏自覺好幸運加入ViuTV:「呢間公司優點係自由度,佢可以畀你失敗,唔得就再試,失敗咗之後再做好啲﹗」又指視為師傅的導演業仔:「佢教我做呢行要冇大冇細,唔需要諗佢感受,除咗畀機會放手畀我哋啲細嘅去做,佢亦好有承擔,試過之前啲節目做得唔好,我問我係咪要引咎辭職,業仔話係都佢被解僱先,佢點都去撐住我哋成team﹗」

由PA升做監製的阿宏指公司最好是夠自由度﹗(圖片來源:ViuTV影片截圖)
由PA升做監製的阿宏指公司優點是自由度,他指在公司內算是比較年輕的監製,所以自覺好幸運﹗(圖片來源:ViuTV影片截圖)

業仔(吳繼業)入行三十四年,由監製升做導演,帶領文靜及阿宏團隊,業仔話千祈唔好當自己係老前輩:「每一個行業一定有新人,新人有新思想,錯咪錯又唔係孭唔起,遇到乜障礙,我去處理,咁先可以令呢行更有生命力,我都要同年輕人學習,唔好當自己係老前輩,咁會唔進步﹗」

膠戰2|幕後揭Edan等6膠揀角原因 爆人夫監製點名女神Hillary
入行三十四年的業仔(行內人尊稱九叔)話唔好當自己係老前輩,要給予年輕人的創作空間,他做後盾支持,為他們解決困難﹗(圖片來源:ViuTV影片截圖)
《膠戰》台前幕後合作愉快﹗(圖片來源:ViuTV截圖)
《膠戰》台前幕後合作愉快﹗(圖片來源:ViuTV截圖)

你又點睇?

更多精選內容