蔣家旻

31歲蔣家旻暗媾富三代仁濟總理 排舞師男友唔認愛急轉目標

娛樂

廣告

蔣家旻去年跟排舞師麥秋生跳舞跳出愛火,不過這位蔡思貝前度出名是無腳雀仔,即使被斷正夜會蔣家旻一齊返屋企都拒絕認愛。男友唔肯證名份,已31歲的蔣家旻亦不會坐以待斃,自今年中認識29歲的富三代仁濟總理鍾培生,她即鎖定目標主動出擊,早前男方包場睇日本動畫《鬼滅之刃》,蔣家旻黐實睇戲儼如女主人。鍾培生喜與女藝人打交道,擇偶要求亦高,蔣家旻要做豪門少奶真係唔易囉!

撰文、圖片:東方新地

蔣家旻排舞師男友唔認愛

蔣家旻入行十七年,在無綫拍過逾五十套劇,除了早年的《愛‧回家》馬子妮一角入晒屋,今年在《反黑路人甲》中飾演的黑幫女頭目水姐亦令人留下深刻印象。去年中,蔣家旻透過學舞結識排舞師麥秋成,好快已打得火熱,教舞成為媾女撒手鐧的麥秋成,不足三個月已將細十年的蔣家旻馴服得貼貼服服,不過男方從未肯放棄整個森林,以事業為由𠱁掂蔣家旻密冚戀情。

蔣家旻背住男友麥秋成暗媾仁濟總理鍾培生,多番主動出擊,不過女追男都唔一定成功。
蔣家旻背住男友麥秋成暗媾仁濟總理鍾培生,多番主動出擊,不過女追男都唔一定成功。
鍾培生於今年6月因錄影網上節目《培生擂台》而認識蔣家旻,望住年輕有為的富三代,蔣家旻當時已嗒晒糖。
鍾培生於今年6月因錄影網上節目《培生擂台》而認識蔣家旻,望住年輕有為的富三代,蔣家旻當時已嗒晒糖。
上月鍾培生包下一間戲院共二百幾個座位,請朋友及網友睇日本動漫《鬼滅之刃無限列車篇》,蔣家旻主動要飛又坐正鍾培生隔籬,被指扮晒女主人。
上月鍾培生包下一間戲院共二百幾個座位,請朋友及網友睇日本動漫《鬼滅之刃無限列車篇》,蔣家旻主動要飛又坐正鍾培生隔籬,被指扮晒女主人。
蔣家旻精通日文愛看動漫,早前日本超人氣漫畫《鬼滅之刃》掀起熱潮,她 cosplay鬼殺隊蟲柱蝴蝶忍一角,據知鍾培生亦是動漫迷,與蔣家旻有共同話題。
蔣家旻精通日文愛看動漫,早前日本超人氣漫畫《鬼滅之刃》掀起熱潮,她 cosplay鬼殺隊蟲柱蝴蝶忍一角,據知鍾培生亦是動漫迷,與蔣家旻有共同話題。
雖然年齡相差十年,睇落又大纜都扯唔埋,不過蔣家旻同麥秋成卻因學舞撻著,女方不時在排舞室打躉,𥄫實男友唔畀其他女埋身。
雖然年齡相差十年,睇落又大纜都扯唔埋,不過蔣家旻同麥秋成卻因學舞撻著,女方不時在排舞室打躉,𥄫實男友唔畀其他女埋身。
麥秋成除了是排舞師,去年更宣佈簽約無綫,自編自導自演愛情微電影 《戀戀季節—冬至篇》,還邀請女友蔣家旻和好友羅天宇組成三角關係演出。
麥秋成除了是排舞師,去年更宣佈簽約無綫,自編自導自演愛情微電影 《戀戀季節—冬至篇》,還邀請女友蔣家旻和好友羅天宇組成三角關係演出。
蔣家旻為瘟仔唔介意做望 「夫」石,去年被本刊記者影到山長水遠由將軍澳電視城駕車入大圍咖啡店坐埋一邊玩電腦,等足三個鐘接麥秋成收工,之後返回麥秋成位於西貢的村屋寓所過夜。
蔣家旻為瘟仔唔介意做望 「夫」石,去年被本刊記者影到山長水遠由將軍澳電視城駕車入大圍咖啡店坐埋一邊玩電腦,等足三個鐘接麥秋成收工,之後返回麥秋成位於西貢的村屋寓所過夜。

鎖定富三代主動出擊尋幸福

男友拒認愛,蔣家旻當然不是味兒,她與朱千雪、岑杏賢、張嘉兒、湯洛雯份屬好姊妹,近年好姊妹先後嫁人,只有蔣家旻與湯洛雯單身,靚湯已有馬明認頭,蔣家旻亦騎牛搵馬,知情者透露:「眼見身邊好姊妹個個嫁得好,Angel(蔣家旻)得個恨字,麥秋成對佢係咪認真有冇結果,Angel自己心裡有數,佢知道幸福要自己爭取,亦講明遇到第二個好嘅就會跳船。

日前岑杏賢結婚,蔣家旻做陪嫁姊妹,更興奮地搶到花球。去年朱千雪結婚,岑杏賢在對方手中接過花球,今年即成為人妻,恨嫁的蔣家旻真的要急起直追。
日前岑杏賢結婚,蔣家旻做陪嫁姊妹,更興奮地搶到花球。去年朱千雪結婚,岑杏賢在對方手中接過花球,今年即成為人妻,恨嫁的蔣家旻真的要急起直追。
蔣家旻與朱千雪、湯洛雯、張嘉兒及岑杏賢是多年的好姊妹,近年一個個出嫁,就連靚湯都話嫁硬馬國明,蔣家旻好大機會做包尾新娘。
蔣家旻與朱千雪、湯洛雯、張嘉兒及岑杏賢是多年的好姊妹,近年一個個出嫁,就連靚湯都話嫁硬馬國明,蔣家旻好大機會做包尾新娘。

早前 Angel識咗仁濟總理 Derek(鍾培生),知道佢係富三代家住淺水灣獨立屋已經心心眼啦!Angel話自己個 IG俾人 hack咗,主動搵 Derek幫手,不過 Derek就一頭霧水,唔明點解 Angel要搵佢,可能佢以為係男人都係兵啩!知道 Derek包戲院睇戲,佢又話好鍾意套戲,叫 Derek預埋佢,去到現場仲扮晒女主人招呼朋友,姣仔姣到出晒面!」據知喜歡交朋結友的鍾培生,與圈中不少花旦姐仔都有往來,蔣家旻絕對不是她的心儀目標,神女有心,襄王無夢,蔣家旻唔使再浪費彈藥。

鍾培生是獨子,16歲入大學主修數學與經濟,12年畢業於美國南加州大學,家住淺水灣過萬呎高五層獨立屋。
鍾培生是獨子,16歲入大學主修數學與經濟,12年畢業於美國南加州大學,家住淺水灣過萬呎高五層獨立屋。
車庫內單是法拉利跑車已有四部
車庫內單是法拉利跑車已有四部
鍾培生父母與不少圈中人稔熟,尹光亦曾到鍾家作客,鍾培生在社交網上載與尹光在沙發上跳住舞唱粗口歌的照片,大叫好爽!
鍾培生父母與不少圈中人稔熟,尹光亦曾到鍾家作客,鍾培生在社交網上載與尹光在沙發上跳住舞唱粗口歌的照片,大叫好爽!
鍾培生愛交友,透過自己拍攝的網上節目,他不時邀請圈中女星做嘉賓,包括無綫咪神陳婉衡及宅男女神鄺潔楹等。
鍾培生愛交友,透過自己拍攝的網上節目,他不時邀請圈中女星做嘉賓,包括無綫咪神陳婉衡及宅男女神鄺潔楹等。

關鍵詞
蔣家旻