同屋企人去旅行|袁偉豪再與張寶兒合體拍節目 風騷回應雪藏傳聞
廣告
億萬駙馬袁偉豪近日伙拍富貴老婆張寶兒拍攝TVB旅遊節目《同屋企人去旅行》。在昨日出席記者會時首度開腔回應沒有入選邵氏最新「9大焦點藝人」一事,並自爆早前開工作室做老闆,專注做音樂同寫劇本,非常風騷。
袁偉豪伙拍有錢老婆拍新節目
袁偉豪與富貴老婆張寶兒在2017年拍攝《打工捱世界II》節目定情,6年後再以夫妻檔拍攝新旅遊節目《同屋企人去旅行》,袁偉豪表示好開心可以邊拍節目,邊帶住老婆周圍去,花式曬恩愛。袁偉豪又話今次拍攝節目到汕頭、汕尾、潮州等地,不少內地粉絲都認得出自己,仲叫自己做《使徒行者3》角色名「天堂哥」,感到非常開心。
![袁偉豪 張寶兒 袁偉豪 億萬駙馬袁偉豪與富貴老婆張寶兒以夫妻檔拍攝新旅遊節目《同屋企人去旅行》](https://imgs.orientalsunday.hk/wp-content/uploads/2023/05/bowiecheung_336836671_231520459267444_906227571314575046_n_1174218394645342295301b-819x1024.jpeg)
富貴開工作室做老闆搞音樂
袁偉豪早前未有被選為邵氏兄弟「9大焦點藝人」,袁偉豪就話雖然自己依然係TVB藝人,演戲方面都會等公司安排,但其實自己早已經成立工作室,專注做音樂同拍MV,拍MV方面自己亦會嘗試寫劇本。
![袁偉豪 張寶兒 袁偉豪 袁偉豪早已經成立工作室,專注做音樂同拍MV](https://imgs.orientalsunday.hk/wp-content/uploads/2023/05/benontheroad_335846623_865504688084403_5872083385061808359_n_11587967296453423ecd879-819x1024.jpeg)
親自回應雪藏傳聞
去年拍完《法證先鋒V》之後一直未有新劇在手的袁偉豪,昨日亦親自開腔回應被雪藏的傳聞。袁偉豪表示即將會在六月開始拍攝新劇,今年下半年都已經有兩套劇在手,其他空餘時間都會專注做音樂,希望大眾耐心期待自己的作品。
![袁偉豪 張寶兒 袁偉豪 去年拍完《法證先鋒V》就冇新劇嘅袁偉豪,昨日接受訪問時表示話下半年有兩套劇係手,非常風騷。](https://imgs.orientalsunday.hk/wp-content/uploads/2023/05/vtvb-1-50-screenshot_736512572638444c1d847e_13093925566453426bb294a.jpeg)
邵氏兄弟公佈最新「9大焦點藝人」 袁偉豪、王浩信冇份
早前邵氏兄弟公佈最新年不,其中除了提及營業額因為受疫情影響,而賺少900萬之外,亦公佈了最新一年即將力捧的「9大焦點藝人」,其中包括5位一線藝人:胡定欣、黃宗澤、陳瀅、陳山聰、林夏薇,同時亦包括梁競徽、吳業坤、蔡潔以及胡鴻鈞等4位藝人。當中億萬駙馬袁偉豪和視帝王浩信都比以上9位排名要低。
![袁偉豪 張寶兒 袁偉豪和王浩信不在九位焦點藝人之列,反而在年報中被標註分別成立自己個人工作室,自立門戶。](https://imgs.sundaykiss.com/wp-content/uploads/2023/05/kskijntg7lgf6t8ndapwoehxigngfad4u6r8jvoq_cu_1535710358645398a0c790b-755x1024.jpeg)