林作撐裕美踩麥明詩 回顧裕美方臉扁鼻時
上周日電視城舉行港姐決賽,台上一班佳麗爭妍鬥麗,台下有是非couple林作及裕美現身睇賽事,同場還有林作前女友10A麥明詩,事後三人同場成為網民熱話,更將裕美和麥明詩作比較,林作即為現任裕美護航兼踩爆前度!話說現時31歲嘅裕美感情生活一向複雜,先後被踢爆結婚後搞婚外情、背夫偷食等。不過今次唔係同大家講裕美情史,而係回顧吓裕美的舊樣,當年的扁鼻pizza面進化成至今尖啄面、男友林作心目中正過麥明詩的「美人」,實在令人嘖嘖稱奇!
撰文:東方新地|圖片:新傳媒、裕美微博、ig
現任前度被比較 林作冇品狂踩麥明詩
港姐一役台下比台上鬥得更精彩!網民將裕美和麥明詩作比較,當然麥明詩以大比數優勝,但林作為護現任女友裕美,卻在社交網發表偉論謂:「裕美真心靚過麥明詩好多,身材也更優勝。素顏顏值也絕對一流。絕非平平無奇,可謂波濤洶湧。今晚乃來當觀眾而已,難道要著到嚟選美咁嗎?」護花撐自己女友絕對是勇夫所為,不過要借踩前任麥明詩去抬舉現任則被指極無品,而有傳媒問及麥明詩以事她以八字回應:「唔回應,唔想中圈套!」心水清果然是10A才女!
事後裕美亦加把口,以真心欣賞男友mode發文,指林作讓她覺得自己是「世界上只有你才是最好的」!互相盲撐,真心襯到絕!
06年會考成績只得0分,演藝事業發展亦保持暗淡無光,不過裕美入行以來緋聞多多,其中一個舊愛黃子恆曾爆出醜聞,當時裕美亦隨即在 IG宣布與老外男友Alex分手贈興。
16年裕美被揭背夫搭上黃子恆,其後單方面宣布與林恩浩離婚同時被黃子恆斬纜;黃子恆在劇集《是咁的,法官閣下》與麥明詩一 段情備受注目,卻同時傳出搞大內地女 fans肚,加埋林作,四人關係千絲萬縷!
偷食藝人黃子恆搞婚外情 裕美:「搞緊離婚。」
有報道指裕美與吳若希過氣緋聞男友黃子恆關係匪淺,兩人齊到街市買餸,期間男方更主動攬實女方腰!親蜜關係不言而喻。兩人買完餸後就返到男方位於西貢的村屋,兩人夾手夾腳準備晚飯,猶如新婚夫妻般甜蜜,最後裕美更留低過夜!對此裕美就表示當日係假期,所以一大班人開大食會,同行亦有其他幕後人員。一行人大約在八、九點離開,佢並沒有留低過夜。佢又話自己正拍攝劇集《心理追兇》,雖然同劇沒有黃子恆,不過自己好多嘢唔識,要向對方請教。最後佢話唔會理其他人點講,正如有人話佢整容一樣,佢唔會去理。