男神廚房開業喇|譚俊彥兒子成注目點 老婆仔女撐場為準視帝拉票

娛樂

《男神廚房開業喇!》譚俊彥帶埋仔仔見大家!由Do姐鄭裕玲、王菀之及何廣沛主持的無綫綜藝節目《男神廚房》延伸出來的新節目於聖誕日(25日)播出,冠軍級男神譚俊彥、張馳豪、方力申及「復仇者男神」二人組關禮傑及伍允龍輪流經營「限定實體男神廚房」,當中最受歡迎的大廚是爆分王譚俊彥,被視為視帝大熱的他更出動老婆仔女,人氣繼續升!

撰文:東方新地 圖片:TVB發相、《男神廚房開業喇!》預告片截圖、譚俊彥迷官香港影迷會影片截圖

譚俊彥 帶4歲仔拉票!冠軍男神實至名歸

《男神廚房》中的一班男神睇得又煮得,準視帝譚俊彥更成為冠軍男神,實至名歸,早前他聯同其他男神與一眾食客近距離接觸,輪流經營「限定實體男神廚房」,粉絲們有得食又有得睇,氣氛相當好,更剪輯成特別篇《男神廚房開業喇!》,於聖誕節正日(25日)晚上八點半播出。

 五位男神繼續廚藝大比併!
五位男神繼續廚藝大比併!(圖片來源:TVB發相)
 Do姐、王菀之及何廣沛繼續主持大局。
Do姐、王菀之及何廣沛繼續主持大局。(圖片來源:TVB發相)

爭奪「終極男神」

《男神廚房開業喇!》賽制非常刺激,4組男神將進行比併,每組輪流經營1日餐廳,亦要構思好餐廳一切服務,最後會根據當日營業額及紀念品收入,再扣除成本決定誰是「終極男神」,靚女幫廚陳聖瑜(花花)、關楓馨(Fabi)、葉靖儀及星級女廚師Hilda亦會坐鎮協助一眾男神。

 陳聖瑜左起)、女廚神Hilda、關楓馨、葉靖儀會協助一眾男神。
陳聖瑜(左起)、女廚神Hilda、關楓馨、葉靖儀會協助一眾男神。(圖片來源:TVB發相)
 譚俊彥好似老師咁,佢仲會出絕招化解危機!
譚俊彥好似老師咁,佢仲會出絕招化解危機!(圖片來源:TVB發相)

伍允龍表現激動

首先上陣的是「復仇者男神」關禮傑、伍允龍,兩人性格大不同,關禮傑淡淡定有錢剩,伍允龍則火氣十足。由於伍允龍下廚時遇到阻滯,竟一度表現激動,嚇到Fabi指不想再見到他!之後輪到譚俊彥上陣,譚俊彥經驗豐富,甫到場即開啟老師Mode,有條理地分配好各人的工作,三位靚女幫廚更有時間Chill爆食Tea。

 伍允龍表現出火爆一面,笑番咪好囉!
伍允龍表現出火爆一面,笑番咪好囉!(圖片來源:TVB發相)
 現場氣氛好好,個個爭住同班男神影相,關禮傑來者不拒。
現場氣氛好好,個個爭住同班男神影相,關禮傑來者不拒。(圖片來源:TVB發相)
 張馳豪獲女廚神Hilda特別照顧,借出私家靚刀。
張馳豪獲女廚神Hilda特別照顧,借出私家靚刀。(圖片來源:TVB發相)

譚俊彥搵埋屋企人幫手

不過正式開業期間,譚俊彥都一樣遇上阻滯,不過卻處變不驚,並即時想出「絕招」化解。方力申則一開始即打電話找媽咪幫手,但慘遭拒絕,原因竟是一隻狗,小方只好眼淚在心裡流。最後登場的小鮮肉張馳豪未知是否因為年紀細細,加上高大又靚仔,獲女廚神Hilda特別「照顧」,借出私家靚刀給張馳豪用;張馳豪更自彈自唱冧粉絲爭取勝算,果然青出於藍。

 譚俊彥淡定有錢剩。
譚俊彥淡定有錢剩。(圖片來源:TVB發相)
 譚俊彥大晒廚藝。
譚俊彥大晒廚藝。(圖片來源:TVB發相)
 小方刀工似乎好唔掂。
小方刀工似乎好唔掂。(圖片來源:TVB發相)

親朋戚友撐場打氣

製作組更邀來神秘嘉賓為男神們送上驚喜,包括譚俊彥太太及一對子女、Jessica C.及一對子女、關禮傑太太及細女、吳業坤、《聲夢》何晉樂(Rock)及林君蓮(蓮姐),席間眾人真情流露,場面感人,關楓馨(關禮傑大女)更一度感觸落淚!最終榮獲第一名的男神其經營的實體店所賺的錢,只比第二名多賺90港元,可見戰況相當激烈!究竟終極男神花落誰家?

 譚俊彥一家四口好溫馨。
譚俊彥一家四口好溫馨。(圖片來源:TVB發相)
 譚俊彥囝囝對住咪講「爸爸煮嘅嘢係最好食!」
譚俊彥囝囝對住咪講「爸爸煮嘅嘢係最好食!」(圖片來源:)
 譚俊彥囝囝累到扭眼瞓要爸爸抱住。
譚俊彥囝囝累到扭眼瞓要爸爸抱住。(圖片來源:)
 譚俊彥仲同張馳豪、吳業坤夾Band助慶。
譚俊彥仲同張馳豪、吳業坤夾Band助慶。(圖片來源:)
 關禮傑都有老婆同兩個囡囡支持,一家四口好齊心。
關禮傑都有老婆同兩個囡囡支持,一家四口好齊心。(圖片來源:TVB發相)
 Jessica C.帶同一對仔女撐契爺伍允龍。
Jessica C.帶同一對仔女撐契爺伍允龍。(圖片來源:TVB發相)
 男神廚房開業喇|譚俊彥成最受歡迎大廚 老婆仔女撐場為準視帝拉票
張馳豪就有何晉樂同埋林君蓮力撐。(圖片來源:TVB發相)

去片!睇吓譚俊彥幾咁受歡迎

譚俊彥、方力申、張馳豪經營「限定實體男神廚房」,三人親自落場炮製美食。還會送上《傑出小童星嘉許典禮》與除夕倒數晚會記招的花絮。

你又點睇?

更多精選內容