郭珮文大派福利竟遭嘲風塵味濃 網民1原因狠批唔適合娛樂圈

TVB全員出動大玩水上遊戲

TVB夏日特備綜藝節目 《大師兄Welcome Summer大激戰》 ，將於 6月22日起，一連四個周日晚上播出。節目共四集，並分別邀請藝人分為 「萬千星輝得獎隊」、「後生仔隊」、「東張西望隊」、「中年好聲音隊」、「主持隊」及「獎門人好友隊」六隊展開水上擂台激鬥。每集由兩隊對決全新水上遊戲，勝出隊伍可晉身終極回合，角逐豐富獎品及獎金！第一集將由龔嘉欣率領「萬千星輝得獎隊」與馮盈盈領軍之「後生仔隊」展開對決，認真精彩！

水著擔當郭珮文竟然無份！

節目有多位嘉賓參加，包括馮盈盈、林景程、洪天明、鄺潔楹、鄭衍峰、黃婧靈、黃紫恩、梁敏巧、黎寬怡、鄧凱文、周吉佩、支嚳儀、龍婷、顏志恒、陳俞霏、顏米羔、何泳芍、曾展望、周家蔚、衛志豪、葉泓聲、 陳懿德、張馳豪、曾錦燊等。

郭珮文大派福利竟遭嘲風塵味濃

郭珮文日前在社交平台曬出多張新相，相中佢以黑色小背心示人，雖然服裝頗為密實，但係好身材仍然擋唔住！不過網民就似乎對今次嘅福利唔太收貨，兼直言郭珮文嘅新相風塵味濃：「陀地扮北姑」、「明明之前行外國風幾正，依家好重風塵味」、「今次福利好削」、「呢個風格真係唔啱你」。

網民1原因狠批郭珮文唔適合娛樂圈

對於郭珮文大方派福利，網民除咗唔收貨之外，更有人留言指郭珮文最近甚少出鏡機會：「最近好似收曬皮」，而在郭珮文回覆一個喊樣emoji後更再留言：「恕我食言 你性格可能太內向不適合食呢行飯」，直指郭珮文嘅性格唔適合娛樂圈。

郭珮文發展

郭珮文2023年入行後即獲唔少發展機會，除咗有份出演《法證先鋒6》、以及客串《愛回家》之外，更現身多個綜藝節目，甚至連電影《麻雀女王追男仔》亦可以見到郭珮文嘅身影。

不過郭珮文自從賀歲片播畢後，2025上半年似乎再無新作，相反曾與佢一同主持《福祿壽訓練學院》嘅陳懿德，以及同屆2023年港姐冠軍莊子璇就工作機會不斷，發展逐漸反超郭珮文。