鄭中基拍片分享「工人姐姐」奇人奇事 返工首日即派熱褲福利?!

娛樂

鄭中基在最新一集Youtube節目主題講「工人姐姐」的奇人奇事,鄭中基召集網民提供的經歷之餘,更分享自己家中及母親家中姐姐的匪夷所思事件。網民覺得呢個話題可以講唔完,熱烈要求鄭中基搵埋張敬軒一齊延續「遮遮的故事」!

鄭中基 分享工人姐姐離譜經歷

鄭中基的個人YouTube頻道「機動電視台RTV」最新一集同大家分享工人姐姐匪夷所思事件,雖然有不少網民提供了自己姐姐的搞笑事,不過鄭中基的親身經歷娛樂性都好豐富。

 鄭中基拍片大講工人姐姐匪夷所思事件。
鄭中基拍片大講工人姐姐匪夷所思事件。(圖片來源:[email protected]
 鄭中基講講吓認唔住要講自己新請的工人姐姐。
鄭中基講講吓認唔住要講自己新請的工人姐姐。(圖片來源:《機動電視台RTV》影片截圖)

姐姐返工首日即派福利

鄭中基憶述早年前屋企個新人姐姐返工首日,他說:「之前請咗個新姐姐,有日放工返去第一次見到佢,我問Emma(囡囡)佢點解咁?Emma話『I don’t know!』我見佢著住一條好短嘅短褲,佢係嚟到呢度(鄭中基用手展示條褲有幾短),好似打排球嗰啲,不過佢身形係……豪華臀嗰啲,佢仲要嚟嗰時係冬天,我問佢咁凍點解唔著番條長褲,佢話以前個阿Sir好鍾意佢著短褲。未請佢時佢話以前阿Sir對佢評價係好好,都好鍾意佢,咁我咃就問佢拎舊僱主電話,佢話好啦!不過你打畀阿Sir,唔好打畀Mum,因為阿Mum好憎我!」

 鄭中基講自己姐姐。
鄭中基講自己姐姐。(圖片來源:《機動電視台RTV》影片截圖)
 並用手展示姐姐條褲有幾短。
並用手展示姐姐條褲有幾短。(圖片來源:《機動電視台RTV》影片截圖)
 鄭中基笑言姐姐身形好有份量。
鄭中基笑言姐姐身形好有份量。(圖片來源:《機動電視台RTV》影片截圖)

阿媽屋企有極品工人

鄭中基屋企姐姐鍾意著短褲都未算好匪夷所思,他指其母屋企的工人姐姐先經典,她留有一頭似瀑布咁靚的長髮,請她回家完全是歎世界,屋企已經冇乜家務要做,但她竟然還要求請多個助理分擔工作,他說:

「我阿媽嗰個話自己好攰,明明已經冇乜嘢做,佢話要請多個助手,當然最後都冇請畀佢……我個女有同啲姐姐交換電話玩,有次佢同我媽嗰個姐姐whatsapp,我見到張相問佢邊個嚟,跟住篤入去睇吓,佢著住件好緊身嘅背心,跪喺床上好靚咁擺晒pose……」

 鄭中基大講阿媽屋企個工人。
鄭中基大講阿媽屋企個工人。(圖片來源:《機動電視台RTV》影片截圖)
 仲擺出好誘人的pose。
仲擺出好誘人的pose。(圖片來源:《機動電視台RTV》影片截圖)

請客要自己帶傭工人

鄭中基繼續狂數阿媽家中的姐姐,他說:「有一次我要搬屋喺屋企執嘢,因為費事啲小朋友搞搞震所以send咗去我阿媽屋企,點知搵工人幫手冇人應,原來佢去咗我阿媽屋企,我阿媽話要工人幫手洗碗,我問點解佢個工人唔洗碗,個姐姐竟然答你啲小朋友嚟食飯,你就要自己帶工人自己負責番,我就問我阿媽如果請客,係咪要啲客人自己帶工人……」

 鄴中基阿媽屋企有個極品工人。
鄭中基阿媽屋企有個極品工人。(圖片來源:《機動電視台RTV》影片截圖)
 鄭中基一對仔女去嫲嫲屋企食飯竟然要自攜工人。
鄭中基一對仔女去嫲嫲屋企食飯竟然要自攜工人。(圖片來源:[email protected]

網民要求Jam埋軒公遮遮

(圖片來源:[email protected]《機動電視台RTV》)
(圖片來源:[email protected]《機動電視台RTV》)
(圖片來源:[email protected]《機動電視台RTV》)
(圖片來源:[email protected]《機動電視台RTV》)

去片!一人一個工人姐姐之匪夷所思

鄭中基曾因拍MV唔妥無綫

鄭中基早前在其YouTube頻道「機動電視台RTV」大數廿多年前拍過最匪夷所思的MV,一講到當年唱到街知巷聞的經典《無賴》,鄭中基自爆當年為拍《無賴》MV而唔妥無綫咁多年,並且從此沒有再亮相該台﹗不過有網民指鄭中基憑《無賴》奪得勁歌的金曲金奬後,仍主持《美女廚房》,被指「吹大咗」、「得個講字」,鄭中基為此親自解畫。

 鄭中基 無賴 拒亮相無綫
鄭中基指無綫《勁歌金曲》多年來有規定要求有自己版本MV﹗(圖片來源:《機動電視台RTV》截圖)

鄭中基回應為何仍主持《美女廚房》

鄭中基因為不滿當年被要求將《無賴》改歌詞而唔妥TVB到依家,從此沒有再亮相該台,不過有網民指出鄭中基仍為無綫拍攝《美女廚房》﹗日前鄭中基出席活動時被問及此事時,他解釋由於當時有合約在身,不能想點就點:「一來不負責任,二來真係唔得㗎嘛﹗」他指跟唱片公司及經理人公司約滿,回復自由身後,從此無再亮相無綫,並指當年無綫的無理要求,是相當不尊重《無賴》填詞人李峻一,他又指事隔多年已怒氣全消,當被問到若TVB邀請上節目會否考慮?鄭中基即指自己短期內都冇檔期﹗

 鄭中基在Disney+的香港啟動慶典上獻唱,工作繁忙﹗
鄭中基在Disney+的香港啟動慶典上獻唱,工作繁忙﹗(圖片來源:Disney+官方圖片)

鄭中基爆無綫要求《無賴》改歌詞先可以拍MV

鄭中基講開《美女與野獸》MV最令他覺得匪夷所思,因為冇記憶拍過,鄭中基話:「多數我唔記得嗰啲,都係以前《勁歌》拍㗎,TVB要自己Version,所以我哋通常統一咗佢,無謂拍多個MV﹗」然後Ronald爆料指《無賴》被無綫要求改歌詞,Ronald:「就係《無賴》有句歌詞一定要我改咗先可以參加《勁歌金曲》,句歌詞本來就係『曾話過要戒煙』唔知點解唔畀我講戒煙,為咗咁我就特登要入過錄音室錄過『曾話過要儲錢,但講了就算』,跟住先至可以拍個MV﹗」

 鄭中基講點解唔妥TVB,因為覺得不受尊重﹗
鄭中基講點解唔妥TVB,因為覺得不受尊重﹗(圖片來源:《機動電視台RTV》截圖)
 鄭中基 無賴 拒亮相無綫
鄭中基指當時無綫無解釋點解不能唱「戒煙」歌詞,只霸道要求改歌詞﹗(圖片來源:《機動電視台RTV》截圖)

鄭中基:我嬲TVB,嬲埋我公司﹗

鄭中基講番起都氣難下:「就喺呢個時候我開始嬲TVB,我嬲TVB之餘,我嬲埋我公司,點可以一個artist一首歌為咗一個電視台而去改兩隻歌詞,淨係for佢,嗰陣時錄咗就算係因為公司問題啦﹗就由嗰時開始我就唔妥TVB到依家,咁多年嚟大家冇再見我再喺TVB出現過﹗等如你話Michael Jackson 嚟香港,我唔鍾意你隻歌叫《Billie jean》喎,淨係可以叫《攞嚟賤》,咁人哋會唔會踩你先? 啱唔啱先?」

 鄭中基 無賴 拒亮相無綫
鄭中基直指由嗰時開始唔妥TVB到依家﹗(圖片來源:《機動電視台RTV》截圖)
 鄭中基 無賴 拒亮相無綫
鄭中基話從此無再上無綫節目的真相原來因為《無賴》個MV﹗(圖片來源:《機動電視台RTV》截圖)
(圖片來源:《機動電視台RTV》截圖)

關鍵詞
鄭中基
撰文:東方新地圖片來源:圖:《機動電視台RTV》影片截圖、[email protected]、鄭中基Facebook圖片、[email protected]《機動電視台RTV》

你又點睇?

更多精選內容