鄭中基4月戶外騷開賣 首個設私家車睇騷位演唱會  拍片解答11個疑問:只限私家車、唔可以帶寵物…

鄭中基4月戶外騷開賣 首個設私家車睇騷位演唱會 拍片解答11個疑問:只限私家車、唔可以帶寵物…

鄭中基在踏入49歲(3月9日) 生日前,宣布4月舉行一連兩場的戶外自駕演唱會《Drive In Ultra-WEE are Ronald Cheng》,門票今日(12日)在cityline優先訂購,由於是香港首個自駕騷,加上未開賣已出現大量代購騙子,鄭中基拍片逐一解答大家問題。
撰文:東方新地 | 圖片:鄭中基fb

鄭中基 戶外騷 車輛 演唱會
鄭中基與經理人湘姐拍片逐一解答大家對演唱會的疑問,鄭中基話自己同大家一樣都好興奮,因為未試過﹗

鄭中基於生日前夕突然宣布4月24、 25在中環海濱活動空間,舉行一連兩場的戶外演唱會,並會安排車輛入場睇騷的位置,座位票分為$1,080及$880兩種,車輛套票則為$ 6,000,鄭中基公布開騷後,樂迷既期待同時對香港首個自駕騷有很多疑問。

Q1.演唱會係咪只限車輛進入?

鄭中基:唔係﹗今次嘅戶外演唱會有座位同車位兩種,冇車嘅朋友都可以嚟﹗

鄭中基 戶外騷 車輛 演唱會
鄭中基提醒大家並非只限自駕車輛人士,現場是有供無車人士的觀眾座位,請大家放心。

Q2.入場車輛有甚麼限制?

鄭中基:只限私家車,電單車、校車、貨車都係唔得嘅﹗高度限制係1.65米,因為要確保唔會阻檔到後面嘅車輛同觀眾。

鄭中基 戶外騷 車輛 演唱會
鄭中基之前公布的車輛高度限制1.5米,現更正為1.65米。

Q3.開騷時車輛要熄匙嗎?

鄭中基:停泊咗之後必需要熄匙,熄埋車頭燈,唔可以響安。

Q4.車輛內有無限制人數?

鄭中基:私家車內只可以坐四個人。

Q5.車輛進場後可否中途離開再次進場?在場內可以自由行駛嗎?

鄭中基:唔可以嘅﹗唔可以中途出去再入番嚟﹗

Q6.買了車輛套票,人可否在場內任何範圍觀看?

鄭中基:每個車位有專屬4米x6米空間,在自己車位範圍內睇,現場有安排流動廁所。

鄭中基 戶外騷 車輛 演唱會
鄭中基溫馨提示現場設有流動廁所供進場人士。

Q7.車輛套票點樣入場?

鄭中基:入口處有指示,唔可以座位區入,現場分人及車的入口。

Q8.車輛套票會如何編排位置,是否先到先得?

鄭中基:唔係,每一個套票有編號,要按編號停泊指定位置,車位同車位有足夠活動空間。

Q9.開篷車可以進場嗎?

鄭中基:可以﹗

Q10.能否帶寵物?

鄭中基:除了導盲犬之外,禁止帶任何寵物進場。

鄭中基 戶外騷 車輛 演唱會
鄭中基表示就算是自駕車輛套票人士,也不能㩗帶寵物進場。

Q11.入場有乜規則要遵守?

鄭中基:要遵守政府公布之最新防疫措施,進場會進行體溫測試,填寫個資料表格或安心出行,每個進場人士必需戴口罩,以及現場沒有賣食物。

鄭中基 戶外騷 車輛 演唱會
播出自駕車輛睇騷的模擬片段。
鄭中基 戶外騷 車輛 演唱會。
鄭中基在片段中公布開騷的座位表。
鄭中基 戶外騷
鄭中基拍完片,再喺fb現身覆網民。
鄭中基 戶外騷
有網民擔心有人會盜錄。
鄭中基 戶外騷
網民仍然有不少疑問。
鄭中基 戶外騷
網民未開騷先興奮。

你又點睇?

更多精選內容