鄭嘉穎回應缺席《鐵馬》聚會被指欠大哥風範 人緣欠佳盛傳不滿馬國明!
鄭嘉穎回應無綫記者提問 動作多多盡展小氣本色
其實鄭嘉穎已經不是第一次缺席聚會,無綫娛樂台主播採訪時向鄭嘉穎求證「不和傳聞」,不過54歲視帝就在鏡頭前句句有骨,仲借女拍檔「過橋」,表現極欠風範引起網民熱議⋯⋯
![鄭嘉穎 唐詩詠 鄭嘉穎 《鐵馬尋橋》的部分主角們都因拍攝劇集而變熟,劇集播出超過13年都依然時不時搞聚會。](https://imgs.orientalsunday.hk/wp-content/uploads/2023/12/screen-shot-2023-12-01-at-5.14.37-pm_3743099586569962caa902-1024x640.png)
鄭嘉穎聞馬明傳峇里舉行婚禮 表明自己「窄窄哋」
早前傳出馬國明將會與湯洛雯遠赴峇里舉行婚禮,當鄭嘉穎被問到會否出席婚禮時,鄭嘉穎就即刻話:
「婚禮如果係香港就機會大啲嘅,但如果係外面,要離開香港,我就有啲窄窄哋,因為就未必走得開啦。」
不滿無綫主持追問 鄭嘉穎借曹敏莉過橋:「佢話你唔好再問」
當無綫主持追問鄭嘉穎,會否另外約馬國明出嚟祝賀其結婚,鄭嘉穎就話「自己有分數」,又問身旁曹敏莉「邊個電話響」避答問題。當主持嘗試打圓場問係唔係馬國明打嚟,鄭嘉穎就馬上回指:
「佢話你唔好再問啦你,佢話你夠喇!」
不少網民見到鄭嘉穎的回應,都紛紛留言指鄭嘉穎冇風度,又小家:「呢個男人好小氣! 更年期!每句說話都冇大將之風! 呸」、「做男人,做到咁冇風度,可能佢結婚時,馬明冇到或禮金少」、「鄭嘉穎真的沒有男人的風範」等。
![鄭嘉穎 唐詩詠 鄭嘉穎 當記者繼續追問,就扮嘢問身旁曹敏莉係唔係有人電話響。](https://imgs.orientalsunday.hk/wp-content/uploads/2023/12/-0-27-screenshot_1985918570656ae5bf6ab27.jpg)
鄭嘉穎親揭缺席鐵馬聚會真相 回應句句有骨
唐詩詠早前上傳了「鐵馬家族」最新聚會合照,合照中可見馬國明、湯洛雯、林子善和唐詩詠等人都有出席,唯獨「大哥」鄭嘉穎就沒有現身聚會。對於多次缺席「鐵馬家族」聚會一事,鄭嘉穎早前出席活動時親口作出回應。鄭嘉穎回應指家庭和家庭都是常缺席聚會的原因之一,他又指發現人生到了一個不同的階段,每天就只有24小時,他直指假如是浪費時間的事都不會去做,會寧願將時間放在更值得的地方上。鄭嘉穎又坦言自己喜歡安靜的環境,一直都不怕孤獨,反而要去適應「熱鬧」,如果要想去湊熱鬧,都要視乎與誰一起去熱鬧。
![鄭嘉穎 唐詩詠 鄭嘉穎 「鐵馬家族」大部分都有出席,就連馬國明都有帶未婚妻湯洛雯出席聚會。](https://imgs.orientalsunday.hk/wp-content/uploads/2023/12/image-7030322_1807424289656992923a43e.jpeg)
回應與馬國明不和傳聞:有啲嘢係要取捨
當被問到與馬國明不和傳聞,鄭嘉穎就指大家都識咗咁多年,都冇話唔啱,只不過大家去到不同的階段,要去做不同的事情。鄭嘉穎亦指對方都會明白,有些事情是需要取捨的。
![鄭嘉穎 唐詩詠 鄭嘉穎 明明早幾年馬國明同鄭嘉穎依然攬頭攬頸。](https://imgs.orientalsunday.hk/wp-content/uploads/2023/12/screen-shot-2023-12-01-at-5.01.52-pm_6950837756569930d017af.png)
多次缺席鐵馬聚會 連黃家樂婚禮都無影
有網民發現自從2021年的新年飯局,鄭嘉穎就沒有再出現於「鐵馬家族」的聚會。「鐵馬家族」的馬國明、林子善都有擔任黃家樂婚禮的「兄弟團」,就連唐詩詠都超有義氣穿西裝反串做「兄弟」,但鄭嘉穎就連人影都唔見。
![鄭嘉穎 唐詩詠 鄭嘉穎 鄭嘉穎在2021年仲有帶老婆陳凱琳出席聚會,不過馬國明嗰年就冇出席。](https://imgs.orientalsunday.hk/wp-content/uploads/2023/12/image-3759499_154316378165699286d08db.jpg)
鄭嘉穎親揭缺席鐵馬聚會真相,回應句句有骨?
唐詩詠早前上傳了「鐵馬家族」最新聚會合照,合照中可見馬國明、湯洛雯、林子善和唐詩詠等人都有出席,唯獨「大哥」鄭嘉穎就沒有現身聚會…詳情請看
馬國明如何回應事件?
當無綫主持追問鄭嘉穎,會否另外約馬國明出嚟祝賀其結婚,鄭嘉穎就話「自己有分數」,又問身旁曹敏莉「邊個電話響」避答問題。而馬國明…詳情請看