鄭欣宜 許廷鏗

鄭欣宜演唱會|許廷鏗手拖手仲想咀欣宜 張敬軒台下大叫勁搶戲

娛樂

廣告

鄭欣宜(Joyce)一連三場紅館唱《Between Us 鄭欣宜演唱會2022》昨晚(6月12日)圓滿結束,尾場邀請到許廷鏗擔任嘉賓,台下撐場的粒粒皆星,包括:張敬軒、陳健安@C AllStar、AGA江海迦、Lokman@MIRROR與女友Luxi,以及新晉女團COLLAR等等,他們現身觀眾席時都引起哄動。去到尾場欣宜毫不保留獻唱,激動得又喊又笑,最後更四度Encore先完場。

欣宜孖許廷鏗台上咀嘴失敗:真係搞唔掂!

欣宜紅館演唱會昨晚舉行尾場,與欣宜有「異父異母低能巨孖寶」之稱的許廷鏗(Alfred)擔任壓軸表演嘉賓,欣宜介紹他出場說:「我同佢識於微時、兩小無猜,經常頭貼頭手牽手,仲傳過緋聞,其實我都有諗過我哋究竟係友情?定係愛情?」然後響起「經典MK合唱情歌」《好好戀愛》,二人仲深情對望兼作狀咀嘴,不過只係唱咗半首,二人就破功笑場!

鄭欣宜演唱會 許廷鏗與欣宜合唱《好好戀愛》深情對望。
許廷鏗與欣宜合唱《好好戀愛》深情對望。(圖片來源:影片截圖)
鄭欣宜演唱會 許廷鏗 鄭欣宜演唱會 深情對望完下秒即刻破功,欣宜仲話自己唔夠專業,演唔到台戲。
深情對望完下秒即刻破功,欣宜仲話自己唔夠專業,演唔到台戲。(圖片來源:大會提供相片)

許廷鏗笑欣宜係「脫水界KOL」

許廷鏗問:「點解咁多年我哋呢啲嘢都係做唔好?我冇一次可以好好地同你唱一次深情嘅歌!」欣宜老實不客氣回應:「唔夠專業囉我哋,呢台戲真係做唔到呢……」見欣宜唱到成頭汗,Alfred稱她為「脫水界KOL」。欣宜又說:「不如我哋俾大家睇下,當初我哋點樣頭貼頭、手牽手啦。住拖,我高踭鞋好易跌呀!」然後合唱《半份關心》。

許廷鏗延續紅館送禮傳統 張敬軒台下大叫:你又送黑膠

合唱《半份關心》後,Alfred說:「我哋睇住對方經歷高高低低,但無論邊個高邊個低,都會喺對方身邊。」然後送上一張特別版黑膠唱片,軒仔在台下大叫:「你又送黑膠!」令全場大笑。事關之前Alfred任軒仔演唱會嘉賓時,都是送黑膠碟,不過他送上親手畫二人合照作唱片封套的被本,Alfred又激動說:「呢張相係2015年影,當時我哋仲係傻更更,未踏足過紅館,我哋約定將來邊個登上紅館舞台,對方都要在場。」

鄭欣宜演唱會 許廷鏗送上親身繪製封套的黑膠畀欣宜,場面感動。
許廷鏗送上親身繪製封套的黑膠畀欣宜,場面感動。(圖片來源:大會提供相片)
鄭欣宜演唱會 許廷鏗 Alfred又激動說:「呢張相係2015年影,當時我哋仲係傻更更,未踏足過紅館,我哋約定將來邊個登上紅館舞台,對方都要在場。」
Alfred又激動說:「呢張相係2015年影,當時我哋仲係傻更更,未踏足過紅館,我哋約定將來邊個登上紅館舞台,對方都要在場。」(圖片來源:寰亞娛樂 )
鄭欣宜演唱會 許廷鏗 欣宜激動流淚。
欣宜激動流淚。(圖片來源:寰亞娛樂 )
鄭欣宜演唱會 許廷鏗
(圖片來源:寰亞娛樂 )
鄭欣宜演唱會 許廷鏗
(圖片來源:寰亞娛樂 )

「今日下午我哋綵排時,Joyce突然攬住我喊」

二人台上相擁爆喊後,欣宜回後台補妝,到Alfred獨唱《面具》,他說:「今日下午我哋綵排時,Joyce突然攬住我喊。我知佢為咗今次演唱會付出200%努力,要搞一個紅館演唱會並唔簡單,希望大家以熱烈嘅歡呼聲和掌聲,話畀Joyce知,佢係一位值得被愛嘅香港歌手!」全場掌聲和歡呼聲。

鄭欣宜演唱會 許廷鏗根據呢張2015年的二人合照畫黑膠封套。
許廷鏗根據呢張2015年的二人合照畫黑膠封套。(圖片來源:IG@princejoyce)
鄭欣宜演唱會 許廷鏗 鄭欣宜演唱會 軒仔喺台下大叫:「你又送黑膠!」
軒仔喺台下大叫:「你又送黑膠!」(圖片來源:許廷鏗IG story)

張敬軒未能上台背後有原因:

Alfred表演後返回觀眾席,坐在軒仔旁繼續睇騷﹐他們更齊齊熱情大嗌encore。欣宜向觀眾席的軒仔笑說:「我今晚真係好難專心,因為『皇上駕到』,如果唔係防疫條例,我一定拉埋佢上台!」軒仔立即高舉雙手姆指兼提高一隻腳,以示舉腳支持,還向她送飛吻。

欣宜感動剖白:自小覺得自己唔值得被愛

欣宜在演唱會上獻唱新歌《仍會等》前分享愛情觀,她說:「我喺愛情路上並無得到過多少鼓勵,甚至自小被寫成一個唔值得被愛嘅人,喺脆弱嘅時候,覺得自己係一個愛情失敗者,懷疑自己係咪值得被愛?但我仍然相信愛情,相信喺我搵緊真命天子嘅同時,可能佢都搵緊我呢!」

鄭欣宜演唱會 許廷鏗 鄭欣宜演唱會 軒仔喺台下畀Like支持。
軒仔喺台下畀Like支持。(圖片來源:大會提供相片)

尾場演唱會的的反應熱烈,四度encore,欣宜感動落淚,瞓地手腳並用做心心動作答謝觀眾愛戴,向觀眾承諾:「我哋勾手指尾,約定下次再見,一定有下一次,仲會好快,只要大家繼續愛我!」最後她一邊飛吻一邊退場,一連三場紅館演唱會完美落幕。

鄭欣宜演唱會 許廷鏗 鄭欣宜演唱會 一連三場欣宜紅館個唱圓滿結束。
一連三場欣宜紅館個唱圓滿結束。(圖片來源:大會提供相片)

重溫欣宜扮過的「魔人布歐」

欣宜在獲得叱咤樂壇女歌手金獎時,提及自己曾「扮過魔人布歐」,在爭取觀眾認同的過程中,欣宜真係花盡心思,今年樂壇上豐收的欣宜,提起自己扮「魔人布歐」的過去,不是想形容為黑歴史,只是希望獲得觀眾的肯定。欣宜提及「扮過魔人布歐」的經歷其實來自TVB,2014年9月的《Sunday扮嘢王》,由王祖藍與薛家燕做主持的節目入面,欣宜與王祖藍合演《龍珠》角色。

鄭欣宜演唱會 許廷鏗 鄭欣宜:「希望由今日開始大家叫我歌手鄭欣宜!」
鄭欣宜:「希望由今日開始大家叫我歌手鄭欣宜!」(圖片來源:my903.com 商業電台 )

《Sunday扮嘢王》布歐欣宜王祖藍合作扮嘢

在當年的節目中,藝人要分組「扮嘢」,王祖藍飾「矮仙人」(模仿龜仙人)、藝員姚兵飾「唔通」(模仿孫悟空)、鄭欣宜則飾「魔人布甸」(模仿魔人布歐)同場仲有何遠東飾「扮王」(模仿界王),欣宜全程不發一言,因為口中塞滿棉花要扮漲卜卜的布歐:

鄭欣宜演唱會 許廷鏗 《Sunday扮嘢王》由薛家燕主持。
《Sunday扮嘢王》由薛家燕主持。(圖片來源:Sunday扮嘢王@TVB截圖)
鄭欣宜演唱會 許廷鏗
(圖片來源:Sunday扮嘢王@TVB截圖)
鄭欣宜演唱會 許廷鏗 欣宜扮布歐
欣宜以黃色洗碗手套扮魔人布歐,當年在IG也有向大家開心分享!(圖片來源:[email protected]

欣宜同年宣布不再減肥

2014年對欣宜演藝事業亦是關鍵的一年,她於4月宣佈加盟蕭定一旗下的「中國3D數碼娛樂」,成為旗下藝人。6月底於facebook表示「決定要健康,不要再消脂」的感言,向外界宣佈不會再減肥,決定忠於自己的欣宜在2015年推出第二支派台歌曲《你瘦夠了嗎?》,該曲被稱為鄭欣宜「從減肥至重新增肥」的寫照。

鄭欣宜演唱會 許廷鏗
(圖片來源:Sunday扮嘢王@TVB截圖)
鄭欣宜演唱會 許廷鏗 為了保持神似,欣宜全程不發一言
為了保持神似,欣宜全程不發一言(圖片來源:Sunday扮嘢王@TVB截圖)
鄭欣宜演唱會 許廷鏗
(圖片來源:Sunday扮嘢王@TVB截圖)
鄭欣宜演唱會 許廷鏗
(圖片來源:Sunday扮嘢王@TVB截圖)
鄭欣宜演唱會 許廷鏗
(圖片來源:Sunday扮嘢王@TVB截圖)
鄭欣宜演唱會 許廷鏗
(圖片來源:Sunday扮嘢王@TVB截圖)

21歲喪母獨立自強音樂成積屢見突破

欣宜闖歌壇多年,繼年前的〈女神〉得到好成績,最近又有了突破性的成果,發表的新歌〈先哭為敬〉極受歡迎,除成為各家電台、音樂榜的冠軍歌曲,2月發表的〈@princejoyce〉也登上五台冠軍歌,打破紀錄成為一年內有兩首歌贏得五台冠軍的歌手,成績有目共睹。其實欣宜努力多時,她21歲時,肥姐不敵肝癌離世,短短一個月,外婆亦相繼過世,絕對是欣宜最難過的一年,人不在,但愛和親情永長存。

鄭欣宜演唱會 許廷鏗 欣宜除了歌唱事業,亦不時拍片希望吸廣告為自己帶來收入。
欣宜除了歌唱事業,亦不時拍片希望吸廣告為自己帶來收入。(圖片來源:欣宜ig)

欣宜向肥姐承諾「會爭氣」

年初肥姐離世13周年,欣宜留言指在13年前對媽咪肥姐許下承諾:「我會爭氣,我會乖,我會努力做一個有用嘅人。」回憶以前,欣宜在加拿大升學,肥姐在香港工作,「 仲記得讀上中學時…放學掛住玩。成日都唔做功課。讀書成績都算OK啦。都會有80幾分嘅。」不過維持不到一年,成績跌到不合格。

鄭欣宜演唱會 許廷鏗 欣宜自細體型肥胖,高中還在加拿大求學時,欣宜在纖體公司幫忙下成功搣甩肥膏,為入行作好準備。
欣宜自細體型肥胖,高中還在加拿大求學時,欣宜在纖體公司幫忙下成功搣甩肥膏,為入行作好準備。

欣宜回顧肥姐對考試肥佬不責罵

欣宜成績一落千丈,但肥姐沒有責罵她「 由細到大佢都俾好多自由空間畀我。從來喺讀書方面都好信任我會乖會鞭策自己。佢喺香港工作,我喺加拿大讀書。Grade 11 year 佢突然暫停了自己所有工作飛返嚟話要陪我…亦都就係呢一年我學業開始退步。 記得佢見到我啲分數時,佢冇打個、佢冇鬧我。我見到嘅反而係佢對自己嘅失望。好似喺到怪責自己點解唔攞多啲時間出嚟去鞭策自己個女讀書讀好啲。佢只係細細聲同我講咗一句『你要靠呢啲分數考大學㗎…』當時見到佢咁失望,我真係寧願佢鬧我、打我。」

鄭欣宜演唱會 許廷鏗 欣宜貼出合照懷念肥姐。
欣宜貼出合照懷念肥姐。

常見問題

許廷鏗為何讓欣宜喊爆?

欣宜紅館演唱會昨晚舉行尾場,許廷鏗擔任壓軸表演嘉賓,更大講二人之間的友情⋯⋯詳情請看

許廷鏗送了欣宜什麼禮物?

許廷鏗送上一張特別版黑膠唱片,更令到張敬軒在台下大嗌⋯⋯詳情請看

撰文:東方新地圖片來源:大會提供相片、許廷鏗IG、影片截圖資料或影片來源:YouTube@橫間道

你又點睇?

更多精選內容