鍾嘉欣揚言最後一次回港工作  靚媽留港拍劇掛住餅印女

鍾嘉欣揚言最後一次回港工作 靚媽留港拍劇掛住餅印女

靚媽鍾嘉欣近日正留港拍攝無綫新劇《兒科醫生》,要同老公 Jeremy及仔女Kelly、Jared分隔兩地三個幾月,難免心掛掛,雖然仲要開工一個月左右,但嘉欣話已經準備好晒行李同機票,每日都倒數緊飛返去見仔女的日子!

撰文、圖片:東方新地

鍾嘉欣揚言最後一次回港工作下次將會是10年後

鍾嘉欣話太掛住一對仔女,所以當今次係最後一次回港工作,下次再返香港開工可能已經係十年之後!

鍾嘉欣日前抱住小童星一齊拍劇集《 兒科醫生 》主題曲〈好好珍惜自己〉MV,唔知囡囡 Kelly 見到會唔會呷醋呢?
鍾嘉欣日前抱住小童星一齊拍劇集《 兒科醫生 》主題曲〈好好珍惜自己〉MV,唔知囡囡 Kelly 見到會唔會呷醋呢?
日前她上載一對仔女的靚相到社交網一解相思,相中囡囡Kelly扮成《魔雪奇緣》中的公主Elsa,囝囝Jared就扮成小雪人Olaf。
日前她上載一對仔女的靚相到社交網一解相思,相中囡囡Kelly扮成《魔雪奇緣》中的公主Elsa,囝囝Jared就扮成小雪人Olaf。
除了分享一對仔女的靚相外,鍾嘉欣又分享了自己在酒店房內的床上照,相中穿著睡衣的她碌大眼望著一床劇本,樣子十分趣怪。
除了分享一對仔女的靚相外,鍾嘉欣又分享了自己在酒店房內的床上照,相中穿著睡衣的她碌大眼望著一床劇本,樣子十分趣怪。
兩歲囝囝 Jared 眼大大又面尖尖,亦獲網民大讚Cute 爆。
兩歲囝囝 Jared 眼大大又面尖尖,亦獲網民大讚Cute 爆。
網友都大讚四歲的Kelly愈大愈靚女,同靚媽嘉欣十足餅印一樣。
網友都大讚四歲的Kelly愈大愈靚女,同靚媽嘉欣十足餅印一樣。

鍾嘉欣為百萬冒險返港拍劇

身為兩個小朋友媽咪的鍾嘉欣,對上一次在港拍無綫劇集,已經是15年的《巨輪 II 》,婚後移居加拿大相夫教子女,嘉欣只曾在18年客串劇集《再創世紀》,當時全部戲份都在加國拍攝,相對今次獨自返港拍劇幾個月,難免思鄉。據知今次劇中多位主角鍾嘉欣、鄭嘉穎、羅仲謙,酬勞亦相當之高,知情人士透露:「上次拍《再創世紀》,嘉欣酬勞已經好高,今次要返香港拍幾個月,酬勞更加高到三百萬,呢個價係佢以前拍劇嘅幾倍,而且今次可以同嘉穎同馬明合作,呢個卡士好吸引,先至打動到佢!不過嘉欣最大考慮係一對仔女始終仲細,考慮咗一排同老公商量好,本來計劃好晒,自己先返香港一個月,8月再安排老公同一對仔女嚟香港陪佢,當做一齊喺香港放大假!」

日前已剪短髮方便打理的嘉欣收工手上還攞住劇本,新劇演兒科醫生的她,據知劇本有唔少專業名詞,令她要花更多時間熟背台詞。
日前已剪短髮方便打理的嘉欣收工手上還攞住劇本,新劇演兒科醫生的她,據知劇本有唔少專業名詞,令她要花更多時間熟背台詞。

鍾嘉欣為百萬片酬冒險返港拍劇 掛念仔女匿埋喊趕交人下「限拍令」

慳妹鍾嘉欣,今次返港未有租住酒店,反而繼續住番之前的將軍澳寓所,當日收工孭住背囊的她,亦未有聘請助手照顧和協助。
慳妹鍾嘉欣,今次返港未有租住酒店,反而繼續住番之前的將軍澳寓所,當日收工孭住背囊的她,亦未有聘請助手照顧和協助。
久未拍劇的嘉欣,為應付演出,落車時仲攞住劇本睇。
久未拍劇的嘉欣,為應付演出,落車時仲攞住劇本睇。

疫情反彈被迫停工 掛念仔女偷偷匿埋喊

但世事未能盡如人意,嘉欣六月底啟程返港做準備,家居隔離14日後,定好7月中出關拍劇,卻因新冠肺炎疫情突然反彈,當時每日肺炎確診數字破百,疫情高危下劇組被迫停工,嘉欣亦只好留家繼續等。據知情者透露:「返咗嚟成個月都未開到工,同仔女分隔咁耐每日只係靠 FaceTime,又怕延遲咗有排都返唔到加拿大,嘉欣情緒好大起伏,成日掛住一對仔女,有時諗諗吓會唔開心匿埋喊,佢想盡快拍完返屋企,見確診數字回落咗啲,已經催劇組快啲開工,仲聲明務必11月要拍晒佢啲戲份,佢要趕返加拿大見仔女。」

鍾嘉欣6月24日已經返港準備投入拍攝
鍾嘉欣6月24日已經返港準備投入拍攝
到港先要留家14日自我隔離,當時她在IG上載隔離檢測手帶心情輕鬆。
到港先要留家14日自我隔離,當時她在IG上載隔離檢測手帶心情輕鬆。
為解相思之苦,嘉欣要對住仔女相片讀劇本。
為解相思之苦,嘉欣要對住仔女相片讀劇本。
返港拍新劇的嘉欣原本 plan好8月安排一對仔女來港相陪,可惜疫情反彈,令計劃告吹
返港拍新劇的嘉欣原本 plan好8月安排一對仔女來港相陪,可惜疫情反彈,令計劃告吹
現時只能每日同仔女 FaceTime,她更坦言辛苦晒老公!
現時只能每日同仔女 FaceTime,她更坦言辛苦晒老公!
除了忙於拍劇,嘉欣早前亦與方力申上阿姐主持的《娛樂大家》。
除了忙於拍劇,嘉欣早前亦與方力申上阿姐主持的《娛樂大家》。
早前接受訪問,鍾嘉欣坦言因為掛住加拿大一對仔女,因而情緒低落,試過與劇中演員圍讀時突然失落爆喊,嚇倒在場的馬明、周家怡及一班新演員。不過,呢日嘉欣開工,心情似乎相當靚!
早前接受訪問,鍾嘉欣坦言因為掛住加拿大一對仔女,因而情緒低落,試過與劇中演員圍讀時突然失落爆喊,嚇倒在場的馬明、周家怡及一班新演員。不過,呢日嘉欣開工,心情似乎相當靚!

更多精選內容