陳奕迅 紅館

陳奕迅演唱會|現場直擊7大重點 相隔9年再開紅館騷 打頭陣唱呢首歌!

娛樂

廣告

Eason陳奕迅一連25場的《FEAR AND DREAMS演唱會》今晚(9日)於紅館開鑼,對上一次在紅館開騷已經是2013年連的《EASON’s LIFE演唱會》,樂迷等了9年,在開騷前已經引起了連場搶飛潮,今晚在紅館的場內外氣氛亦十分高昂,大批粉絲一早到場排隊買紀念品,不少圈內的粉絲包括有徐濠縈母女、馮德倫舒淇兩夫妻、甘比母女、馮允謙、林奕匡等人捧場亦有現身頭場騷捧場。

陳奕迅 紅館 陳奕迅 陳奕迅一連25場的《FEAR AND DREAMS演唱會》今晚9日)於紅館開鑼
陳奕迅一連25場的《FEAR AND DREAMS演唱會》今晚(9日)於紅館開鑼(圖片來源:東方新地)

重點1) 紀念品T恤、帆布Tote Bag最搶手

大會於場外設有紀念品專賣區,開騷前見現場約有80人排隊,大會安排歌迷並沒有特別安排手機下單,所以打算買紀念品的歌迷們,都要預留額外時間排隊。

紀念品包括由日本著名插畫家操刀的T恤、紀念版長袖衛衣、日本製造的背包、帆布Tote Bag、香薰蠟燭、貼紙、襟章等,售價由港幣$30至$4,100不等。最多歌迷買T恤和帆布Tote Bag,亦有不少操國語的歌迷上前買正版碟。

陳奕迅 紅館 陳奕迅 首場開騷前見現場約有80人排隊!
首場開騷前見現場約有80人排隊!(圖片來源:東方新地)
陳奕迅 紅館 陳奕迅 此次演唱會並沒有安排手機下單,都係排到先落單!
此次演唱會並沒有安排手機下單,都係排到先落單!(圖片來源:東方新地)
陳奕迅 紅館 陳奕迅 Eason演唱會的紀念品中,最平的貼紙只要$30就買到,最貴的背囊則要價$4,100。
Eason演唱會的紀念品中,最平的貼紙只要$30就買到,最貴的背囊則要價$4,100。(圖片來源:官方提供)
陳奕迅 紅館 陳奕迅 可加購的Tote Bag,上面印有Eason親手寫的字句。
可加購的Tote Bag,上面印有Eason親手寫的字句。(圖片來源:官方提供)

重點2) 徐濠縈母女坐鎮 + 甘比與女兒睇騷 四大天王都送上花籃 黎明爆金句

睽遺9年的首場紅館騷,當然吸引不少城中名人前來捧場,除有「臣嫂」徐濠縈母女坐鎮,還有甘比母女、馮德倫舒淇兩夫妻、馮允謙和林奕匡等捧場!

送花籃的包括成龍加房祖明、向華強、丁子高與楊千嬅、吳君如加陳可辛、任賢齊、劉德華、張學友、黎明、郭富城與小美、林嘉欣、林家棟、李克勤與盧淑儀、謝霆鋒、容祖兒、張敬軒、泳兒、陳曉東、王祖藍等。眾星的花籃都寫「Good Show」,唯獨黎明寫:「 一切順利 Good Luck…」果然是金句王。

陳奕迅 紅館 陳奕迅 金髮徐濠縈與女兒一起捧場!
金髮徐濠縈與女兒一起捧場!(圖片來源:東方新地)
陳奕迅 紅館 陳奕迅 連四大天王都俾面送花
連四大天王都俾面送花(圖片來源:東方新地)
陳奕迅 紅館 陳奕迅 張敬軒亦有送上花圈慶祝!
張敬軒亦有送上花圈慶祝!(圖片來源:東方新地)
陳奕迅 紅館 陳奕迅 當然唔少得好兄弟謝霆鋒
當然唔少得好兄弟謝霆鋒(圖片來源:東方新地)
陳奕迅 紅館 四大天王都有送上花牌,大家都講Good Show,Leon 就送上一句「一切順利 Good Luck⋯」
四大天王都有送上花牌,大家都講Good Show,Leon 就送上一句「一切順利 Good Luck⋯」(圖片來源:東方新地)

重點3)三面台設計建下紅館史上最巨電子屏幕

對上在紅館開騷的鄭伊健採用3面台的設計,今次陳奕迅亦繼續源用3面台的設計,自從MIRROR演唱會意外後,紅館舞台機關設計更為嚴謹,一切安全至上。陳奕迅今次於場館之中,建下紅館史上最巨電子屏幕,橫71米高14.5米,屏幕由紅館頂一直伸延到台面,及兩邊山頂,帶給入場觀眾視覺上的巨大震憾,同步也展現了不吊大形物體,單是視象畫面與歌聲,也足夠令歌迷嘆為觀止。

陳奕迅 紅館 陳奕迅
(圖片來源:東方新地)

重點4)陳奕迅太空衣上陣 打頭陣唱出《2001太空漫遊》!

頭場演唱會於晚上8點35分開場,演唱會以陳奕迅睡於床上發噩夢的影像作序幕,點題Fear and Dreams。陳奕迅身穿太空衣上台,打頭陣唱出《2001太空漫遊》、《人神鬥》、《當這地球沒有花》三首大熱歌曲為演唱會揭開序幕。

陳奕迅 紅館 陳奕迅 Eason身穿太空衣大唱《2001太空漫遊》,更有10數個太空人舞者伴舞!
Eason身穿太空衣大唱《2001太空漫遊》,更有10數個太空人舞者伴舞!(圖片來源:東方新地)
陳奕迅 紅館 陳奕迅 Eason身穿太空衣大唱《2001太空漫遊》
Eason身穿太空衣大唱《2001太空漫遊》、《人神鬥》!(圖片來源:東方新地)

重點5) 首場心情極好 向老婆愛女派心

首場心情極好的陳奕迅,喺唱到《任我行》嘅時候,突然向觀眾拍心心,一開頭係向住太太徐濠縈和愛女陳康堤方向派心,之後再向全場派!唱到尾聲又特登擺Pose俾粉絲影相,仲話:「好想錫曬你哋呀!」

陳奕迅 紅館 舒淇與馮德倫、徐濠縈與康堤都係首場觀眾。
舒淇與馮德倫、徐濠縈與康堤都係首場觀眾。(圖片來源:東方新地)
陳奕迅 紅館 陳奕迅 Eason突然向觀眾拍心心!
Eason突然向觀眾拍心心!(圖片來源:東方新地)

重點6) 剖白內心世界 怕自己「瞓咗唔識醒」

出名「吹神」的陳奕迅,今次演唱會為了讓自己能夠集中唱好每一首歌,所以都忍口忍到最後一首歌先開始一連串講足8分鐘。陳奕迅感性地感激在場每一位歌迷:「我都唔係好習慣講啲好Heavy嘅嘢,其實我係最開心可以花時間同大家一齊。年紀大咗就好容易喊添。其實我以前一路都keep住做,冇停過,所以就冇乜時間去思考。呢個Show等咗三年,等嘅時候又唔知下次幾時,諗嚟諗去就越驚,我咩都唔想做,我只係想做個show。」

陳奕迅 紅館 陳奕迅 忍足全場唔講嘢嘅Eason,到最後一連講咗8分幾鐘,感性表示自己都驚過死,驚瞓咗唔識醒。
忍足全場唔講嘢嘅Eason,到最後一連講咗8分幾鐘,感性表示自己都驚過死,驚瞓咗唔識醒。(圖片來源:東方新地)

提及疫情期間的忐忑,Eason甚至說,試過「驚瞓咗唔識醒」 :

「我甚至驚到一個地步係瞓覺之前,係驚第二日起唔到身,係到諗如果真係起唔到身咁點算呢,我有咩要交代呢,我電話password洗唔洗話俾邊個聽呢,我銀行啲錢點算呢,要捐咗佢阿定點呢?我冇乜錢㗎咋!唯一一個辦法我諗到,就係唔諗,因為好多嘢我啲都控制唔到,我都只係唱歌就得。」

重點7) 演唱會理念 呼籲「活在當下」

陳奕迅今次演唱會全場貫徹著一個大理念,就是希望觀眾聽演唱會作樂之外,可以從演唱會中思考自己可以為世界做些什麼;人又應如何擁抱恐懼和夢想?過去已過去,未來仍未來,只有「當下」才是最重要。

陳奕迅 紅館 陳奕迅
(圖片來源:東方新地)

重點 7)時隔9年再登紅館 完整歌單曝光!

現年48歲的陳奕迅,時隔9年的演唱會,一啲都冇兒戲了事。除了演唱會每一部分都好有故事,好有連貫性之外,陳奕迅更落力唱足39首,再Encore《遊離份子》。雖然一開始聲沙沙未開聲,但越唱越勇,唱足40首、總共換咗5套衫先散場,一班歌迷都非常滿足,表示值得等9年!

陳奕迅 紅館 陳奕迅 時隔9年開騷嘅Eason,非常落力,唱足40首歌!
時隔9年開騷嘅Eason,非常落力,唱足40首歌!(圖片來源:東方新地)
陳奕迅 紅館 陳奕迅 衫都換左5次!
衫都換左5次!(圖片來源:東方新地)
陳奕迅 紅館 陳奕迅
(圖片來源:東方新地)

重點 8)有乜蝦碌位?

每次演唱會或演出都一定會甩嘴的陳奕迅,今次個場首場狀態大勇,上半場都沒有出現甩嘴、忘詞嘅情況。直到唱到最尾三首《致明日的舞》、《七百年後》同《我們萬歲》先開始甩嘴。但Eason都好識做,甩嘴之後都會擺pose俾粉絲影相,補番數!

陳奕迅 紅館 陳奕迅 又跳又唱,非常落力!
又跳又唱,非常落力!(圖片來源:東方新地)

演唱會歌單 歌迷溫定書

時隔9年開騷的Eason,準備了一連串的經典金曲!我們整理了Eason今次演唱會的歌單,一眾歌迷可以在看演唱會前溫定書!

1. 2001太空漫遊
2.人神鬥
3.當這地球沒有花
4.謊言
5.時代巨輪
6.想聽
7.黑洞
8.龍舌蘭
9.異夢
10.如果這一秒鐘你跟我講你不愛我
11.黑夜不再來
12.開心不了
13.告別婆娑
14.完
15.今日+垃圾
16.夢的可能
17.一個靈魂的獨白
18.任我行
19.人生馬拉松
20.請相信我
21. 四季
22.與我常在
23.忘記歌詞
24.Life Go On

25.大人
26.致明日的舞
27.七百年後
28.幸福摩天輪
29.我們萬歲
30. Party Medley : 閃、滑鐵盧車站、美麗有罪、隨意門、第五個現代化、放、笑死朕、打得火熱、重口味。

31. Encore《遊離份子》

陳奕迅 紅館 陳奕迅 全場坐無虛席!
全場坐無虛席!(圖片來源:東方新地)

常見問題

將來還有什麼演唱會值得留意?

有不少歌手宣布舉辦演唱會,例如:五月天BLACKPINK澳門站(2月4日預購)、林敏驄周興哲(1月28日公開發售)、周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZY(2月1日優先購票)和NCT DREAM亦在香港開演唱會!Sundaykiss為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

如何得知不同生肖在2023兔年感情、財運、事業、健康方面運程?有什麼生肖犯太歲及如何化解?

想知道12生肖於兔年運程如何?希望兔年在感情、財運、健康及事業方面更得心應手?Sundaykiss已為你準備好12生肖兔年運程,讓大家在兔年行個好運!犯太歲的朋友亦不用太擔心,有5大犯太歲生肖要留意小心多變化、多小人及易受傷,特別有2個月份要留意,Sundaykiss 為大家整合兔年5大犯太歲生肖化解方法

撰文:東方新地圖片來源:東方新地

你又點睇?