陳豪專業精神可嘉 全晚坐冷板凳 台慶繼續戴罩避疫宣萱讚穩陣

陳豪專業精神可嘉 全晚坐冷板凳 台慶繼續戴罩避疫宣萱讚穩陣

早前無綫台慶夜超過二百藝員出席,大堆頭集會個個盛裝示人,攞正牌唔戴罩,見面時口水互噴防疫意識甚低,當晚陳豪見勢色唔對,大合照後迅速戴罩,被指過於驚青,事後有份出席的蕭正楠因工作曾接觸新冠狀病毒的確診者,要接受強制檢疫,而所有出席台慶的藝員亦要接受測試;經此一役到昨晚的台慶頒獎典禮,雖然人數冇台慶夜多人,但仍屬人群聚集高危點,全晚有提名冇得獎的陳豪鏡頭後防疫意識極高,僅出鏡前一刻除罩,網民大讚他夠細心保護家人至上!

撰文、圖片:東方新地

昨晚頒獎禮盛事,全晚有提名冇獎拎的陳豪,盛裝與拍檔李佳芯走紅地氊出場,李佳芯戴上透明口罩,而陳豪則用上Level3口罩作自我保護。
昨晚頒獎禮盛事,全晚有提名冇獎拎的陳豪,盛裝與拍檔李佳芯走紅地氊出場,李佳芯戴上透明口罩,而陳豪則用上Level3口罩作自我保護。
直至走到記者群前一刻,陳豪才除口罩。
直至走到記者群前一刻,陳豪才除口罩。

陳豪眾人皆醉佢獨醒

去年11月19日的台慶夜有205名無綫藝員出席,難得聚首一堂,不少藝員都放下戒備脫罩埋身接觸,社交距離等於零,全台大合照時,藝員圍埋自拍好興奮,卻出現了得陳豪一支公戴上口罩的有趣場面,而昨天的台慶頒獎禮陳豪繼續堅持己見,防疫大過天,除了走紅地氊及台上頒獎時的僅僅數分鐘除罩,其餘時間均罩不離口,務求安全至上。

後台訪問當然不忘戴上,絕對是藝人防疫典範。
後台訪問當然不忘戴上,絕對是藝人防疫典範。
與半百藝人在台上現身,陳豪為安全計不除罩。
與半百藝人在台上現身,陳豪為安全計不除罩。
直至與宣萱頒發「最受歡迎電視女角色」,先在鏡頭前除一陣咁多。
直至與宣萱頒發「最受歡迎電視女角色」,先在鏡頭前除一陣咁多。

陳豪有先見之明

其實全台藝員得陳豪一個有先見之明,最有警覺性,去年11月19日的台慶夜,陳豪亦是「一人獨戴」,當晚熱鬧過後,無綫即發出內部通告指,蕭正楠於11月18日為MyTV SUPER在某食肆拍攝飲食節目,其後該食肆一名職員被確診,蕭正楠亦因此被列為緊密接觸者,並於11月24日被安排接受強制檢疫,鑒於蕭正楠有參加台慶節目,為謹慎起見,所有當日有出席台慶的藝員亦要接受測試,結果全屬陰性。陳豪眾人皆醉佢獨醒,抗旨戴罩不是為了自己,是背負住一家五口的健康,自今年初疫情開始肆虐,陳豪一秒都冇鬆懈過,除了埋位拍劇或拍照一定要見樣,其餘時間他堅持罩不離口,並刻意與人保持社交距離,生人勿近一樣。

11月19日無綫台慶夜,型爸陳豪以深藍色西裝現身,來年孭住三套大劇出街包括《愛美麗狂想曲》、《白色強人 I I》及《陀槍師姐2021》的他,是當晚搶fo小生之一。
11月19日無綫台慶夜,型爸陳豪以深藍色西裝現身,今年孭住三套大劇出街包括《愛美麗狂想曲》、《白色強人 I I》及《陀槍師姐2021》的他,是當晚搶fo小生之一。
全台超過二百位藝員大晒冷影大合照後,站在中排的《愛・回家》演員起哄玩自拍,個個堆埋一齊好親密,站在最前排的陳豪即時戴返口罩被指心慌慌,真的好大對比。
全台超過二百位藝員大晒冷影大合照後,站在中排的《愛・回家》演員起哄玩自拍,個個堆埋一齊好親密,站在最前排的陳豪即時戴返口罩被指心慌慌,真的好大對比。
陳豪聯同陳煒、朱晨麗與黎耀祥一齊在後台接受新聞娛樂台主播訪問,只有他一人堅持戴住口罩犧牲見樣。
陳豪聯同陳煒、朱晨麗與黎耀祥一齊在後台接受新聞娛樂台主播訪問,只有他一人堅持戴住口罩犧牲見樣。

抗旨戴罩避過一劫

據知台慶當晚全台藝員收到指引可以唔戴罩出鏡,大家都掉以輕心,而陳豪的舉動可以反映他的個人防疫意識比常人高,知情者透露:「一年一度台慶夜喎!今年仲算係多猛人參與嘅一年,大家難得聚頭真係放鬆晒,只有阿Mo(陳豪)憂心忡忡,佢睇見現場個個黐埋一堆自拍,已經皺晒眉,有人邀請佢合照,佢都好有禮貌耍手,平時好nice嘅阿Mo堅守自己嘅原則,大家都唔覺得奇,亦唔會怪佢唔合群,因為呢大半年嚟佢返工拍劇都好小心,盡量避免同人太親密,未埋位都保持距離,唔會約埋食飯,盡量戴口罩同勤用消毒液洗手。」當晚局部戴罩的陳豪,中招風險當然比其他藝員低,不過他亦好合作進行測試。

近年陳豪發展自家咖啡生意做得有聲有色,可惜受疫情影響生意難撈,陳豪為防疫已停做生招牌,不過公司仍在運作亦表明不會裁員,希望待疫情後再努力。
近年陳豪發展自家咖啡生意做得有聲有色,可惜受疫情影響生意難撈,陳豪為防疫已停做生招牌,不過公司仍在運作亦表明不會裁員,希望待疫情後再努力。

甜品店疫市開分店咖啡店拒裁員

受到疫情影響,社會各行各業經濟下滑,但陳豪與金牌監製戚其義有份投資的甜品店,疫市中仍可於銅鑼灣開第二間分店,日前陳豪現身剪綵時,對於台慶夜超過二百位藝員參與卻全部沒戴口罩合照,陳豪被指第一時間戴回口罩,他說:「雖然確診數字低亦唔代表可以鬆懈,大家都要小心防範,因為可能呢個狀況以後都係咁,所以要改變想法,亦要喺經濟上諗諗如何重新建立過,唔好數字低就鬆懈。」談到近日確診數字回升,令人擔心爆發第四波疫情?陳豪坦言:「我係有啲擔心安全問題,亦明白台慶上大家怕整花個妝,我自己寧願犧牲少少個樣,否則中咗就會連鎖性爆發,真係唔好掉以輕心!」

陳豪與金牌監製戚其義投資的甜品店,疫市於銅鑼灣開分店,日前開張陳豪只在影相時才除下口罩,示範整刨冰與接受訪問都戴住罩
陳豪與金牌監製戚其義投資的甜品店,疫市於銅鑼灣開分店,早前開張陳豪只在影相時才除下口罩,示範整刨冰與接受訪問都戴住罩
陳豪坦言寧願犧牲少少樣貌來換取全家安全。
陳豪坦言寧願犧牲少少樣貌來換取全家安全。

陳豪其實最怕就是一個累全家,身為廿四孝老公兼爸爸的他把家庭放在第一位,為免染病惹返屋企,寧願自己做足防疫措施,早前他與宣萱合作拍《陀槍師姐2021》,宣萱公開大爆陳豪返工如臨大敵:「陳豪真係好謹慎,未埋位佢一定戴住口罩,最後一秒先會除罩!」除了拍劇高度防疫,陳豪以往不時為其自家咖啡品牌「Blooms Coffee」開的pop up store及K11 Musea店做生招牌,近月他已停止露面做宣傳,避免聚集人流,生意額雖然有影響,不過好老闆陳豪從無打算裁員,他表示希望與員工共度時艱。

強勢加入重頭劇《白色強人 II》的陳豪飾演急症室副顧問醫生,身為醫生就更加要注意防疫,所以當日眾人在台上影完大合照都戴上口罩發言。
強勢加入重頭劇《白色強人 II》的陳豪飾演急症室副顧問醫生,身為醫生就更加要注意防疫,所以當日眾人在台上影完大合照都戴上口罩發言。
早前與陳豪拍完《陀槍師姐2021》的宣萱,亦公開大爆陳豪防疫意識非常之高,唔埋位都唔會除口罩,最穩陣小生非佢莫屬。
早前與陳豪拍完《陀槍師姐2021》的宣萱,亦公開大爆陳豪防疫意識非常之高,唔埋位都唔會除口罩,最穩陣小生非佢莫屬。
早前趕拍《陀槍師姐2021》的陳豪,曾在口罩內攝多層紙巾作雙重保護,實際效用真的要問番佢本人,據知每拍完一個鏡頭,他都緊張戴回口罩,又不停用搓手液搓手相當緊張,慎防有機會把病菌帶返屋企。
早前趕拍《陀槍師姐2021》的陳豪,曾在口罩內攝多層紙巾作雙重保護,實際效用真的要問番佢本人,據知每拍完一個鏡頭,他都緊張戴回口罩,又不停用搓手液搓手相當緊張,慎防有機會把病菌帶返屋企。

你又點睇?

更多精選內容