陳豪虛擬情人

神級視帝降臨突然客串拯救《虛擬情人》！《白色強人II》暖男醫生更勝Adam

May 1 2025

廣告

TVB新劇《虛擬情人》播出到第4集，AI情人Adam（朱敏瀚）走到現實世界，遇上暴飲暴食肥妹試圖以說教拯救對方，想不到陳豪以《白色強人II》入面李文信醫生身份客串劇集，為觀眾帶來驚喜！

陳豪繼馬國明之後客串劇集暖男角色拯救《虛擬情人》

繼早前馬國明在《奪命提示》有馬國明客串演出終極波士「Julie 2.0」，今次另一視帝忽然露面支持新劇！喺一幕講述女網民為Adam而暴飲暴食入院時，身穿白色醫生袍嘅陳豪，就以劇集《白色強人II》入面李文信醫生身份驚喜現身！阿Mo都好期待自己喺劇入面發揮到嘅作用。

陳豪虛擬情人陳豪忽然出現，觀眾都好驚喜！（圖片來源：TVB） — 陳豪忽然出現，觀眾都好驚喜！（圖片來源：TVB）

陳豪虛擬情人視帝一出手，好多觀眾表示當堂「醒一醒」！（圖片來源：TVB） — 視帝一出手，好多觀眾表示當堂「醒一醒」！（圖片來源：TVB）

陳豪虛擬情人鬧醒病人，又借個膊頭畀對方，暖男醫生比AI Adam更有用！（圖片來源：TVB） — 鬧醒病人，又借個膊頭畀對方，暖男醫生比AI Adam更有用！（圖片來源：TVB）

陳豪虛擬情人呢一幕Adam未能發揮作用。（圖片來源：TVB） — 呢一幕Adam未能發揮作用。（圖片來源：TVB）

何晉樂客串演街頭歌手

除咗陳豪驚喜現身，何晉樂喺第2集亦以街頭歌手身份獻唱，穿插喺兩位主角同一個時空出現嘅畫面。入行前曾經作Busking演出嘅阿Rock，拍攝當日都話勾起好多Busking回憶，佢話當一個人拎住支結他作近距離演出，係一種好舒服嘅感覺。朱敏瀚同王敏奕首度合作，仲要飾演情侶，而Venus就發現兩人有樣性格出奇地夾，就係兩人笑點一樣，當聽到同一句說話時，大家都會被同一個位引致發笑。

本人已詳閱並同意遵守本文列明條款及細則。請瀏覽(nmg.com.hk/privacy) 閱讀本公司的私隱政策聲明。本人願意接收新傳媒集團的最新消息及其他宣傳資訊，本人同意新傳媒集團使用本人的個人資料於任何推廣用途。

關鍵詞

陳豪虛擬情人白色強人男醫

圖片來源：TVB