重溫戴祖儀丁子朗錫到忘我伸脷、激情親熱剝衫！由門口咀到去梳化

戴祖儀露波邊搶眼球 與丁子朗激咀戲挑戰電視尺度

《青春不要臉》上周戴祖儀飾演的溫楚瑜同丁子朗飾的齊輕舟分手，其後與電視台一線小生Bowie拍拖，卻因一場接吻戲，沒有跟Bowie備案而激嬲對方，同時令溫楚瑜意識到其實心裡只有舟仔，拍過吻戲後向舟仔示愛：「嗰個人唔係你真係唔得」，並激發一直未忘情的舟仔許下承諾：「如果有一日，你做咗女主角，我做咗男主角，不如一齊番吖！」

青春不要臉｜戴祖儀丁子朗由門口錫到入客廳再跌落梳化

結果鏡頭一轉，溫楚瑜及齊輕舟即接到電話齊齊升呢主角，壓抑了多時的感情頓時變得一發不可收拾，舟仔甫衝入小瑜家二人即埋身肉搏，不但寬衣解帶，小瑜更跳上舟仔身，二人轉住由門口錫到入客廳、再跌落梳化，之後更甜笑對望，既激情又溫馨，據知丁子朗更因太投入，撞到戴祖儀嘴都爆埋。

丁子朗忘我伸脷：自己睇番都有啲尷尬﹗

呢場「舟瑜戀」重頭激情戲，丁子朗都喺電視機前欣賞自己演出，談及錫到伸晒脷，丁子朗就答：「首先我想多謝戴祖儀，佢畀咗好多信任，所以先出嚟效果咁正，好難得拍戲遇到咁好嘅對手。我同親朋戚友一齊睇呢場戲都真係有啲尷尬，係幾特別嘅體驗。」丁子朗透露二人埋位前有足夠「準備功夫」及「訓練」：「我哋食晒香口膠，加上我哋之前都好多親密戲，叫做有Warm Up，所以拍呢場戲都幾順利。」

戴祖儀：過程順利只拍咗兩三個take

戴祖儀笑言劇中所有「動作場面」，均出自監製及導演林肯「手筆」，戴祖儀話：「我哋兩個都唔係好識點為之激，場口嘅動作指導其實係監製，佢叫我要擒上去丁子朗度同埋轉身，咁我哋就自己慢慢試。個拍攝過程都算順利，拍咗兩三take左右。」問到林肯為何「舟瑜戀」要去到咁激，他則笑謂：「佢哋分開咗好耐又約好紅咗要喺番埋一齊嘛，咁依家咁難得實現咗想紅嘅夢想，加上年輕嘅激情，有好激烈嘅親熱戲都合埋嘅。我自己鍾意跌落梳化場戲，佢哋對望嘅眼神好sweet，好有愛意。」

戴祖儀半裸演出被讚身材好

首度升呢女主角的戴祖儀（Joey）為新劇亦絕對是瞓身演出，除了為伍樂怡飾演的妍妹擔任露背替身外，與丁子朗的親熱場口亦相當纏綿震撼，不少網民留言大讚戴祖儀身型一流、胸部線條完美，兼且對其是否親身上陣作露背演出大感好奇。據知，戴祖儀昨晚的露背戲份確是親身演出，除了拍攝時做足防走光措施外，劇組事後更將穿崩的「防走光衣」部分以CG抹走。而原來丁丁與戴祖儀昨晚的親熱場口只是小兒科，在劇中將戲劇性經歷「三合三離」的二人，下周將會有挑戰眼球的床戲演出，期待指數爆燈。

戴祖儀晒正面解開半裸秘密

「玉女心經」片段引起熱議，戴祖儀事後在IG貼出正面相解開半裸秘密，她指當日自拍呢張相，只為作一個紀念，「係想記錄自己用好多張黐力100000+既牛皮封箱膠紙貼在身上5+小時，感受到皮膚開始死亡，以及準備撕下來的強烈痛感前拍下留念～」，戴祖儀強調有遮住重要部位「我並沒有全裸 上身啦！大家請放心，所有東西都黐得很好，很安全。」

即重溫戴祖儀丁子朗㷫烚烚場面：

不過似乎觀眾唔多Buy：