飛虎3壯志英雄｜河國榮未打疫苗趕歎「最後堂食」 計劃種菜稱對生活無影響

《飛虎3壯志英雄》河國榮演奸角

自從簽約邵氏後，河國榮暫時只參演過近日正於無綫翡翠台播出的邵氏劇《飛虎3壯志英雄》，在劇中飾演反派角色羅智勇是個幫犯罪組織開地下賬戶洗黑錢的金融集團主席，全劇都著得西裝骨骨。好多網民都話難得再見到河國榮現身TVB熒幕，其實早前他亦曾與王敏德、何慈茵等《飛虎3》拍檔，一齊上過TVB節目《思家大戰》做嘉賓。

河國榮未打疫苗：我揀自由

河國榮由澳洲來港發展至今已有近35年，近年來河國榮曾患上抑鬱症和胃酸倒流等病，2017年又患上基底細胞癌，其後又因心律不正先後做過兩次手術，又為照料患上骨癌的愛犬，欠下朋友加卡數逾80萬。早前他在社交網表示無打算接種新冠疫苗，當時他說：

「打針最終嘅後果不堪設想。我揀自由。我揀健康。二月尾後唔可以再享受堂食。that’s ok。依家享受多啲先。」

選擇外賣 計劃種菜

因此河國榮連日來都外出享受「最後堂食」，地點包括茶餐廳及酒樓等，日前他接受傳媒訪問，講到未打疫苗不能進入食肆、超市及商場等地方，他指現階段對他的生活並無太大影響，因為他可以買外賣及到士多購買生活所需物品，又呼籲大家要支持中小企業。他早前又在訪問中透露最近正計劃用花盆學種菜，打算種薯仔、蕃茄、生菜等，不過因為種子怕凍，所以要待天氣回暖後才可以開始種。

來港發展35年 有個恩愛香港太太

河國榮來自澳洲昆士蘭，早在1987年任職英文教師期間認識了現時的太太Bonnie，兩人拍拖才兩個月就結婚，至今仍然恩愛，雖沒計劃生兒育女，但決心在香港終老。

2019年簽入邵氏

來自澳洲昆士蘭的河國榮（Gregory Rivers）現年56歲，曾在TVB拍劇20年，至08年離巢，期間一直未能擔當主角，只與喬寶寶、布韋傑等一同被封為TVB「御用鬼佬」。近年河國榮除演出舞台劇、粵劇和接拍廣告外，又曾參演過《綠豆》、《詭探》、《Reboot》等ViuTV劇集，直到2019年他簽入邵氏。

即睇河國榮推無良心廣告：我一世冇發達！

仲有河國榮上《思家大戰》做嘉賓：