刑偵12｜袁偉豪神秘角色驚喜客串 11個月無劇拍直指高層無伸援手

袁偉豪客串聯動《反黑英雄》彩蛋

昨晚（26日）一集劇情主要圍繞丁洛風（林保怡飾）及張滿光（高鈞賢飾）兩大警司的角力，二人陣營因毒販三巨頭一案爭持不下，最後張滿光揦鮓手段奪得事件主導權…另邊廂，督察刑凱（張振朗飾）調查連環殺人案期間，因涉案人物-神秘網站少女李欣（戴祖儀飾）曾提及「新七宗罪」及「販毒」，加上其次人格阿賢（吳業坤飾）的提醒，遂聯想到連環殺手第一個要殺死的目標，可能比傅一鳴（丘梓謙飾）更早出現。結果在刑凱鍥而不捨調查下，竟發現與毒販三巨頭有合作關係的陳祖耀（袁偉豪飾），正正是「新七宗罪案件」的第一名被殺者，破案關鍵則是一種極罕見的蜈蚣品種…

由男一被貶成大奸角 再變「串星死屍」

翻查紀錄，其實在2021年的《刑偵日記》袁偉豪飾演的Dr. Wai是三大男主角之一，及至去年重頭劇《反黑英雄》被貶成「大奸角」陳祖耀，今次以客串形式「無預警」降臨《刑偵12》第6集、雖說是劇集開播以來最大驚喜，但也反映視帝演出機會愈來愈少！

「個天對你最大嘅懲罰，唔係要死，而係生不如死」

由於袁偉豪是次驚喜客串最初只以「照片形式」亮相，不少網民都覺得他未必會大費周章現真身；但當結尾情節袁偉豪坐著輪椅亮相，先是以自嘲般的冷笑向黑衣人張松枝及陳嘉輝說：「個天對你最大嘅懲罰，唔係要死，而係生不如死」，之後再眼泛淚光地向天怒吼：「我犯過嘅罪，死十次都唔夠，所以唔該你，要殺嘅話，將我碎屍萬段，死無全屍！」最終陳祖耀得償所願被殘酷地推落樓殺死兼肢解，袁偉豪亦將陳祖耀臨斷氣前的無力狀態演繹得淋漓盡致，「生無可戀」的眼神配以頹喪不受控的肢體擺位，均令人留下深刻印象；加上由於角色癱掉，袁偉豪全程只能以眼神交戲，演技因而再度獲得肯定。

袁偉豪長髮回歸暗藏玄機？！

據知，袁偉豪驚喜客串《刑偵12》這個Gimmick，總監製鍾澍佳早於撰寫《刑偵12》劇本階段、亦即《反黑英雄》正式開拍前已構思好，除了是想增加其出品劇集的連貫性，也想帶出玩味及創意為觀眾帶來新鮮感。延續《反黑英雄》彩蛋中的情節，觀眾除得知了陳祖耀之所以無故被肢解，原來是其自己要求；而袁偉豪是次以「長髮Look」回歸客串亦是別有用心，就此巢導受訪時說：「因為個時空係喺陳祖耀被捕後嘅半年後發生，所以呢個髮型嘅長度係啱啱好。」

未解謎團：羈留犯人陳祖耀如何被帶走？

巢導續指「袁偉豪梗」還有一大迷思有待揭曉，他說：「就係大家一路睇落去，就會慢慢明白張松枝同陳嘉輝到底用咩方法，將羈留中嘅陳祖耀帶走同殺死。」巢導又特別感謝袁偉豪為了客串場口，百無禁忌兼不怕舟車勞頓：「好記得嗰日係農曆7月14日，袁偉豪唔單止百無禁忌，仲要特登搭三、四個鐘頭車（即來回車程約7小時左右），去呢間咁荒廢嘅地方度拍咗呢場戲，真係好感謝佢。」

袁偉豪自爆「被減產」頹爆回應： 「我條命係咁」

原來袁偉豪除了客串演出《刑偵12》手上已再無新的劇集作品！早前袁偉豪於資深電視劇製作人楊紹鴻YouTube節目《小鴻吹水站3》大談喺TVB出鏡率大幅減少嘅原因，直言：「公司嘅安排，冇辦法啦，我條命係咁樣。」袁偉豪表示因為TVB人事變動關係，自己要在公司重新去建立地位有難度：

「以前我好多嘢做，因為拼搏緊。去到一個位，公司想擺我去另一個位置，我有跟住做。但係當公司轉高層，轉格局，又冇咗搵我做嘢嗰班人，又重新去建立。」

袁偉豪近5年基本上維持一年一套或兩年一套劇集，被問到TVB有否提供幫忙，佢就表示「一直都冇」，亦都唔係呢一兩年嘅事，表示2018年、做完《鐵探》之後，基本上差唔多都係一年一套劇集，由《法證先鋒V》嗰陣開始就變成兩年一部，今次在《刑偵12》以客串形式演出，亦只是特別安排，2025年中節目巡禮的多齣劇集，都未見袁偉豪在其中有份演出。

網民期待吳業坤送驚喜

陳祖耀由《反黑》穿越到《刑偵12》，亦激發了網民的創作力量及幻想，由於張振朗在《反黑》中的角是叫徐國賢，適逢張振朗在劇中由吳業坤飾演的第二人格角色名字也叫阿賢，令網民揣測陳祖耀的死會否與「阿賢」有關，並期待《刑偵12》往後的劇情、將與《反黑》有更多的重疊與交錯。