43歲姚子羚解說單身之謎 慨嘆情路坎坷：可能我最終會離婚
43歲姚子羚坦言曾遇結婚對象：可能我最終會離婚
作為單身貴族，1980 年出生的姚子羚與近日熱話人物「何太」同齡，坦言對愛情仍然有憧憬，但不會強求，她說：「唔係要搵一個人結婚，而係要遇到一個適合你嘅人，我依家唔係去求職，對我嚟講婚姻係一生一世嘅事。」
Winki 問她曾否遇過想結婚的對象，Elaine 坦言有：「但依家回頭望番，嗰個人並唔係可以同我行落去嘅人，可能我最終會離婚，當你唔開心、迷惘嘅時候，往往呢啲人走出嚟嘅時候，通常都係錯嘅，因為你喺最迷失嘅時候，只要有個人行埋嚟，你就會覺得佢好好，經歷咗呢啲事你就 realize，啱就係啱，唔啱就係唔啱。」
姚子羚自爆讀書時試過異地戀
之後講到姊弟戀和異地戀等話題，Elaine 自爆讀書時試過異地戀：「嗰時喺澳洲讀書，男朋友係馬來西亞人，讀完書之後我返咗嚟香港，佢就返咗馬來西亞，最終就分開咗，雖然我嗰時係讀 communication，但我本身唔係好識 communicate。」
諾懿問 Elaine 能否接受與廿多歲的小鮮肉拍拖？Elaine 笑言：「廿幾歲，正吖！」之後再正色道：
我諗我未必得，雖然我 Keep 得幾好，我望落去都似廿幾歲之嘛，如果（相差）5 年之內就 OK。
姚子羚拍拖3年男友鄭子邦分手
姚子羚男友鄭子邦被傳媒稱為「的士邦」，皆因他坐擁過百部的士，更有逾億物業！姚子羚以前談及男友有甚麼吸引她時曾表示，「他是一個心地很好的男生，性格率直，喜歡幫人，有善心。」2018年，姚子羚跟鄭子邦的三年戀情告終，更被指分手原因與婚事有關。鄭子邦其後與歌手AGA（江海迦）去年已在紐西蘭秘婚。兩人亦在社交平台大方承認「我們訂婚了」。
逼得太緊 Patrick Cheong提出分手
姚子羚於2013年2月被記者拍到與任職投資銀行兼夜場老闆的Patrick Cheong秘密外遊，當時還有報導指子羚會與對方結婚。可惜，子羚對這段感情失去安全感，希望以一紙婚約留住男友，可惜逼得太緊令男友提出分手啊！
與黃宗澤一起夜蒲
姚子羚跟黃宗澤Bosco確實也傳過一陣緋聞。有報導指當時與胡杏兒結束8年情的Bosco處處留情，在2013年更被拍到他向姚子羚出手，跟子羚一起喜愛夜蒲之餘，更駕駛名車管接管送，看來關係並非一般。
