903籃球賽 譚旻萱

譚旻萱Mandy球場上奪目受關注 903籃球賽最靚女球員點解冇人追?

娛樂

廣告

近日商台重新舉辦《903 AllStar 籃球賽》,引起網民熱話,在賽事中除了一眾男星和歌手外,原來仲有一位籃球堅打得好的女將譚旻萱(Mandy),成為當日籃球賽上的遺珠,以球技大受一眾商台DJ好評,原來現實中的她在中學時曾經是籃球校隊的成員!

903籃球賽 譚旻萱 譚旻萱 Mandy現實中都係籃球健將!
Mandy現實中都係籃球健將!(圖片來源:[email protected]_xd)

譚旻萱Mandy:搏盡無悔!

曾經係籃球校隊女將的譚旻萱(Mandy),身高有177cm,身形仲高過不少男士,日前她作為「歌星勇士隊」一員落場參賽,翌日她在社交網發表感言說:「係噚日嘅球場上面,有唔識打波同識打波嘅人,但係個重點就係!大家都依然咁認真咁投入成個比賽。睇住兩隊無論邊個入波,我都覺得好型,喺個場側邊嗌到聲沙力竭!最後仲同張蔓姿張蔓莎 睇到眼濕濕。」

903籃球賽 譚旻萱 譚旻萱 11月15日生日的譚旻萱,近日剛踏入22歲。
11月15日生日的譚旻萱,近日剛踏入22歲。(圖片來源:[email protected]_xd)

譚旻萱Mandy剛踏入22歲 身高達177cm

譚旻萱續說:「我相信呢個就係籃球嘅吸引之處,我亦相信大家都感受到噚日嘅嗰份熱血,以前中學打波嘅時候好鍾意用呢四個字:『搏盡無悔』!喺噚日我再次感受到呢四個字嘅力量,多謝商同所有球員,特別係歌星勇士隊畀我享受咗一場咁熱血嘅籃球比賽。」

903籃球賽 譚旻萱 譚旻萱 網民都大讚Mandy在籃球場上的英姿十分帥氣有型。
網民都大讚Mandy在籃球場上的英姿十分帥氣有型。(圖片來源:[email protected]_xd)
903籃球賽 譚旻萱 譚旻萱 尚未落場時的Mandy,同一眾歌星勇士隊球員在場邊笑得勁開心。
尚未落場時的Mandy,同一眾歌星勇士隊球員在場邊笑得勁開心。(圖片來源:[email protected]_xd)
903籃球賽 譚旻萱 譚旻萱 盧覓雪、林海峰同阮子健在主持商台節目《在晴朗的一天出發》時,都有大讚Mandy嘅球技!
盧覓雪、林海峰同阮子健在主持商台節目《在晴朗的一天出發》時,都有大讚Mandy嘅球技!(圖片來源:[email protected]_xd)

《季前賽》譚旻萱Mandy做美少女街場隊長

在早前播出的ViuTV人氣劇《季前賽》中,有一集喪波邀請了一隊「美少女街場隊」與痴漢們比賽,而三位美少女當中的隊長,就係由譚旻萱飾演!

903籃球賽 譚旻萱 季前賽 美少女街場隊隊長係21歲「御用E女郎」譚旻萱,Mandy身高1米77, 在Edan兩個MV有演出!
美少女街場隊隊長係22歲「御用E女郎」譚旻萱,Mandy身高1米77, 同Edan有過兩個MV演出!(圖片來源:ViuTV提供《季前賽》劇照)
903籃球賽 譚旻萱 譚旻萱 季前賽 Stanley 不敵靚女!
連Stanley 不敵Mandy!(圖片來源:ViuTV提供《季前賽》劇照)

譚旻萱Mandy成「御用E女郎」 獲「爵屎」認證

譚旻萱(Mandy)曾兩次擔任Edan MV中的女主角,包括出道歌《E先生連環不幸事件》,以及與邱鋒澤合作的《一表人才》,仲要係Edan親自點名邀請,譚旻萱超高的顏值曾經引起不少話題,是Edan粉絲「爵屎」唯一認證的E女郎,更大讚:「E女郎同Edan好襯」、「呢對CP最得人鍾意」、「希望Edan下首歌可以同Mandy係happy ending」等,亦有網民指Edan「識揀」、「又自肥」、「以為Edan公開戀情」等等!

903籃球賽 譚旻萱 譚旻萱Mandy憑Edan呂爵安〈E先生〉MV爆紅 靚樣獲讚似香香
去年擔任《E先生連環不幸事件》MV女主角,曾令Mandy人氣急升。(圖片來源:[email protected]_xd)
903籃球賽 譚旻萱 譚旻萱 在MV中出現的甜蜜合照道具﹗
之後再拍《一表人才》MV,當中曾出現兩人的甜蜜合照道具!(圖片來源:[email protected]_xd)

譚旻萱Mandy入行成「寶礦力女郎」

Mandy在2019年加入模特兒公司STYLE,成為Angelababy(楊穎)及熊黛林師妹,之後拍過不少品牌廣告,包括專揀青春女星拍攝的「寶礦力」廣告,以及孖林德信演出的雪條廣告等。

903籃球賽 譚旻萱 譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy在2020年中獲揀中成為「寶礦力女郎」,她直言感覺係「夢想成真」。(圖片來源:[email protected]_xd)
903籃球賽 譚旻萱 寶礦力廣告女主角2020譚旻萱Mandy
譚旻萱Mandy是2020年的寶礦力代言人。(圖片來源:PocariSweatHongKong )

中三開始打籃球 曾被嘲似「坦克」

身高有1米77的Mandy自言是易肥體質,中學時代曾被同學嘲諷似「坦克」,Mandy自爆食量驚人,曾試過一人食兩碗譚仔。Mandy現實中也熱愛運動,中學時期曾是籃球隊的活躍成員。她透露自己由中三開始學打籃球,試過一個人在球場每個位置射足100球去練習球技,更會每日一放學就衝落去球場打足8個鐘。

903籃球賽 譚旻萱 季前賽 譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy中五時已被模特兒公司的經理人睇中。(圖片來源:[email protected]_xd)
903籃球賽 譚旻萱 譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy笑指媽咪試過半夜夢到阿女打回原形而嚇到喊,比佢自己更怕佢會翻脹。(圖片來源:[email protected]_xd)

譚旻萱Mandy 擁有俄羅斯血統

原來Mandy中五時已被模特兒公司的經理人睇中其IG相,大讚她五官好靚,所以透過IG私信聯絡Mandy,但由於Mandy父親反對,加上當時Mandy正在考公開試,其經理人用長達一年半時間說服了Mandy父親,直至Mandy中學畢業後才成功讓Mandy入行。有網民指Mandy似混血兒,Mandy答:「我係隔代混血,仲要係隔咗非常多代Mix俄羅斯、加拿大同香港。」

903籃球賽 譚旻萱 譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy透露自己有隔代俄羅斯、加拿大血統。(圖片來源:[email protected]_xd)

譚旻萱Mandy 放棄升學修讀演技班

Mandy為專注幕前工作,放棄繼續升學,並修讀演技班,做模特兒入行的她直言希望將來朝演員之路進發,她說:「我好享受揣摩角色嘅過程,同埋代入角色嘅感受。疫情前我啱啱開始上演戲班,但因為疫症中斷咗,依家會喺屋企睇唔同嘅戲種,觀察當中嘅細節,希望疫情穩定後可以上番演戲班,進修演技,希望以後可以成為一個可以用演技感染觀眾嘅演員。」

903籃球賽 譚旻萱 譚旻萱Mandy憑Edan呂爵安〈E先生〉MV爆紅 靚樣獲讚似香香
做模特兒入行的Mandy希望將來可以轉型做演員。(圖片來源:[email protected]_xd)

中學因太高無人追?!

Mandy曾透露在學期間一直無人追,原因是她生得太高,當時她問過身邊好多朋友,都話介意女朋友高過自己,不過她就表示不介意男友矮過自己,覺得搵男友最重要係感覺,就算對方幾靚仔都好,冇Feel就係冇Feel!不過Mandy現在似乎已經有男友,曾有網友問佢:「177(cm)咁高,會唔會好難識男朋友?」佢回答:「唔會喔,我現任都高過我!」

903籃球賽 譚旻萱 譚旻萱Mandy憑Edan呂爵安〈E先生〉MV爆紅 靚樣獲讚似香香
提到被指貌似香香(岑麗香)、韓星朴敏英,Mandy就話自己女神是陳法拉,更大讚這三位都有樣貌有內涵,係真女神,而自己就仲未夠班做女神。(圖片來源:[email protected]_xd)
903籃球賽 譚旻萱 譚旻萱Mandy憑Edan呂爵安〈E先生〉MV爆紅 靚樣獲讚似香香
身高177cm的Mandy擁有一對煞食長腿!(圖片來源:[email protected]_xd)
903籃球賽 譚旻萱 譚旻萱 入行後少有落場打籃球的Mandy,早前都有特別去街場練射籃,操Fit自己!
入行後少有落場打籃球的Mandy,早前都有特別去街場練射籃,操Fit自己!(圖片來源:[email protected]_xd)

常見問題

譚旻萱有什麼擇偶條件?

Mandy曾透露在學期間一直無人追,原因是她生得太高,覺得搵男友最重要係…詳情請看

《903 ALL Star 籃球賽》邊2個明星火藥味最濃?

2002年嘅籃球賽場上﹐當年有報道指陳冠希﹙當年22歲﹚睇死余文樂﹙當年21歲﹚不可以取代謝霆鋒之後﹐二人…即看:《903 ALL Star 籃球賽》經典重溫!周杰倫陳冠希否認聯手杯葛余文樂

撰文:東方新地圖片來源:[email protected]_xd、ViuTV提供《季前賽》劇照

你又點睇?