72歲馬海倫率TVB小花撐姜濤 李芷晴被發現事後急刪 IG story 疑有內情
李芷晴睇姜濤演唱會 被網民發現好快刪除咗IG限時動態
身為TVB藝人她們去支持對家ViuTV藝人已經是一個焦點，而有網民發現李芷晴昨晚在IG限時動態中有發布有去看姜濤演唱會的動態，但很快就刪除了！
網民熱議「方丈 嬲嬲豬」李芷晴派定心丸
網民在Facebook討論區開Post，寫道：「啱啱TVB李芷晴Del咗睇姜濤 演唱會嘅Story，方丈 嬲嬲豬，利申：同情」。不少網民也附和「TVB不嬲小氣」、「點解要del呢，咁驚就唔好睇喇嘛」、「反而用呢張相，啲人開始識佢」。至於馬海倫IG則沒有刪除3人的合照，馬海倫還很高興的寫道：
「昨晚開心咗成晚 感謝姜糖粉絲送好多姜糖相和紀念品」
網友擔心李芷晴會入雪櫃
亦有網民擔心TVB會否因睇一次姜濤演唱會就雪藏李芷晴，網民表示TVB很「小氣」，同時害怕以後在《愛回家》見唔到佢。
姜濤演唱會尾場壓軸圓夢！羅志祥做嘉賓台上派笑彈
MIRROR成員姜濤8月5日於亞博舉行一連4場個人演唱會《KEUNG TO “WAVES” IN MY SIGHT SOLO CONCERT》的尾場。前3場邀請到林海峰、謝安琪和張繼聰夫妻檔，以及湯令山等人擔任嘉賓，來到尾場終於圓夢，成功請到偶像小豬羅志祥做嘉賓，兩人齊齊又唱又跳，非常合拍。
姜濤終圓夢請羅志祥做尾場嘉賓
姜濤演唱會來到尾場，就終於請到偶像羅志祥做嘉賓。兩人齊齊又唱又跳，分別演出了《No Joke》、和《夠了》2首歌，而羅志祥就自己再獨唱一首《鬧翻天》。雖然羅志祥今年已經44歲，但依然寶刀未老，舞蹈動作跟歌唱都沒有馬虎。
羅志祥一出場大派笑彈：少吃點火鍋
兩人同台演出後，姜濤連聲感謝小豬擔任自己演唱會嘉賓，而羅志祥繼續發揮搞笑本色，叫姜濤少吃火鍋：「我看你的IG動態更焦慮，我看到你IG說『明天是最後一天了，可以吃火鍋了』，少吃一點會比較好。」羅志祥更笑指姜糖很愛錫姜濤：「你的粉絲很在乎你的心情、所有的一切，我還記得有一次你好像因為工作壓力太大，引起你心情不好，你的粉絲還私信我：『拜託關心一下濤濤啊』，我還回她『好的好的』。」羅志祥更笑指姜濤經常心情不好，但明白年紀輕輕的他有很多壓力，但幸好有姜糖們的支持。
羅志祥即場邀請姜濤做香港演唱會嘉賓
羅志祥即將在香港舉辦演唱會，在台上更即場邀請姜濤做嘉賓。聽到偶像邀請自己做嘉賓，姜濤即刻笑到見牙唔見眼：「一定要，一定會！你說的喔，有好多人看著喔。（因為他很忙，我不知道你檔期可不可以。）我跟你講幹什麼我都會給他推掉！」
為亡友哽咽唱《Dear My Friend》：相信佢都喺度
姜濤今次在頭3場演唱會中都沒有演唱為亡友而作的《Dear My Friend》，令不少網民和歌迷都感到非常驚訝，事關大家都知道此曲對有義氣的姜濤來講非常重要。不過姜濤果然沒有令大家失望，到最後一場驚喜獻唱《Dear My Friend》，並指想在第一個演唱會將此曲獻給亡友，相信對方亦有到場支持自己，在獻唱期間更一度忍不住哽咽：「對唔住，我同自己講唔再唱呢隻歌，但係我始終覺得我唔捨得，我相信嗰個朋友而家喺度，我知道喺我人生第一個演唱會入面，我相信佢喺呢一度，所以我都希望佢會聽到呢一隻歌！」
畀烏蠅狂圍嚇到彈起：點解最後一場會咁？
當姜濤唱完《我只在乎你》之後，姜濤突然於台上左閃右避，原來係有隻烏蠅圍住姜濤飛，搞到姜濤嚇到彈起：「有隻嘢嗡住我！尾場搞啲咁嘢！」無論姜濤點樣撥開，隻烏蠅依然圍住姜濤轉，姜濤到最後都無言接受：「點解要追住我！有咁多人！連動物界都嚟睇啊！」
台上台下星光熠熠 毛舜筠、Do姐都嚟捧場
尾場除了有羅志祥做嘉賓之外，台下亦星光熠熠，不但有Gin Lee李幸倪、Alina李炘頤、同門師妹Win Win同Ash到場支持，仲有前輩Do姐鄭裕玲、毛舜筠都有到場支持。最令人估唔到嘅係TVB御用綠葉馬海倫昨日已有入場捧場，並且在社交平台留言感謝「姜糖」大方送禮物畀自己。
