娟姐練美娟還原女星姣錫TVB人夫經過 自爆失身年齡 公開一大擇偶條件

娟姐練美娟還原女星姣錫TVB人夫經過 自爆失身年齡 公開一大擇偶條件

學前教育

娟姐練美娟 自《大叔的愛》後人氣急升,近日她主持《神的女主角》,幫盧瀚霆Anson Lo搵MV女主角。近日她接受網上平台訪問 ,指自己曾目擊女星姣錫TVB人夫,又還原經過。其後她又自爆失身年齡,以及擇偶條件,訪問內容引人入勝,惹來不少網民討論。

原文刊於:東方新地

練美娟還原女星姣錫TVB人夫經過

練美娟接受網上平台訪問,擔任《月傾會》嘉賓,在主持人林柏希William邊食邊飲邊傾之下,出名說話大膽的她愈爆愈多。早前,她曾在ViuTV節目《晚吹-有酒今晚吹》大爆曾經親眼見過一個女星姣錫TVB已婚男星的場面,親密行為接近情侶,林柏希在節目中就重提此事,叫她開名講出哪個藝人,她立即面有難色:「真係唔開得名!」她惟有還原目擊經過,即刻姣精上身,示範當晚飯局入面一啖咀落TVB人夫的場面。她指當時TVB已婚男星同女星根本是旁若無人,相當大膽:「大家食食吓飯,跟住無啦啦攬,跟住錫,錫面先,跟住人夫畀佢錫埋個嘴,佢哋無理過身邊所有人。」

早前練美娟曾在ViuTV節目《晚吹-有酒今晚吹》大爆曾經親眼見過一個女星姣錫TVB已婚男星的場面(圖片來源:ViuTV《晚吹-有酒今晚吹》截圖)
早前練美娟曾在ViuTV節目《晚吹-有酒今晚吹》大爆曾經親眼見過一個女星姣錫TVB已婚男星的場面(圖片來源:ViuTV《晚吹-有酒今晚吹》截圖)
練美娟還原當日目擊女星姣啜人夫小生,然後更一啖咀落人夫的過程﹗(圖片來源:《月傾會》圖片)
練美娟還原當日目擊女星姣啜人夫小生,然後更一啖咀落人夫的過程﹗(圖片來源:[email protected]盒子 BOX channel
《月傾會》影片截圖)

練美娟18歲失身 公開擇偶條件似強尼

練美娟最近工作量多,31歲事業起飛,但感情未有著落,她透露自己已單身了四年。主持林柏希問她選男友有何要求?她說自己喜歡成熟型男,對上一個男友大過她十幾年:「我鍾意偏向成熟啲,小鮮肉嗰啲我係一般!(強尼啱你喎?)強尼嗰一類,我鍾意啲安穩感覺,我係鍾意大叔㗎﹗」她又坦白自己失身年齡「失身呀?18歲,合法嘅!死啦,我經理人抹緊汗呀!」其後再爆初戀在小學五年級。

之後林柏希指ERROR肥仔同音樂人伍仲衡都先後被七師傅爆料很喜歡她,如果兩個必定要選一個,她會選哪個?練美娟說:「肥仔唔啱呀,我只能夠講肥仔唔啱!我真係介意另一半矮過我!」至於伍仲衡,娟姐就話:「點解件事會發生呢,係我做我飲酒個節目,跟住請咗Harry(伍仲衡)同埋師傅(七師傅)上嚟,跟住師傅就『7噏』,話佢一直留意我、好鍾意我!之後我哋真係交換咗電話話約食飯,但係我又忙、佢又忙啦!」

最後林柏希問練美娟如果開拍一個配對節目,黃德斌、許紹雄同鄧健泓三個圈中男星會選哪個?娟姐就話會選黃德斌:「我拍劇又識佢啦,佢係一個內斂嘅人!」如果古天樂VS黃德斌又怎樣選?娟姐答案一樣。

娟姐 練美娟 女星姣錫TVB人夫
七仙羽師傅早前擔任伍仲衡音樂會嘉賓,在後台的練美娟被七師傅召喚上台,七師傅幫伍仲衡及練美娟配對﹗(圖片來源:[email protected] linkuen13)
娟姐 練美娟 女星姣錫TVB人夫
七師傅之前爆肥仔梁業對練美娟有意思,不久肥仔和圈外女友爆分手,練美娟和肥仔同告單身不時被問會否有發展機會﹗練美娟原來介意肥仔矮過自己﹗(圖片來源:[email protected]

練美娟爆Stanley很小器 Edan鹹濕成日睇女

主持林柏希問拍攝《大叔的愛》時Edan、Anson Lo同Stanley三個,哪個最吝嗇、最小器同最多女冧?練美娟秒答教主Anson Lo最多女冧:「無論青春少艾或者已婚人妻,你知唔知連我表姨媽都好鍾意佢!」

最小器,原來是Stanley,練美娟說:「可能我同佢熟,佢成日都會對我小器囉!譬如有時預咗好多嘢,佢會話『又無預我,娟姐』,跟住我心諗,男人老狗唔好同我計呢啲啦,我好相信係因為佢同我熟,所以佢會咁樣同我玩!」

至於最吝嗇,練美娟就話想不到,反而主動爆料Edan最鹹濕:「我覺得Edan最鹹濕!因為佢血氣方剛,我成日見到佢平日休息嘅日子,都係睇女仔嘅IG!我成日話,又睇女呀,佢話,睇吓女仔啫,你知佢嗰啲乞人憎樣。我唔敢講咁樣係鹹濕,但係佢對異性最有興趣啦!唔係鹹濕,但係成日睇女囉!」

娟姐 練美娟 女星姣錫TVB人夫
Edan呂爵安(圖片來源:[email protected]
娟姐 練美娟 女星姣錫TVB人夫
練美娟與Edan和簡慕華在《大叔的愛》合作﹗(圖片來源:[email protected]

資料來源:ViuTV《晚吹-有酒今晚吹》截圖、[email protected]盒子 BOX channel 《月傾會》影片截圖、[email protected] linkuen13、[email protected]圖片來源:ViuTV《晚吹-有酒今晚吹》截圖、[email protected]盒子 BOX channel 《月傾會》影片截圖、[email protected] linkuen13、[email protected]

你認同嗎?

更多精選內容