公屋投訴鄰居噪音方法 噪音

公屋投訴鄰居噪音方法+噪音來源|被鄰居無理投訴日日拍門滋擾

家事達人

廣告

樓上噪音|有網民在網上討論區上表示自己住公屋,不斷俾樓下房客投訴佢屋企好嘈。但事實係佢哋全晚都十分安靜,而樓下就經常上嚟拍門,樓主唔知點算好希望大家可以俾啲意見。事實上,聽到樓上發出聲音,未必一定關佢哋事,可能係建築冷縮熱漲的問題!

樓上噪音|樓下無理投訴拍門 嚴重滋擾生活

事主在連登討論區上開post問大家意見。事主表示屋企人住公屋,之前聽話樓下成日有人投訴佢哋嘈,前排仲帶埋房署嚟,話嘈咗好幾年。當時聽完事主就一頭霧水,因為佢哋啱啱搬入嚟唔夠兩年,點樣嘈幾年。

尤其樓下投訴事主話半夜成日聽到嘭嘭聲,但問題係屋企人半夜都係瞓晒覺,最多睇Netflix,無可能發出啲奇怪聲。最後結果房署職員都感到唔耐煩,就草草了事。但之後樓下開始對家人滋擾。

試過有一次凌晨五點畀人係咁喺度敲玻璃,又係咁撳門鐘,大聲話事主屋企人嘈。但全晚所有人都熟睡緊,最多起身痾夜尿。聽屋企人講已經唔係一次半夜敲門,嚴重滋擾屋企人休息。事主有諗過裝cctv之後攞證據,但查完房署條例又話唔畀裝,唔知可以點設訴。

公屋投訴鄰居噪音方法 噪音
(圖片來源:photoac)

樓上噪音|噪音未必是人為

事實上樓上發出的嘈音未必真的是人為,原因可以很多,可能是建築材料導致。常見有以下原因:

  1. 水管水壓

房屋署表示「波子聲」原來與居民開關那些舊式水掣有關,如果水掣遭突然扭開或關上,水管內的水壓會令喉管震動,震動聲傳到大廈牆身時,便會產生啲啲嗒嗒的「波子聲」。

  1. 熱漲冷縮

建築身以鋼筋、水泥、混凝土組合而成,在夜間遇冷儲出現收縮情況,而發出聲音。這些聲音經過固體建築的傳播,會發出波子聲。這些聲音早上也有,只是晚間更為安靜,因此更明顯。

公屋投訴鄰居噪音方法 噪音
(圖片來源:photoac)

樓上噪音|投訴成立2大步驟

在公屋居住,遇上噪音的時候要怎麼做才可以成功投訴?以下兩個步驟幫到你:

方法1|錄下證據

屋企住所出現噪音滋擾,可以先用錄音或錄影的方式留下證據紀錄下來,除了錄音以外亦要抄下發出噪音的時間,懷疑發出噪音的地方等,在投訴時作參考之用。

方法2|聯絡房屋署

住在公屋的住戶,可以聯絡房屋署,對方會派屋邨職員調查,到場了解情況。投訴成立以後,屋邨職員會對相關住戶作出口頭或是發信警告。如果滋擾持續,相關住戶將會被扣5分。

公屋投訴鄰居噪音方法 噪音
(圖片來源:photoac)

樓上噪音|最高罰款一萬元

房屋署方面的《噪音管制條例》有明確管制,住屋以及建築噪音。條例第4條主要用以管制在晚上十一時至翌日上午七時,或在公眾假期發出而屬這類性質的擾人噪音。條例第5條賦權則包括動物、雀鳥、樂器、揚聲器、遊戲、經營生意或業務和冷氣機等噪音。

觸犯條例者會被控在住用處所及公眾地方發出嘈音(鄰近環境嘈音),可被判下最高罰款一萬元。

噪音管制條例:按此

常見問題

家居噪音一定要人為嗎?

噪音未必是人為,原因可以很多,可能是建築材料導致。常見有以下原因…詳情請看

遇上噪音的時候要怎麼做才可以成功投訴?

在公屋居住,遇上噪音的時候要怎麼做才可以成功投訴?以下兩個步驟幫到你…詳情請看

撰文:Billie、資料來源:Karlie圖片來源:photoac

讀者留言

更多精選內容