兄弟鬧交 港媽偏心斥哥哥做大應讓細佬 哥哥感委屈含淚做一舉動網民激論

兄弟鬧交 港媽偏心斥哥哥做大應讓細佬 哥哥感委屈含淚做一舉動網民激論

兄弟 共心,其利斷金,但如果兄弟不和,常常意見不合,做父母就頭痕。近日一名網民於社交平台撰文,指有日見到兄弟鬧交的畫面,當時媽媽叫他們停手,但一味只斥罵大仔,要求他做哥哥要讓弟弟。帖文引來很多身為哥哥、姐姐的網民留言,他們表示對男童的遭遇感同身受,又認為那位媽媽的教養方法出了問題,有可能導致兄弟感情破裂,關係愈來愈差。

撰文:Clara | 資料授權:「生仔要考牌」| 圖片來源:SHUTTERSTOCK

港媽輕視哥哥感受 偏心弟弟

近日一名網民於Facebook專頁「生仔要考牌」投稿,講述有個媽媽偏心弟弟的經過。事緣網民與姐姐一齊搭巴士,見到有個媽媽帶住兩兄弟上車,兩兄弟一上車就鬧交。弟弟掌摑哥哥幾巴,哥哥踢弟弟一腳反擊。他們媽媽見到,即大聲斥喝他們停手。不過她全程沒有教訓弟弟,只是一直斥罵哥哥,並要求他讓弟弟:「你係哥哥,唔可以讓下細佬嘅咩?」哥哥沒有駁嘴,表情非常委屈,一度含淚,但堅持不流淚。

巴士在某個車站開門,哥哥突然怒火中燒走落車,媽媽欲叫停他:「我哋未到站呀,你做咩呀?企喺度啊!」但哥哥沒有理會,她惟有馬上衝落車追著哥哥。網民見到這幕很感概:「原來呢個世界唔只重男輕女,就算係同一個性別都會發生(偏心事件)。」他姐姐很認同:「個哥哥好慘,阿媽太偏心」。

港媽輕視哥哥感受 偏心弟弟(非當事人)
港媽輕視哥哥感受 偏心弟弟(非當事人)

兄弟姊妹爭吵多大批網民感同身受

兄弟姊妹爭吵事件常有發生,惟不少媽媽都會偏心弟弟、妹妹。不少網民指年紀比較大的仔女永遠處於弱勢:「即使只係大一兩年,細嗰個就係孩子,大嗰個就唔係孩子。心理陰影面積咪就係咁求出嚟囉。」、「無論發生咩事,永遠都係大少少嗰個嘅錯」

大批網民感同身受
大批網民感同身受

有網民分享童年經歷,表示很明白事件中那位哥哥的心情:「細個嗰陣做錯嘢被人打嘅都係我,次次都係 『你係家姐,要做榜樣畀個妹睇』,你估我想做大嗰個?都無得揀」、「我錯,我教壞個妹,無睇住個妹。大個妹一年講到我好似大佢10年,次次都話我要讓佢」、「所有細佬嘅惡行都被無視,受害嘅全部都係我。細佬做任何嘢都係乖,而我只係出聲都會覺得係曳。」亦有網民分享窩心經歷,多謝媽媽沒有偏心妹妹,令她得到相等的愛:「我妹把口好甜,係大人會鐘意嗰啲;而我細細過已經係頂心杉。我爸錫我妹多啲,所以我媽會錫我多啲,只少都會做到公平。」

大批網民感同身受(Facebook截圖)
大批網民感同身受(Facebook截圖)
大批網民感同身受(Facebook截圖)
大批網民感同身受(Facebook截圖)

但有網民持相反意見,他認為媽媽偏心很平常:「大一年又好、兩年又好,你大做大佬就係大佬,你都有做大佬嘅責任。做大佬嘅絕對有能力、有知識唔令媽媽尷尬,唔用拳頭化解問題。」

你又點睇?

更多精選內容