移民辭職先係啱?港夫婦中百萬六合彩為一原因繼續返工 外母斥浪費時間

移民辭職先係啱?港夫婦中百萬六合彩為一原因繼續返工 外母斥浪費時間

移民 不移民,是近年來備受香港人關注的話題。不過移民去其他國家並不是下容易的決定,資金就是大家要考慮的問題。如果有日,你有幸中六合彩,你會不會馬上移民?近日有一對夫婦中了六合彩,得到數百萬獎金,他們沒有辭職,繼續上班。然而外母不斷怪責女婿,沒有帶她女兒環遊世界或者移民,雙方經常就此矛盾爭喋不休。港妻感到非常苦惱,故撰文問網民有沒有方法解決。

撰文:Clara | 資料來源、圖片來源:「辦公室日報」、shutterstock、TVB節目《六合彩》

數百萬獎金用咗去邊?

近日一名港妻去Facebook專頁「辦公室日報」投稿,為中六合彩獎金的後績問題煩惱。事緣港妻同老公結婚前,對方中過六合彩,獎金多達百萬港元。他們一領取獎金後,馬上將部分獎金捐贈給幾個不同的慈善機構;之後他們一同去東歐旅行慶祝,返港後就用獎金籌辦婚禮,如訂酒店酒席等;最後他們將獎金買樓。

數百萬獎金用咗去邊?(TVB節目《六合彩》電視截圖)
數百萬獎金用咗去邊?(TVB節目《六合彩》電視截圖)
數百萬獎金用咗去邊?(TVB節目《六合彩》電視截圖)
數百萬獎金用咗去邊?(TVB節目《六合彩》電視截圖)

外母埋怨女婿不辭職移民

夫婦捐錢、旅行、結婚、買樓後沒有辭職,繼續上班,回復普通打工仔生活。為免給人一種炫耀的錯覺,又怕有其他麻煩事出現,他們沒有告訴朋友、同事中獎一事,只有港妻的媽媽知道。想不到其母不斷逼迫港妻老公:「中咗六合彩點解唔辭職」、「點解唔同我個女周遊列國歎世界?」、「點解唔自己搞啲小生意?」,甚至稱「中咗六合彩就唔好要個老婆返工啦!浪費時間!」港妻聽到之後很不滿,認為媽媽很煩,反而她老公沒有介意:「我老公真係好好修養,佢次次都一笑置之,反而係我自己好䒐䒏,始終講呢啲說話嘅人係佢外母,我嘅身份好尷尬。」

本來港妻的媽媽已經沒有再抱怨,但近半年因為政局動盪,媽媽又再不斷責怪她安於現狀:「中咗六合彩仲繼續返工即係浪費人生」、「點解有錢都唔移民?」、「戇居,揸住嚿錢都唔走!」、「不聽老人言吃虧在眼前」港妻無名火起,認為如果當初聽媽媽講,今日可能會因為疫情令生意一鋪清袋,所以她同媽媽經常就此事鬧交。

外母埋怨女婿不辭職移民
外母埋怨女婿不辭職移民

不辭職其實有原因

港妻指她與老公不辭職其實有原因,她認為「幾百萬絕對唔係咩大錢」,因為兩公婆去了一個東歐旅行同結婚已經花費不少,加上買樓仲用得多錢:「層樓400幾萬,又律師費又乜費物費,仲要花錢去裝修同埋買傢私電器,陰啲陰啲係咁使,其實筆錢都唔係淨番好多。香港好多人唔使中六合彩都有幾層樓收租,公屋都大把隱型富戶,所以千祈唔好覺得有少少錢就唔使撈。」除了因為餘下獎金不足以支付夫妻二人辭職後生活費,夫婦也不怕辭職後會同社會脫節。而且,他們對香港很有歸屬感,所以有沒有錢都沒有移民打算。最重要是,他們認為戶口有足夠錢,返工壓力大減:「就算當年嘅獎金過千萬都係咁話,有嚿錢back up再繼續返工,心態其實差好遠,我反而enjoy而家咁樣,一切生活依舊。」

港妻很欣賞老公踏實的態度:「我哋兩公婆唔識投資,理財方式主要靠儲錢,頂盡買股票,所以未來係唔會有咩突破性收入(除非又中六合彩)。佢冇因為一筆橫財而揮霍無度,亦冇因為呢筆橫財去諗其他不設實際嘅嘢。」最後她代媽媽向老公道歉:「要你聽外母咁多說話。」

不辭職其實有原因
不辭職其實有原因

網民力撐夫婦決定

不少網民看到帖文後都很認同這對夫婦的決定,他們覺得中幾百萬獎金不代表甚麼:「我都真心覺得中咗六合彩都必須要工作,唔做嘢好易機能衰退」、「伯母坐咗幾多年?你估仲以前幾十萬一層樓?」、「無論中咗幾多錢都要工作,最多搵份少壓力的工種,否則好快和社會脫節。至於其他人,完全可以不理。」

網民力撐夫婦決定
網民力撐夫婦決定(圖片來源:辦公室日報留言截圖)

讀者留言

更多精選內容