剪頭髮時睇手機有無問題?港媽畀仔睇片被公審 家長幫口呻湊仔難處

剪頭髮時睇手機有無問題?港媽畀仔睇片被公審 家長幫口呻湊仔難處

剪頭髮 是每月必須的,始終小朋友要保持清爽,還可防止頭髮遮眼、篤眼,影響視線。不過剪頭髮時間流流長,應該做甚麼?跟髮型師聊天又話不投譏,看著鏡頭又覺得很悶,這時候很多人都會選擇轆手機,打發時間。不過近日有名網民在社交平台偷拍並公審一名媽媽,網民指媽媽全程讓兒子看手機,會令兒子對手機造成依賴,帖文惹來不少人討論。

撰文:Clara | 資料、圖片授權:「生仔要考牌系列」、新傳媒集團資料庫

原post者指責媽媽畀仔邊剪髮邊睇片

事緣有名網民在Facebook專頁「生仔要考牌」投稿,指自己行過理髮店,見到街邊對出的座位上,有位小朋友正在剪頭髮。他見到小朋友媽媽一直拿著手機,讓她兒子一邊剪頭髮,一邊看卡通片,他感到很驚訝,質疑該位媽媽不應該讓兒子睇片:「我見佢娘親拎住部手機係咁掃上掃下,我仲以為佢扮Mr. Bean(戇豆先生)咁,將塊鏡掃上又掃下,原來係部手機播緊兒童卡通片。點解連剪頭髮都唔願意離開手機?!」

隨著時代進步,現在智能手機成為必需品,人人都會有一部,連小朋友都有部在手。有部分小朋友日夜玩手機,對手機造成依賴,埋首於虛擬世界,缺乏同其他人溝通,影響身心發展。有網民支持原post者的看法,覺得媽媽此時應該拿開手機:「以前冇手提電話嘅時候,小朋友點剪頭髮? 我淨係記得阿媽話要坐定定、唔好亂叫、亂動,剪完帶我去食雪糕。」

剪頭髮
原post者指責媽媽畀仔邊剪髮邊睇片(「生仔要考牌系列」授權)

網民質疑原post者「無嘢搵嘢嚟鬧」

然而,不少家長網民認為母子的行為沒有影響其他人,又不關原post者事,質疑原post者「無嘢搵嘢嚟鬧」。其次,網民指責原post者沒有全面理解那對母子的情況就偷拍、公審他們,非常無品。他們懷疑原post者未為人父母,沒有類似經歷,所以未能設身處地想想該位媽媽的感受:「投稿嗰位應該未生小朋友,批評人嘅時候,唔會喺人哋角度去諗嘢」、「每個世代都在改變,每個世代利誘小朋友嘅方法都唔同,所以無需要去批評其他人嘅做法」。不少家長網民都幫母子講說話,他們表示很明白叫小朋友剪頭髮的難處。

家長網民吐湊仔難處

網民指幫小朋友剪頭髮是個艱巨的任務,第一,小朋友剪頭髮坐不定,有機會不慎被剪刀弄傷,讓他們看手機可以分散注意力,減低危險性。第二,有小朋友很害怕剪頭髮,一見到剪刀就驚到大喊,看手機可以降低他們的不安感。部分留言節錄:「完全覺得無問題,一陣剪耐左,下一手又嘈話做咩唔搵嘢引個仔。」、「我都好唔主張濫用電子奶嘴,例如一家人食飯時,但剪頭髮係最需要令小朋友分心,坐定定。」、「你知唔知做髮型師都好驚小朋友突然間郁?真係會剪爆缸㗎,只係睇係髮型師無咗隻手指,定係細路無咗耳仔。」、「係咪要畀本唐詩佢讀?」

家長網民吐湊仔難處(Facebook截圖)
家長網民吐湊仔難處(Facebook截圖)
家長網民吐湊仔難處(Facebook截圖)
家長網民吐湊仔難處(Facebook截圖)

5招為小朋友順利剪頭髮

  • 最好選擇無聲的剪髮器,在理髮時不會產生那種讓小朋友害怕的感覺。
  • 讓小朋友趴在家長腿上。
  • 開動剪髮器,用剪髮器刀柄輕輕接觸小朋友頭部,讓他適應剪髮器的震動,慢慢他就會消除恐懼、不適心理。
  • 轉移小朋友的注意力,例如去一些用汽車、旋轉木馬造型做椅子的兒童理髮店,或者用玩具吸引他,減少他對剪頭髮的恐懼。
  • 如果小朋友不能接受以上方法,那只有等他睡著,在他頭部墊上一層報紙,偷偷剪頭髮。
5招為小朋友順利剪頭髮
5招為小朋友順利剪頭髮

你又點睇?

更多精選內容