大掃除3個貼士-港媽愛儲物唔願掉有塵紙巾 專家教你執屋方法

大掃除3個貼士-港媽愛儲物唔願掉有塵紙巾 專家教你執屋方法

大掃除 季節又到了,臨近新年,很多家庭都開始清潔、執屋,希望將上一年的衰運趕走,迎接好運。不過有個一家四口的家庭在大掃除期間出現一些麻煩,他們就是年輕港媽阿Kit、她老公、她BB,以及工人。ViuTV最新一集《執屋》的主持人小占、Kathy仔及「雜物諮詢師」阿橙就到達他們家中幫忙大掃除。不過最後阿橙對阿Kit「無晒乎」,執屋失敗,究竟發生甚麼事?

撰文:Clara | 資料、圖片來源:ViuTV節目《執屋》

大掃除第一站:客廳

阿橙一行入Kit的家,已經見到滿屋雜物。Kit原來剛剛成為媽媽,與老公搬入新居,不過他們均有儲物習慣,導致新居多雜物多到行都行不到。阿Kit坦言每次都會等雜物堆到人咁高才會開始執屋,誇張到連床、餐枱、餐枱下面都被雜物淹沒,沒有睡覺、食飯的地方。她解釋:「之前以為張餐枱好好用,但原來太大張,之後都寧願睇住電視食飯,無用過張餐枱。」

(向左推睇相)

不過阿Kit笑言,現在的家已經比以前的家整齊得多,以前多雜物到只有四格階磚可以供人走動。

以前的家(ViuTV節目《執屋》電視截圖)
以前的家(ViuTV節目《執屋》電視截圖)
以前的家(ViuTV節目《執屋》電視截圖)
以前的家(ViuTV節目《執屋》電視截圖)

大掃除第二站:工人房

去到工人房情況更加惡劣,裡面有一張雙層床,除了上層供工人睡覺,基本上整個房間都塞滿雜物,如BB玩具、老公的模型,結果令工人房頓變迷你倉。阿Kit解釋:「有個好大嘅衣櫃,因為度錯尺寸,我哋以為好實用,結果唔實用。」阿橙見到都覺得很頭痛:「如果我係工人姐姐,我會覺得愛莫能助囉。」小占笑言工人見到都想返鄉下。

(向左推睇相)

大掃除第三站:展示櫃

客廳梳化後的展示櫃仲亂,除了漫畫書外,還放了模型及擠滿毛公仔。移開梳化後,櫃下面同樣塞滿雜物件,例如麻將、月餅及未開封的影碟。

(向左推睇相)

 

大掃除期間,阿Kit接到老公的來電,原來她老公一直透過家中的攝錄機來監察她與主持,以防他的模型被掉棄。

她老公一直透過家中的攝錄機來監察她與主持(ViuTV節目《執屋》電視截圖)
她老公一直透過家中的攝錄機來監察她與主持(ViuTV節目《執屋》電視截圖)

屋企滿怖雜物 全因藉口多多

在雜物堆中,除了有一年的未送出的手信、過期的零食,還有一件被主持以為是垃圾膠袋,有股霉味的外套,她解釋:「我嘅身形比較難買衫,呢件衫嘅暗花唔係出面咁易買到,我亦都唔會再買新衫,呢啲款經典啲,所以我唔想掉。」主持又見到滿是塵埃的紙巾,但阿Kit都想保留:「呢個唔可以掉,可以用嚟抹手。」令眾人無言以對。另外,主持又發現一個插滿筆的筆筒,但阿Kit就以「支支筆都寫到喎」為由不肯掉棄。

其實間屋之所以會變「垃圾屋」,全因阿Kit與老公的儲物習慣太嚴重,他們每件物件都不想掉棄,藉口多多,所以雜物愈堆愈多。小占直言:「執屋就係要執清阿Kit腦裡面無用嘅思維。」有網民認為阿Kit要更加「斷捨離」,否則雜物太多會影響小朋友健康:「其實當佢有BB就要清屋~呢啲環境好影響BB健康」、「小朋友大咗就會掉,我以前都有留,怕再有意外」、「成屋灰塵對BB呼吸道同皮膚唔好」

(向左推睇相)

大掃除注意事項

阿橙提醒大家在大掃除時可以注意以下事項:

1. 如果家中有展示櫃,應該將所有雜物分好類,漫畫、玩具、模型都要分開放置。

2. 家中如果有小朋友,應避免展示書籍,避免積塵,令小朋友患上鼻敏感。

3. 如果家中有珍藏的心愛物品,而又有轉賣價值,直接掉棄會不捨得,不如放上網賣,換做錢,幫補家計。

珍藏的心愛物品不如放上網賣
珍藏的心愛物品不如放上網賣

資料、圖片來源:ViuTV節目《執屋》

你又點睇?

更多精選內容