婚外情港爸為情婦做3件事淪落到破產 兒子未忘童年傷痛決定攤牌

婚外情港爸為情婦做3件事淪落到破產 兒子未忘童年傷痛決定攤牌

婚外情 個案屢見不鮮,有人會及時抽身,向另一半坦白認錯;有人會不能自拔,最終搞散頭家。一名網民於討論區發帖文,大爆爸爸婚外情的詳情。他指爸爸為了養得起情婦及她的兩個兒子,在他們身上花了很多錢,現在淪落到要申請破產。兒子表示自己由細到大自生自滅,要省錢生活,斷言不會幫爸爸養情婦。

撰文:Sunday Kiss | 資料來源:網上討論區 | 圖片來源:SHUTTERSTOCK

發現爸爸有婚外情 為養情婦周圍借錢

日前一名網民於網上討論區發帖文,講述爸爸婚外情,結果淪落到破產的經歷。事緣他近年發現爸爸有婚外情,對方還有兩個兒子。之前他偷聽到爸爸與情婦講電話,原來對方日日無所事事打麻將,而他爸爸就負責她所有使費,又幫她供樓、交學費、買車。雖然他爸爸是一名地盤工人,負責做紮鐵,日薪最高可達1,700至2,000港元,收入不錯,可是因為沒有儲蓄習慣,月月清,加上情婦一家生活奢侈,結果要周圍借錢養活情婦及她的兒子。該位網民曾經勸過爸爸要懂得抽身,惟爸爸沒有聽取他的意見,只回答:「得啦。」

發現爸爸有婚外情 為養情婦周圍借錢(非當事人)
發現爸爸有婚外情 為養情婦周圍借錢(非當事人)

爸爸破產 兒子未忘童年傷痛決定攤牌

近日,爸爸突然向他訴說心聲:「好辛苦,如果唔做嘢,我唔會養佢(情婦)。」昨日爸爸宣布已破產,還很後悔因為婚外情淪落至如斯田地,他回覆爸爸:「養唔掂你條女啊,我得萬零蚊一個月搞唔掂你啲嘢。」他指今晚會準備與爸爸「攤牌」,給爸爸兩個選擇:「一係繼續畀錢情婦,一係斷晒聯繫,留喺屋企畀我養。」

昨日爸爸宣布已破產(非當事人)
昨日爸爸宣布已破產(非當事人)

他解釋自小爸爸只會放下500港元,讓他自生自滅,從無照顧過他,令他誤以為家中經濟狀況很差,走投無路才會找爸爸:「細個咩都唔敢做,仲以為屋企收入唔掂,慳住慳住使,慳到盡先搵老竇要錢。」上年,網民爸爸確診肺癌,當時他還未揭發爸爸搞婚外情,傷心了一段時間,如今則覺得爸爸不值得可憐。

媽媽一早離婚另組家庭

該位網民指他媽媽早就與爸爸離婚,離開這個家庭。頭幾年她住在劏房,後來認識了公司老闆,與對方同居,誕下一女,還能聘請工人,生活總算安穩,苦盡甘來。他與媽媽不時聚會:「依家諗番媽媽喺我細個就同老竇散咗真係醒目,間中都會見吓面,一齊唱老竇,同佢傾吓偈先知係我細個嗰陣老竇有幾蠢。」有網民支持他跟媽媽一齊生活,但他表示大家相處有種疏離感:「見人好就黐埋去?自食其力得閒飲茶就算。我自己都感覺到我根本唔屬於嗰個家庭,有次去到先知叔叔(媽媽現任老公)喺到,尷尬到想即刻走。」

媽媽一早離婚另組家庭(非當事人)
媽媽一早離婚另組家庭(非當事人)

有網民心水清,指其母不理會他,另組家庭也十分狠心,他指以前都有埋怨過媽媽,但長大後難以記得童年回憶,所以對媽媽沒有特別感覺。他表示每次與媽媽見面,對方都會塞錢給他,似想補償錯失,而他次次都只會拿走部分錢就走。他自嘲未被爸爸、媽媽痛錫,身世可憐:「叫做對我好啲,不過喺我心目中其實已經只不過係比較熟悉嘅人。」但現時他已接受現實,寧願獨善其身:「童年嘅嘢已經補償唔到,細個傷心嗰陣都無人可以對住喊。依家兩個都唔好搵我就已經幸福,老竇搵我一定係要錢,阿媽搵我雖然都係食飯飲茶,但我都唔多想見。」

有網民心水清,指其母不理會他,另組家庭也十分狠心(討論區截圖)
有網民心水清,指其母不理會他,另組家庭也十分狠心(討論區截圖)

你又點睇?

更多精選內容