婚禮司儀37句講錯嘢爆笑語錄 「炒起」一個婚禮變新人噩夢

婚禮司儀37句講錯嘢爆笑語錄 「炒起」一個婚禮變新人噩夢

家庭生活

「婚禮司儀 」確是一個專業,昨日(8日)商業電台節目《早霸王》於社交平台搞投票,將網民讚好數量代表票數,選出「十大婚禮MC講錯最好笑嘅說話」,引來很大迴響。前TVB體育新聞主播伍家謙都拋磚引玉:「一對新人都係虔誠信徒,今日終於一齊返去主嘅懷抱…」,狂來過千個讚好。

撰文:Clara|資料來源:商台節目《早霸王》Facebook、|圖片來源:電影《獨家試愛》、《家有囍事》、《十分愛》、《我要做Model》截圖截圖、TVB劇集《燦爛的外母》電視截圖、TVB綜藝節目《玩嘢王》電視截圖

婚禮司儀如何「炒起」一個婚禮

婚禮司儀不可以亂找,以前就話找兩個比較好口才的朋友幫幫忙做婚禮司儀,帶動一下氣氛,現在結婚是人生大事,很多新人會隆重其事,請來專業司儀,甚至曾在電視上出現過的「星級婚禮司儀」。婚禮始終是個講「意頭」的場合,如果個司儀「唔生性」、「講錯嘢」,大家你眼望我眼,搞到氣氛好尷尬,對一對新人來說就是一輩子不能忘記的回憶。曾有網民在討論區發起「一人一個婚禮司儀黐咗線嘅一刻」,將自己在婚禮上遇過最尷尬的情況羅列出嚟,有些都真是幾「大吉利是」, 以下是網民提出的部分例子:

自high系列

  • 「婚禮司儀係一男一女,外面請,無人識,無啦啦去到中間,男司儀話個女司儀今日生日,要全世界陪佢唱生日歌 + 畀驚喜個女司儀!」
  • 「婚禮司儀講講吓嘢講到喊晒,然後話原來個新娘係佢鍾意咗好多年嘅女神,然後無啦啦大叫咩『哈利路亞 CHANCE』!」
婚禮司儀如何「炒起」一個婚禮(圖片來源:電影《獨家試愛》截圖)
婚禮司儀如何「炒起」一個婚禮(圖片來源:電影《獨家試愛》截圖)
  • 「婚禮司儀:『我叫 Martin 佢叫 Candy,所以我哋係MC!』」
  • 「新人同家人親戚朋友影相,影影吓,個婚禮司儀嗌:『而家有請MC上台影相!』,然後自己衝上台」
  • 「個婚禮司儀玩到無嘢好玩,無啦啦叫我老豆咀我老婆個老母,下面班XX仲大大聲叫咀佢!咀佢!搞到我外父同我老母黑晒面 !!!」
婚禮司儀如何「炒起」一個婚禮(圖片來源:TVB劇集《燦爛的外母》電視截圖)
婚禮司儀如何「炒起」一個婚禮(圖片來源:TVB劇集《燦爛的外母》電視截圖)

開口夾着脷系列

  • 「婚禮播出席前音樂:好心分手」
  • 「親戚喺茶樓擺咗十零圍,有個駐場婚禮司儀:『雖然今晚圍數唔多,但我地都用最熱烈嘅掌聲歡迎一對新人。』」
  • 「婚禮司儀:『歡迎一對乳豬…新人進場。』」
  • 「婚禮司儀:『新郎依家可以揭起新娘嘅婚紗。』」
  • 「婚禮司儀:『今日係對新人第一次結婚,有啲緊張!』」
婚禮司儀如何「炒起」一個婚禮(圖片來源:電影《十分愛》截圖)
婚禮司儀如何「炒起」一個婚禮(圖片來源:電影《十分愛》截圖)
  • 「新娘肥肥哋叫Mandy,播完片,新娘進場之前,男婚禮司儀:『嘩Mandy真係好肥美啊,大家話係咪啊?』全場dead air,女婚禮司儀:『係啊真係好肥美,喂,大家畀啲反應吖!』」
  • 「婚禮司儀:『喂,新郎哥,依家後悔仲嚟得切!』點知個場真係靜咗三秒。」
  • 「播新人成長片段播錯成人動作片,成個場嘩聲四起,但新郎塊臉紅晒,但好似睇得幾開心。」
  • 「婚禮司儀:『大家無反應嘅?係咪睇片(成長片段)睇到攰啊?』」
  • 「婚禮司儀:『個蛋糕代表住新郎同新娘嘅感情,我哋依家一刀切落去。』」
  • 「切蛋糕嘅時候,婚禮司儀話:『我地祝對新人由頭切到落尾。』」
  • 「婚禮司儀:『多謝老爺嘅分享,請老爺落台!』」
  • 「婚禮司儀:『新人可以上床影大合照。』」
  • 「婚禮司儀:『有請新娘新郎離開』新郎糾正:『係就坐呀』」
  • 「婚禮司儀:『跟住落嚟就係今晩最重要嘅環節,上菜!』」
  • 「婚禮司儀:『今晚嘅婚禮為新郎、新娘畫上完美嘅句號。』」
  • 「婚宴完嘅時候,婚禮司儀:『我哋下次再見!』」
  • 「婚禮司儀:『今日嘅婚禮圓滿結束,我哋一定會再見㗎!』」
婚禮司儀如何「炒起」一個婚禮(圖片來源:TVB綜藝節目《玩嘢王》電視截圖)
婚禮司儀如何「炒起」一個婚禮(圖片來源:TVB綜藝節目《玩嘢王》電視截圖)

大吉利是系列

  • 「婚禮司儀:『多謝大家嚟到xxx同xxx嘅喪禮….呃…婚禮!』」
  • 「婚禮司儀:『呢對新人終於去到人生最後一個階段…』」
  • 「婚禮司儀:『恭喜曬兩位新人喺茫茫人海都搵到對方,一齊行埋人生最後一段路⋯』」
  • 「婚禮司儀:『恭喜一對新人走上呢條不歸路……………..幸福之路!』」
  • 「婚禮司儀:『祝新人百年歸老,永結同心。』」
  • 「婚禮司儀:『依家有請一對先人,同佢哋父母出場。』」
  • 「婚禮司儀:『世伯伯母睇到佢哋仔女今日咁溫馨同幸福,真係老懷安息啦。』」
  • 「婚禮司儀:『我哋一齊睇番一對新人生前嘅片段。』」
  • 「婚禮司儀:『有請新娘屋企人上台影圍照(令人聽成遺照)。』」
婚禮司儀如何「炒起」一個婚禮(圖片來源:電影《家有囍事》截圖)
婚禮司儀如何「炒起」一個婚禮(圖片來源:電影《家有囍事》截圖)
  • 「試過去飲,新郎新娘多謝完四大長老之後,婚禮司儀話: 『多謝完就要有啲表示啦,我地依家請新郎新娘向父母三鞠躬致謝。』,新郎新娘又真係照做,四大長老塊面黑到!」
  • 「試過個婚禮司儀叫: 『有請女家外母慈雲閣嘅鄰居』,外母住慈雲山啲屋村,但係慈雲閣係放骨灰果啲寺。」
  • 「婚禮司儀:『有請寶福山(骨灰龕場)嘅朋友上來影大合照…寶馬山先真。』」
  • 「婚禮司儀:『有請一對新人輪迴一周。』」
婚禮司儀如何「炒起」一個婚禮(圖片來源:電影《我要做Model》截圖)
婚禮司儀如何「炒起」一個婚禮(圖片來源:電影《我要做Model》截圖)

你又點睇?

更多精選內容