老公因2個理由唔交家用 全職港媽零收入湊兩孩月使萬元撰文訴苦

老公因2個理由唔交家用 全職港媽零收入湊兩孩月使萬元撰文訴苦

家用 應該要給幾多才叫合理?給太多家用,自己可能會沒錢生活,給太少家用卻未能養家。近日,一名全職媽媽於網上討論區撰文,大呻自己為家庭放棄原本的工作,專心在家照顧兩個小朋友,想不到她老公竟然不願意交家用,每次都要她三催四請。她曾向老公表明難處,惟老公反駁指自己都想存錢,又說她之前都儲了不少私己錢,應該把錢拿出來,全部用來養家。

撰文:Clara | 資料、圖片來源:網上討論區

老公為人計較 因2個理由不想交家用

近日,一名港媽網上討論區撰文,大呻老公不肯交家用。她指自己是一名全職媽媽,沒有其他收入來源,要全力照顧兩個小朋友,每月家庭開支要萬多港元。她老公是家中惟一的經濟支柱,她覺得老公理應把賺回來的錢交家用,幫忙養家。初時,對方表明願意交12,000至15,000港元作為家用,後來愈來愈不想交,每個月都要她三催四請才肯交。

她曾經同老公對質,原來對方不交家用的原因有兩個:第一,他覺得交了家用才會導致自己存不到錢:「佢想存錢」。第二,他指自己為了養家交家用,但她不需要交家用,所以私己錢比他多,很不公平:「佢覺得我嘅存款多過佢,佢覺得我可以存到錢因為佢畀咗家用我,心理不平衡。」

老公為人計較 因2個理由不想交家用
老公為人計較 因2個理由不想交家用

港媽曾無怨為家庭付出

港媽想不到老公會這麼計較,她指自己之前未做全職媽媽前將小朋友交給奶奶照顧,她早上出外工作賺錢,晚上再接力湊小朋友。當時老公每個月只會交9,000港元作為家用,不足以應付家庭開支,她沒有介意,主動補足:「多出來嗰啲都係我畀,我仲一度懷疑係咪自己做得唔啱。」曾經有幾個月,她老公收入不太穩定,甚至失業,她眼見生意都賺到少少錢,會默默負責全部家庭開支:「我嗰陣都無問佢要!佢就一句儲唔到錢,我多錢過佢,就唔想畀!」

港媽曾無怨為家庭付出(非當事人)
港媽曾無怨為家庭付出(非當事人)
港媽曾無怨為家庭付出(非當事人)
港媽曾無怨為家庭付出(非當事人)

港媽欲找工作做在職媽媽

後來奶奶身體不好,加上疫情關係,生意不好,故港媽決定結業,成為全職家庭主婦。她表示因為私己錢與家用問題,要經常受老公氣,很不開心:「佢其實呢年都儲到啲,佢心理唔平衡嘛,因為我多錢過佢。佢問過我幾次,我啲錢係咪佢啲錢,我其實好心寒,依家佢睇死我賺唔到錢。」她指如今正計劃找工作,重新出來賺錢養家,讓老公「收聲」:「我覺得好唔開心,我唔鍾意攤大手板問人要家用,本身我都可以有收入,但為咗家庭我放棄咗,依家係咪應該佢畀家用?我真係好唔鍾意咁。我其實都諗緊辦法出返來做嘢,我頂唔順依家嘅生活。」

網民指責港媽老公毫無責任心

帖文引來很多網民留言,他們指責港媽老公毫無責任心,只顧自己:「即係要你用積蓄養家?佢份糧做乜?」、「想存錢唔想養家?人人都想存錢㗎啦」有網民提議港媽請外傭,但她回答指不可行:「佢唔鐘意請工人,比家用都咁,佢唔會捨得再拿錢出來請工人。」有網民叫港媽計算全家開銷給老公看,再解釋自己的私己錢只會用在家庭緊急開支,但她原來已經試過這個辦法,同樣失敗:「佢睇都唔睇就話我大使,佢心裡面得佢自己,邊會諗到我。」有網民則教港媽與老公角色對換,老公就會知道做全職媽媽有多麼辛苦:「每月畀番9000蚊佢,叫佢留屋企做full time daddy,講到咁嘆又有大把私己錢儲,呢啲好嘢梗係畀佢試吓。」

網民指責港媽老公毫無責任心(討論區截圖)
網民指責港媽老公毫無責任心(討論區截圖)

你又點睇?

更多精選內容