工人與2歲仔關係太親密有問題?在職港媽見兒子5個舉動 妒忌到半夜出廳喊

工人與2歲仔關係太親密有問題?在職港媽見兒子5個舉動 妒忌到半夜出廳喊

家庭生活

工人 姐姐非常重要,她們能成為僱主的左右手,幫他們照顧小朋友、老人家,做家頭細務,為僱主慳時間、精力,分擔養家壓力。好多爸爸、媽媽都想聘請到好工人,不過有人就因為請到好工人反而覺得苦惱,甚至凌晨在客廳獨自哭泣?近日一名港媽於網上討論區撰文,妒忌兩歲仔與工人相處時間多過自己,關係太親密,還因為兒子做出五個舉動,令她覺得很心酸。

撰文:Clara | 資料、圖片來源:網上討論區、Shutterstock

在職媽媽自覺盡做媽媽本份

近日一名港媽於網上討論區以「我個2歲寶貝仔好痴(黐)姐姐」為題發文,指自己是一名在職媽媽,發現兒子兩歲起就突然很愛黏著工人姐姐,令她覺得很心酸。她解釋為了生計,她必須做在職媽媽,無有辦法下惟有請工人照顧兒子:「都知無辦法,針無兩頭利。」幸好平日不用加班,所以她每天也會盡量早點下班,回家陪兒子。因為兒子晚上六時半就要吃晚飯,她未能趕及回家餵他吃飯,但除此之外,洗澡、玩耍、講故事、哄睡覺、飯後散步,她都能跟老公做足。而且到了放假日子,她都會一家三口出街,不會帶工人姐姐。

在職媽媽自覺盡做媽媽本份(圖片來源:Shutterstock)
在職媽媽自覺盡做媽媽本份(圖片來源:Shutterstock)

兩歲仔與工人關係親密感心酸妒忌

這位媽媽指兒子原本與工人同房,他睡BB床,工人有自己一張床。每晚,她都會在大床哄兒子入睡,之後就會抱他回BB床睡,但他多數會喊醒,工人姐姐就會將他抱到自己床,兩個一起睡覺。初時她不能接受二人同睡,但老公指其實工人姐姐都很辛苦,而且即使強行將兒子抱回BB床,隔一段時間,他都會再喊。

最近,她每天都要求兒子陪自己睡,怎料他甚麼事都要找工人姐姐,例如想更換尿片、洗澡,甚至連傷心、感到害怕的時候都會凌晨扎醒找工人姐姐:「就算佢喺我張床瞓,半夜醒都要返去搵姐姐,有時一擘大眼就要搵佢,當我無到。」試過幾次凌晨時分,兒子喊住要工人姐姐哄他,她嘗試哄兒子:「姐姐瞓咗,放咗工!」但兒子不聽解釋,「喊到癲咗」,攬住公仔走出門口,去工人姐姐房門拍門,然後坐在地上,等候開門。

兩歲仔與工人關係親密感心酸妒忌(圖片來源:Shutterstock)
兩歲仔與工人關係親密感心酸妒忌(圖片來源:Shutterstock)

凌晨獨自出廳喊

她表示,兒子之前都未曾試過有這些舉動,老公勸她不要阻止兒子找工人姐姐,令她覺得不開心,認為是工人姐姐太縱容兒子,所以二人關係才會如此親密:「作為阿媽我真係好心酸好妒忌,我當然知道姐姐對佢好(係縱) 先會咁,咩都就晒佢,我哋做父母唔會縱容仔女,但真係唔可以咁睇得開。」她很委屈地自爆因為太妒忌工人姐姐,試過凌晨獨自在客廳流淚:「都唔知要忍幾耐,我試過半夜自己一個人喺廳度喊。」現在,她很後悔之前給工人姐姐與兒子同睡。

凌晨獨自出廳喊(圖片來源:Shutterstock)
凌晨獨自出廳喊(圖片來源:Shutterstock)

網民安慰小朋友大個會改黏父母

有網民建議媽媽抽多點時間照顧小朋友:「想同仔仔關係親密啲,最好半夜父母自己照顧番」、「最好餵食時間都改一改,至少有一餐係你餵,咁會好啲」、「晚上跟父母睡係好關鍵㗎, 當年我又係一放工就接手照顧, 沖涼食飯玩講故事跟著睡覺!孩子最黐我!」不過亦有網民安慰媽媽,指小朋友長大後就不會再黐工人:「我仔細個時姐姐去沖涼佢都拍住門喊晒,我理佢佢都唔要!不過我無咩唔開心,大咗佢哋識分了」、「呢個年齡係會咁,只係依戀一個主要照顧者,容不下多一個。大啲就唔會咁,忍耐吓。唔使妒忌,慢慢大大就會跟返父母」

網民安慰小朋友大個會改黏父母(圖片來源:網上討論區)
網民安慰小朋友大個會改黏父母(圖片來源:網上討論區)

關鍵詞
爸媽心聲

你又點睇?

更多精選內容