文雪兒獨力養家 幾辛苦都捱過去 分享如個成就兩個學霸女兒 【五味人生】

文雪兒獨力養家 幾辛苦都捱過去 分享如個成就兩個學霸女兒 【五味人生】

家庭生活

年屆60的文雪兒 早年經歷離婚,她為了兩個女兒,努力學做生意撐起頭家,儘管面對再多難關也不怕:「因為我兩個女,我想畀多啲更好嘅嘢畀佢哋!」女兒現在終於長大成人,學有所成,雙雙出嫁。最近,她接受本刊訪問,談及當年獨自湊女的心路歷程。

資料來源:受訪者文雪兒|拍攝:Delphia(部分相片由受訪者文雪兒授權圖片、[email protected][email protected]__to)

離婚後幾辛苦都捱過去

文雪兒16歲已入行,加入佳藝電視,第一套劇集《碧血劍》已經擔正做女主角,至78年佳藝電視倒閉,她隨即加入麗的電視,備受重用,紅極一時。91年她息影結婚,婚姻維持八年就結束,與前夫離婚後,她母兼父職,撫養兩個女兒。她指那時候要獨自肩負養家壓力,放工還要照顧女兒、煮飯,非常辛苦:「最辛苦係時間不夠,想做嘅嘢好多,例如睇功課,公司嘅事又忙,有時想畀啲私人時間自己,覺得每一日時間都唔係好夠。」

食譜詳情即睇:元寶粉絲湯食譜-文雪兒私藏煮法!取意頭好+啱晒一家大細胃口

辛苦都要捱過去,她表示抓住信念最重要:「每一次喺我最艱難、最攰、最唔開心嘅時候,尤其是係兩個女激我嗰陣,我就會諗…聽日就會好!呢個信念令我每次有困難嘅時候,就會覺得困難好快就會過去,遲啲就有好日子會到。」

文雪兒【五味人生】
(圖片來源:[email protected]
文雪兒【五味人生】
(圖片來源:[email protected]

女強人為女兒過更好生活學搞生意

當時文雪兒從零開始,自力更生,00年開始做美甲店生意,由開店到現在都經歷過不少挑戰,但為了女兒生活得好,仍努力撐起頭家:「令到我好勤力咁繼續做嘢,因為我兩個女,我想畀多啲更好嘅嘢畀佢哋,例如教育…幫佢哋創造更好嘅未來。」

後來生意愈做愈好,之後漸漸擴張,現時已發展成連鎖美甲店。雖然疫情期間,她的店舖停業了很多日子,但她覺得僱主要保持正能量,努力幫助僱員:「每一個難關都可以過,當你過到難關,個滿足感、經驗就會累積,下一個難關就會容易啲過。我哋對香港非常有信心,會繼續用我哋嘅專業團隊去度過難關。經過呢次(疫情)之後,僱主同僱員之間嘅關係多咗份信心、關懷。」

兩女如何成為學霸?

05年,她與袁慧明再婚,一家人相處融洽。事業、愛情兩得意,連女兒都很乖巧、懂事,大女張筠畢業於英國倫敦大學土木工程系碩士課程;而細女袁萃就畢業於傳理系課程,學有所成。

(圖片來源:受訪者文雪兒授權圖片)
(圖片來源:受訪者文雪兒授權圖片)
(圖片來源:受訪者文雪兒授權圖片)
(圖片來源:受訪者文雪兒授權圖片)

她指女兒們之所以得到今日的成績,是靠她們自己發奮讀書,得來不易。當年她為免影響女兒們的成績,都盡力配合她們的時間表:「佢讀書過程係六親不認,臨考試前成幾個月無同我食一餐飯。日日都係拎住個碗,裝啲飯菜,就走入房一邊食一邊溫書。好多時我想同佢傾偈,佢就話:『唔好煩我啦!我好攰啊,我要溫書啊!』咁我就盡量配合佢。」

 

 

 

另外,她指兩個女兒很好動,所以曾為她們報讀不少同運動相關的興趣班,如溜冰,所花費用已不數清:「佢想要嘅校外課程,如果我可以負擔到,我都盡量配合佢哋。如果真係好多花費,會令我有動力再搵多啲錢嚟支持佢哋學費。」

雖然未能教到女兒課本上的內容,但她表示從小到大就教女兒要遵守三大價值觀,包括要有愛心、同理心,最重要不要貪心。

(圖片來源:)
(圖片來源:[email protected]
文雪兒【五味人生】
(圖片來源:[email protected]__to)

獲細女支持復出 重拾演戲熱情

雖然文雪兒大部分時間要忙於打理生意,但她的戲癮仍在。幾年前,她已將生意交給弟弟打理,處於退休狀態,但她表示自己是不能停下來的人,而且細女袁萃叫她做些喜歡的事,鼓勵她復出,所以她決定主動聯絡監製,重新走到鏡頭前。相隔廿年沒有演戲,她在《解決師》演張曦雯及丁子朗的媽媽,又於《一笑渡凡間》飾演張達倫表姐,形象多變,演技依然很精湛。

她指自己以前要花比較多時間才背到劇本,現在看一會兒就入到腦,節省許多時間,是因為平時有用「瑞士品牌營養補充劑 - 腦活益Smartol」的習慣,令到工作上更加方便。她讚這產品好處甚多,例如記憶力增強,變得更精靈,以前曾經試過想拿一些東西,從房間出到客廳就會忘記自己想做甚麼,但現在減少了同類問題發生。而且她年青時一直被偏頭痛問題困擾,試過有次頭痛,一用完,情況就改善了:「喺好短時間食令到我個腦突然間好似放鬆咗咁,頭痛就無咗!」她補充老人家使用完這項產品,變得更精靈、記性更好,但她指產品並非只針對老人家或年紀大的人士,其實脾氣暴躁的小朋友都可以使用:「可以鎮靜佢哋嘅神經。」

支持大女入行

大女張筠盡得媽媽優良基因,長得甜美,早前她簽約模特兒公司,加入娛樂圈。文雪兒指大女會承諾考木土工程師牌(最近大女獲得英國土木工程師協會認證,考獲英國特許工程師(Chartered Engineer(CEng)) 專業資格),成為工程師,讓她可以放心,而她亦明白大女是抱著嘗試心態,想趁年青抓緊機會,作多方面嘗試,所以會支持大女的決定:「佢覺得佢嘅專業到80歲再做番都可能有機會,但入娛樂圈老咗時…年紀愈大,機會愈少。」她大讚大女思想成熟,判斷力強,懂得為自己打算,完全毋須她擔心:「我無擔心過!」

喜見兩女雙雙出嫁 分享夫妻相處之道

上月,大女、細女宣布出嫁做人妻,文雪兒坦言開心,但初時有點失落:「初頭我諗住兩個女嫁咗,屋企會多啲空間,但會靜咗,會好掛住佢哋。」女兒們知道媽媽擔心,經常跟她講電話談心,又常常回家陪她吃飯,令她倍感溫暖:「我好快無咗嗰種緣咗兩個女,就無咗兩個女嘅心,反而依家好似多咗兩個仔咁。」

被問到有甚麼說話想跟女婿說,她馬上分享夫妻相處之道,提醒兩個女兒與另一半都要好好照顧彼此:「要互相包容,要畀多啲愛心去付出呢個家庭。大家互相照顧,創造一個幸福嘅家庭。」最後她不忘表示想早日抱孫,做婆婆:「記得生多啲BB畀我湊!」

文雪兒【五味人生】
大女(圖片來源:[email protected]
文雪兒【五味人生】
細女(圖片來源:[email protected]__to)

資料來源:受訪者文雪兒圖片來源:Sunday Kiss編輯部、受訪者文雪兒授權圖片、[email protected][email protected]__to

你又點睇?

更多精選內容