港鐵站裡唔見媽媽 4歲女狂喊!職員欲報警 港媽突然出現解釋失蹤原因惹爭議

港鐵站裡唔見媽媽 4歲女狂喊!職員欲報警 港媽突然出現解釋失蹤原因惹爭議

家庭生活

港鐵 站上大家會不會經常見到「走失」的小朋友?近日一名網民於社交平台指自己目睹一名小朋友「走失」﹐在港鐵站大喊,職員上前協助,惟港媽突然出現,其回答令她大開眼界。帖文引來很多網民留言,有人指港媽教女方式有問題,小朋友或有童年陰影;但有家長指好多上一代的爸爸、媽媽多年來都是這樣教導小朋友,讓小朋友學乖,兩邊網民各持己見。

撰文:Clara | 資料來源:Facebook討論區「外傭僱主必看新聞訊息」| 資料來源:SHUTTERSTOCK

港鐵站裡唔見媽媽 4歲女狂喊

近日一名網民於Facebook討論區「外傭僱主必看新聞訊息」撰文,講述她乘車時目睹港媽教女的事發經過,表明是沒有圖片但是100%真實的事件。事緣網民在港鐵站見到一名年約四歲的小朋友,獨自站在站內泣不成聲,非常彷徨地呼叫媽媽,網民形容:「喊得好淒厲,好徬徨,猛叫媽媽」。後來港鐵站職員見到小朋友,上前協助,安撫小朋友, 問她媽媽的個人資料。小朋友表現得很焦慮,說話支吾以對,難以回答問題,職員幫不到手,於是在對講機呼叫駐地鐵警察報案求助。

這個時候,有一個女人慢條斯理地走出來認領小朋友,她竟然向職員解釋這樣做是為了提升小朋友的自理能力:「我係刻意匿埋,訓練個小朋友膽量同埋危機應變能力!」網民聽到港媽的解釋感到非常驚訝,她覺得如果今日不是媽媽訓練小朋友,而是換著工人訓練小朋友,一定被責罵:「阿媽嘅奇謀妙計訓練小朋友呢, 大家又點睇?」

港鐵
港鐵站裡唔見媽媽 4歲女狂喊(圖片來源:SHUTTERSTOCK)

港媽突然出現解釋失蹤原因惹爭議

帖子引發網民爭議,有網民指責港媽似乎涉嫌疏忽照顧兒童,而且用這個極端方法教女,性格好有問題,恐怕會成為小朋友的童年陰影,失去安全感:「我個人最唔抵得頸,如果我喺現場一定會同佢傾吓偈」、「對小朋友好殘忍,如果您唔見咗仔女,你嗰刻係咩心情?仔女訓練你嘅應變能力得唔得?」、「佢係咪有病?」、「四歲…最無助嘅年紀,呢啲係童年陰影,搞到細路以後都唔敢相信人」

港媽突然出現解釋失蹤原因惹爭議(圖片來源:Faccebook截圖)
港媽突然出現解釋失蹤原因惹爭議(圖片來源:Faccebook截圖)

但有家長網民就話自己曾經用同樣方法訓練小朋友,威脅仔女要乖。他們指這方法有一定成效,惟強調要在安全情況下躲藏起來,而且訓練時間不能太久,見到地鐵職員走近小朋友就應該出現解釋:「唔好被細路要挾到」、「睇情況,如果因為小朋友好曳,日日周圍走,大人要追住佢,我覺得畀個教訓佢都係好」、「我小朋友之前會自己跑咗去,我都會特登安全情況吓匿埋」、「我唔買玩具畀佢,佢又唔肯走,一定要我買比佢,咁我咪話:『你留低啦,我走啦!』之後隔咗10分鐘,佢喊住出嚟揾我,我喺玩具舖頭出面門口,自此佢唔敢再發脾氣」。

港媽突然出現解釋失蹤原因惹爭議(圖片來源:Faccebook截圖)
港媽突然出現解釋失蹤原因惹爭議(圖片來源:Faccebook截圖)

關鍵詞
港鐵

你又點睇?

更多精選內容