主動湊孫無怨言 全職媽媽感激婆婆時刻關心自己:世上最偉大嘅人絕對係婆婆

主動湊孫無怨言 全職媽媽感激婆婆時刻關心自己:世上最偉大嘅人絕對係婆婆

湊孫 比湊仔難!但媽媽總是心疼已成母親的女兒,時不時無償湊孫!全職媽媽雖然不用上班,但家頭細務多,又要教養小朋友,這時就需要婆婆幫忙湊孫 。一名結婚八年的媽媽安妮有感而發,在社交平台上發文多謝「多功能婆婆」,她指全靠婆婆主動幫忙照顧孫仔Aidan,她的壓力才可大大減輕。帖文引來很多網民留言及轉發,紛紛借機感激父母。

撰文:Clara | 資料、圖片授權:安妮媽媽親子日記

婆婆時刻關心 主動湊孫

安妮媽媽於文中表示做了人媽媽,才明白婆婆有多偉大:「世上最偉大嘅人並唔係媽媽,我覺得絕對係婆婆!Aidan嘅婆婆稱得上係超人,真心佩服佢嘅偉大同毅力!」原來婆婆不但很關心安妮,也會幫忙湊孫:「一個女人照顧一頭家已經唔容易,佢仲會掛心埋結咗婚嘅囡囡。安妮媽媽生左Aidan後,婆婆就更忙,佢係唯一一個會係幫忙照顧孫仔嘅同時,無時無刻都會關心同緊張身為媽媽嘅女兒,經常幫忙湊孫,可以畀我有更多時間休息。到Aidan再大啲時,又會主動提出幫手湊孫,畀我哋兩公婆可以出去行吓街輕鬆吓。」

婆婆

婆婆最愛講六句話 催淚感人

安妮媽媽指婆婆最喜歡講六句說話:

1.「我唔攰,我幫你湊住先,你去瞓一陣。」
2.「聽日我幫你照顧囝囝,你同老公去拍吓拖啦!」
3.「我好飽,你哋食晒佢,鍾意食就食多啲。」
4.「我唔使你幫手洗碗,一陣又要我跟手尾。」
5.「琴晚瞓得好唔好?」
6.「有無咩想食?我買上嚟畀你。」

其實婆婆都是說違心話,明明很疲倦、未夠飽,但都想先照顧安妮,讓安妮好好休息。安妮很感動,明白婆婆為人父母的一片苦心:「真係做咗人媽咪先知道咩叫『媽咪唔肚餓』,媽咪永遠都係食得最慢嘅一個,因為會睇吓小朋友夠唔夠食,有無邊啲特別想食多啲,就會留畀佢哋。仲有,婆婆話『唔攰』永遠都係呃人的,佢只不過係想畀我哋可以休息吓,或者做吓自己野,所以就攬晒啲嘢做晒。」

安妮媽媽非常感恩,她說:「我真係好愛好愛我的父母,我成日都覺得係因為佢地咁偉大無私,先可以令一家六口咁溫馨,相處得咁融洽,我哋四姊弟感情先會咁好。真係好感激我嘅爸爸媽媽,我太愛你哋喇!」最後她還笑言如果婆婆搬屋,她必定一齊搬,住得近就可以常常見面。

婆婆

媽媽網民感同身受

安妮媽媽這篇文章惹來不少網民熱烈回應,大家都紛紛留言多謝父母幫忙湊孫:「婆婆堅係付出多多,但成日受埋我哋啲無厘頭嘅脾氣,有時仲會扮無事,耐力十分高強。」、「家有一老如有一寶,十分感激我們家有二老,對我們後生默默地付出和支持!」、「完全同意,婆婆係世上最偉大嘅女人,都係我最愛嘅,完全感受到咩叫無私嘅付出。囡囡大個咗一定要好好孝順婆婆,同媽咪一樣。」

資料、圖片授權:安妮媽媽親子日記

 

 

 

更多精選內容