火鍋店危機四伏?港媽禁老公帶2歲仔同行 呻老公思想未及自己成熟

火鍋店危機四伏?港媽禁老公帶2歲仔同行 呻老公思想未及自己成熟

冬天吃 火鍋 最適合,一來吃完全身暖呼呼,是驅寒的最好選擇,二來天寒地凍,很多人不想下廚,吃火鍋只需所有食材放進鍋中,很方便。近日,一名港媽於社交平台發文大呻老公與同事約在火鍋店聚餐,竟然一度想帶兩歲兒子同行,她非常生氣,認為太危險,然而對方不知道自己錯在哪。最後港媽再次解釋給老公聽,並指責他心思不夠自己細密、心態未成熟。帖文引來很多網民留言,大家對港媽的行為褒貶不一。

撰文:Clara | 資料、圖片來源:「生仔要考牌」

港媽禁老公帶2歲仔去火鍋店

這名港媽於Facebook專頁「生仔要考牌」投稿,她指自從生仔後出席任何社交活動,她都會顧慮小朋友有沒有發生意外的機會,再決定小朋友是否適合同行。她指每次出街都只有自己擔心小朋友,老公從未試過:「好似有被害妄想症咁⋯⋯但呢樣妄想好似只有媽媽會有,爸爸發病率係零。」

港媽舉了一個例子,她指有次老公與同事約在火鍋店聚餐,老公詢問她能否帶同兩歲兒子同行,她認為火鍋除了沒有合適食物給小朋友吃,更會有機會有意外發生,所以她斷然拒絕。她指當下老公不太明白為甚麼不可以帶兒子同行,最後索性不出席同事聚餐,她覺得老公自以為很偉大:「一直心裡面覺得自己好似好偉大,留喺屋企陪老婆小朋友咁⋯⋯」

港媽禁老公帶2歲仔去火鍋店
港媽禁老公帶2歲仔去火鍋店

港媽呻老公思想未及自己成熟

後來,港媽同老公逛商場,聽到有小朋友大喊,路人圍觀,原來有位中年媽媽帶住約7、8歲的哥哥同5、6歲弟弟吃湯麵,期間碗麵打翻在哥哥身上。路人見到即刻上前為哥哥脫去上身衫,再用水降温,弟弟在旁嚇到喊,但中年媽媽已經分身不瑕,亦不見其老公出來幫忙,安慰不到弟弟。

離開現場,港媽問老公:「你依家明唔明白點解拒絕帶小朋友去火鍋店?一個7、8歲小朋友食湯麵都會發生意外,火鍋店更唔係一個適合2歲小朋友去嘅地方,你明嗎?」雖然對方似乎終於明白,但港媽認為老公太遲領悟到不應帶兒子去火鍋店的原因:「點解有小朋友之後,永遠都係媽媽考慮嘅嘢多咗,爸爸好似仲停留喺拍拖階段咁?唉,呻下啫,轉頭咪又係要返出去湊仔。」

一部分網民認為安全至上

帖文引來很多網民留言,大家分成兩派,一邊是支持港媽,他們認為小朋友安全至上,不去火鍋店就可避免意外發生,否則小朋友受傷,作為父母會後悔一世:「2歲小朋友本來就不是應該出現在火鍋店的生物」、「如果有得揀,一定唔會同幼兒去打邊爐,若果家庭聚會無得避,會坐到離個爐老遠嘅位,同埋所有嘢食唔會揀有湯上」、「曾經看過新聞有服務人員拿火鍋湯底唔小心kick一吓腳,啲湯倒落個bb度⋯⋯天啊!想想都打冷震!」而且他們覺得港媽老公不明白港媽的擔憂,還以為自己很好:「爸爸少少犧牲都會覺得自己好偉大」。

一部分網民認為安人至上
一部分網民認為安全至上

一部分網民認為港媽過分保護兒子

另一方面的網民不認同港媽,他們覺得港媽太緊張,過分保護小朋友:「其實學行嘅過程有機會跌倒,請問post主係咪唔比個小朋友學行?你不如鎖個小朋友入夾萬,到佢18歲攞成人身份證就會自自然然識得危機意識嫁喇」、「出街都好危險,過馬路有機會撞車,飲水都有機會淥親,你都係搵個箱鑲起你個仔啦,記得要駁條喉吊鹽水」、「以後要夠18歲先可以打邊爐」、「60歲都有機會倒瀉湯」

有媽媽網民對港媽的心態表示明白,但她以過來人身分提醒港媽,應該適度放手,讓小朋友嘗多點新事物,他們才可健康成長:「我小朋友未夠2歲已經成日同行出街食飯,邊爐、烤肉、自助餐都食過,啱唔啱食睇你畀乜小朋友食啫」、「同意做人父母要諗多啲,顧及小朋友安全,但唔等於將所有嘢隔絕晒」。

亦有網民覺得港媽才是自以為很偉大,而且對老公要求太高:「唔該唔好講到自己好偉大」、「做老婆要問吓自己有無畀過機會佢學做個好爸爸,不能一昧怪男人思考不周」、「兩個大人應該睇得實個小朋友嘅,放鬆啲啦媽媽」、「兩個大人都睇唔住一個兩歲細路仔,真係要考牌」。

一部分網民認為港媽過分保護兒子
一部分網民認為港媽過分保護兒子

讀者你又有何意見?

 

關鍵詞
夫妻關係

你又點睇?

更多精選內容