70後網民鬧80/90後媽媽縱壞仔女 被網民批評:要返山洞住嗎?

70後網民鬧80/90後媽媽縱壞仔女 被網民批評:要返山洞住嗎?

縱壞仔女近年成為網民茶餘飯後的話題,其實父母要湊大仔女不容易,既要避免縱壞 他們,又要擔心他們在外面學壞,相信好多家長都頭痛。近日有名自稱70後的網民,於社交平台點名批評80、90後媽媽,更借住屋環境、讀書、買樓做例,指她們對仔女太好,安排好一切,讓子女生活無憂無慮,物質生活水平高,是導致子女「唔捱得」的主因。

撰文:Clara | 資料及圖片來源:「生仔要考牌」、shutterstock

70後網民鬧80/90後媽媽縱壞仔女

事緣一名70後網民於Facebook專頁「生仔要考牌」投稿,一開始就點名批評80、90後媽媽嬌生慣養,明明並非有錢人,也堅持要在私家醫院生BB、要一定請陪月員,而且覺得結婚一定要買樓,周圍問人借錢付首期。70後網民認為這些嬌生慣養媽媽,因為一直過著豐裕的物質生活,而且多數只生一個小朋友,所以會給仔女最好的資源,讓仔女同自己一樣得到最好的生活,但70後網民覺得她們這樣做會間接縱壞仔女,令他們「唔捱得」。

70後網民鬧8/90後媽媽縱壞仔女
70後網民鬧8/90後媽媽縱壞仔女

70後網民認為新一代缺乏抗壓能力

他表示以前與一家人的住屋環境較差,但他一樣可以好好生活:「我以前邊有咁幸福?邊度有人會幫我哋諗埋間房間、買新屋?邊度話唔買樓就一定唔可以生存?父母細個都係十個人迫埋一間屋入面,係冇房。我以前咪又係住喺擠迫嘅公屋,從來都沒有自己房間,咪又係咁樣長大。」他續指即使以前沒法讀名校,但至少懂得自行放學,照顧自己:「唔一定要畀仔女入名校⋯⋯我讀嘅學校又係屋邨小學,自三年班起就要自己放學,邊似依家好多人都有工人接送?甚至去到五、六年班都要人接?」

70後網民認為新一念缺乏抗壓能力(非當事人)
70後網民認為新一代缺乏抗壓能力(非當事人)

他稱自己見過太多個案,例如他曾經遇過一個小朋友,坦言無謂太努力讀書,因為父母已為他買了一層樓,縱壞了他:「聽落真係激死人!下一代變咗會覺得既然屋企有自置物業,自己當然就唔使努力」。他覺得媽媽們對仔女太好,縱壞他們,令仔女缺乏抗壓能力:「個個當啲細路係公主王子咁對待就慘啦,現在父母給孩子的實在太多了!父母畀最好嘅嘢佢哋,搞到佢哋唔識知足,覺得樣樣嘢都係應份。唔能夠喺逆境下成長嘅人,如果佢第時遇到咩事,我諗佢真係會好難面對!」

70後網民認為新一念缺乏抗壓能力(非當事人)
70後網民認為新一念缺乏抗壓能力(非當事人)

70後網民被批同依家鬥慘

此帖文引來網民很大迴響,很多網民批評那位70後網民只會拿以前與現今的生活環境、應對方法做對比,很不公平:「又係啲老屎忽(恃老賣老的人)思維,用自己嗰代同依家鬥慘,襯托自己勁,踩後生仔,但又唔識將心比己諗吓依家呢代嘅難處」、「上一代過得唔好,所以就想下一代都一樣唔好先服氣,簡單啲講即係魚蛋論」、「以前以前,你同我upgrade 吓自己先啦以前」

亦有網民將原始人與70後網民比較,笑言70後網民也不是很捱得,借此嘲諷他:「原始人:『我出世嗰陣住山洞,自己打獵先有飯開⋯⋯出post者唔捱得,要住屋仔、出世又有奶粉食,物質太豐富了」、「咁你仲唔捐晒啲錢,帶啲細路揾個山洞住?唔好用水用電啊。同埋定埋條家訓,就算揾到錢都要代代捐哂去,由零開始就夠晒抗逆。」

網民批評70後網民是「老屎忽」(facebook截圖)
網民批評70後網民是「老屎忽」(facebook截圖)
網民批評70後網民是「老屎忽」(facebook截圖)
網民批評70後網民是「老屎忽」(facebook截圖)

關鍵詞
90後80後

更多精選內容