聚會次次要埋單 港媽湊仔負擔重!呻30歲妹食飯從不夾錢還做出3大過分行為

聚會次次要埋單 港媽湊仔負擔重!呻30歲妹食飯從不夾錢還做出3大過分行為

聚會 食飯能維繫家人之間的關係,特別疫症時期,減少外出,家人聚會的機會就更加難能可貴。不過有人歡喜,有人愁,一名港媽近日於網上討論區呻妹妹年過30歲,仍奉旨要人請,每次從不夾錢,要她與老公埋單。因為她要照顧小朋友,負擔重,難免覺得吃力,遂將事件公開,發洩心頭不滿。

撰文:Clara | 資料來源:網上討論區|圖片來源:SHUTTERSTOCK

30歲妹聚會食飯從不夾錢

近日港媽於網上討論區以「一家人出街食飯最細嘅係咪永遠唔使畀錢」為題發帖文,她指妹妹今年已經30多歲,已出社會工作多年,惟她在家庭聚會中屬於年紀最細、輩分最小的人,所以她仍當自己是小朋友。例如他們一家人一個月會聚會吃飯一、兩次,她每次都會「恃細行兇」,做出三大過分行為。

第一,妹妹經常提議大家到高級餐廳用餐或食自助餐,埋單要4,000至5,000港元不等,但每次都會奉旨人請,從不主動夾錢;第二,她有時會帶同男朋友出席聚會,但她男朋友同樣不會夾錢;第三,因為她男朋友是單親家庭長大,故大時大節會帶同其母過來聚會吃飯,感受家庭溫暖與節日氣氛,但她男朋友的媽媽也是不會夾錢。結果,港媽常常要請多三個人,令她大感無奈。

30歲妹聚會食飯從不夾錢(圖片來源:SHUTTERSTOCK)
30歲妹聚會食飯從不夾錢(圖片來源:SHUTTERSTOCK)

港媽直言湊仔負擔重 未被體諒

以前她覺得妹妹年紀還很小,她與老公負擔不大,即使每次聚會請客都沒有所謂。但現在他們生了小朋友,要照顧小朋友花費甚高,如果次次都要請客,負擔就會好大。她形容自己「條氣好唔順」,對妹妹與她男朋友表示非常不滿:「佢哋都無話體諒吓我哋主動畀番一兩次,係咪個個家庭啲『小朋友』都唔使夾錢?」

港媽直言湊仔負擔重 未被體諒 (圖片來源:SHUTTERSTOCK)
港媽直言湊仔負擔重 未被體諒 (圖片來源:SHUTTERSTOCK)

揭妹妹常去日本又買名牌袋

港媽笑言,妹妹也曾經試過付費送禮,就是每年她生日時,妹妹會買生日蛋糕到餐廳。她指妹妹常常解釋自己很窮,但她並不覺得妹妹特別節儉:「全年唯一有機會食到佢嘅嘢就係個蛋糕…叫佢請不如攞咗佢條命,佢哋已經成日呻窮話要儲錢結婚買樓生仔。如果你問我,佢哋係咪好慳,我又唔覺,未有疫情前依然一年去兩次日本,名牌袋可能兩年買一個。」雖然她很不忿氣,但始終是親生妹妹,所以她只能慨嘆︰「咁無辦法啦惟有認命,鬼叫我早佢一年出世。」

網民各執一詞

網民認為港媽妹妹很不識做:「你妹帶埋男朋友仲要帶埋男朋友媽咪,仲要唔畀錢,真係好意思」、「30幾唔係小朋友啦,畀我會出聲囉」但有網民就勸港媽放下執著:「不要計較講得係一家人就唔好計啦!」、「我哋屋企細嘅小朋友係唔洗畀錢,爭畀錢都永遠爭唔贏」

網民各執一詞(圖片來源:網上討論區)
網民各執一詞(圖片來源:網上討論區)

關鍵詞
爸媽心聲

你又點睇?

更多精選內容